LEVÍTICO 11:44 - Icamanal Toteco

⁴⁴ Na niamoTECO Dios. Nijnequi ximomocuitahuica cuali huan xielica antatzejtzeloltique pampa na nitatzejtzeloltic. Huajca amo xiquitzquica yon se ten ni tapiyalme cati mohuahuatatzaj talchi pampa amechchihuas amo antapajpactique noixpa.

LEVÍTICO 11:44 Iomraidhean Croise

SALMOS 99:5

¡Ma tijhueyitalica TOTECO, yaya toDios, yaya cati tatzejtzeloltic! Ma timotancuaquetzaca huan ma timoixtapachoca hasta talchi iicxita, pampa san yaya tatzejtzeloltic.

SALMOS 99:9

Ma tijhueyitalica TOTECO huan ma tijhueyichihuaca. Ma timoixtapachoca iixpa ipan nopa tepet tatzejtzeloltic cati itoca Sion.

ÉXODO 16:12

―Nijcactoc quenicatza noca camanaltij huan techtaijilhuíaj ni israelitame. ‘Xiquinilhui para quema tiotaquiyas, quicuase nacat, huan ica ijnaloc quicuase pantzi hasta ixhuise. Quej nopa quimatise para na niDIOS, niininTECO.’

ÉXODO 19:10

Huan TOTECO quiijto: ―Xiya xiquincualtaliti nopa masehualme ama huan mosta, huan xiquiniyocacahua senquisa para na. Monequi quichicuenise iniyoyo,

ÉXODO 19:6

Huan anelise se altepet ica seyoc xinachti masehualme cati iyoca ten nochi sequinoc. Nochi anelise totajtzitzi huan tatzejtzeloltique noixpa. Quej nopa TOTECO quiilhui Moisés ma quinilhui nopa israelitame.

ÉXODO 20:2

“Na niDIOS, niamoTECO cati nimechquixti ipan tali Egipto campa antetequipanohuayayaj san tapic quej amechcojtosquíaj.

ÉXODO 22:30

Nojquiya monequi techmacaca iniachtohui conehua amohuacaxhua huan amoborregojhua. Huelis mocahuase chicome tonati ihuaya ininana, pero ipan nopa chicueyi tonali techmacaca.

ÉXODO 22:31

“Monequi anelise notatzejtzeloltica masehualhua. “Amo xiquincuaca tapiyalme cati tecuanime quinmictijtoque cuatita. Nopa nacat monequi xiquinmacaca chichime.

ÉXODO 23:25

San techhueyichihuaca na, niamoTECO Dios, huan nijtiochihuas amotacualis ihuaya amoa. “Huan nijchihuas para ma amo amechajsi cocolisti.

ÉXODO 6:7

Huan xiquinilhuiti na nimoaxcatis nopa israelitame huan elise nomasehualhua. Huan na nielis niininTeco. Quej nopa quimatise para na niininTeco Dios cati niquinmocuitahuía, huan na cati niquinquixtis ten nopa tequit cati tahuel etic ipan ni tali Egipto.

ISAÍAS 43:3

Pampa na niamoTECO huan niamoDios. Na niamotemaquixtijca. Na cati niTatzejtzeloltic cati niitztoc amohuaya anisraelitame. Nijtemactili nopa tali Egipto, Etiopía huan Seba quej amopataca para nimechmanahuis huan nimechmaquixtis.

ISAÍAS 51:15

“Pampa na niamoTECO huan niamoDios. Na cati nijtacahualti nopa at cati mosisinía para ma amo mojmolini. Na notoca nopa DIOS Cati Quinyacana Iilhuicac Ejcahua Ma Tatanitij.

LEVÍTICO 10:3

Huan teipa Moisés quiilhui Aarón: ―TOTECO quinequiyaya techilhuis para quej ni panos quema quiijto: ‘Niquinnextilis para nitatzejtzeloltic, nochi cati monechcahuíaj campa na. Huan nochi israelitame techhueyitalise.’ Huan Aarón amo molini.

LEVÍTICO 11:43

Amo xijtoxomaca yon se ten ni tapiyalme pampa amechchihuas amo antapajpactique.

LEVÍTICO 18:2

“Xiquinilhui nopa israelitame ni tanahuatilme. “Na, niamoTECO Dios.

LEVÍTICO 19:10

Huan san se anquichihuase ica amoxocomecamil. Amo xijtequica hasta inacasta amomil, yon amo xijtemoca cati mocajtoc o tepejtoc. Na niamoTECO Dios cati nimechilhuía.

LEVÍTICO 19:2

“Xiquinilhui nochi israelitame ni tanahuatilme. “Xiitztoca antatzejtzeloltique pampa na, niamoTECO Dios, nitatzejtzeloltic.

LEVÍTICO 19:3

“Sese ten amojuanti monequi anquitepanitase amotata huan amonana. “Huan monequi ximosiyajquetzaca ipan nochi nopa tonali para anmosiyajquetzase. Na, niamoTECO Dios, nimechilhuía.

LEVÍTICO 19:4

“Amo quema sempa ximotemachica ipan teteyome huan taixcopincayome. Na, niamoTECO Dios cati nimechilhuía.

LEVÍTICO 20:26

Monequi xiitztoca antatzejtzeloltique noixpa, pampa na cati niamoTECO nitatzejtzeloltic. Huan nimechiyocatalijtoc ten nopa sequinoc masehualme para xielica annoaxcahua.

LEVÍTICO 20:7

“Huajca ximoiyocatalica ten ni tamanti huan xiitztoca antatzejtzeloltique, pampa na niamoTECO Dios cati nimechnahuatía.

LEVÍTICO 21:8

Se totajtzi monequi mocahuas taiyocatalili pampa yaya cati techmacas nopa tacajcahualisti noixpa na, niamoTeco Dios. Huajca ma mocahuaca tatzejtzeloltique nopa totajtzitzi, pampa na, niamoTECO, nitatzejtzeloltic, huan na cati nimechtatzejtzelolchihua.

AMÓS 3:3

Ome masehualme amo hueli nejnemise san sejco sinta amo san se moilhuíaj para canque yase.

NÚMEROS 15:40

Quej nopa anquielnamiquise nochi notanahuatil huan anquineltocase, huan aneltose antatzejtzeloltique san para na, niamoTeco Dios.

MATEO 5:48

Monequi xiitztoca senquisa cuali ipan nochi cati anquichihuaj quej amoTata cati itztoc ipan ilhuicac itztoc senquisa cuali.

DEUTERONOMIO 14:2

Anitztoque masehualme cati antaiyocatalilme para amoTECO Dios pampa yaya amechtapejpenijtoc para aniaxcahua. Amechtapejpenijtoc ten nochi sequinoc xinach masehualme ipan taltipacti para anelise se tamanti masehualme cati senquisa ya iaxca.

1 TESALONICENSES 4:7

Pampa Toteco technotztoc para timochihuase titatzejtzeloltique, amo technotztoc para ma tijchihuaca cati fiero iixpa.

JOSUÉ 24:19

Huajca Josué quinilhui nochi cati nopona itztoyaj: ―Amo huelis anquitequipanose TOTECO quej hueltzi, pampa yaya tatzejtzeloltic. Huan yaya amo quiijyohuía se cati quiijtohua quitequipanohua sinta nojquiya quintepanita teteyome cati amo nelía Dios. Ya nopa quicualancaita. Sinta anquitepanitaj seyoc, amo amechtapojpolhuis.

1 PEDRO 2:9

Pero amojuanti amo anmotepotanijtoque ipan Icamanal. Anitztoque masehualme cati Toteco amechtapejpenijtoc ten huejcajquiya. Amechchijtoc quej se hueyi grupo ten totajtzitzi cati quitequipanohuaj. Anitztoque quej se hueyi altepet ten masehualme tatzejtzeloltique. Quena, animasehualhua cati Toteco amechcojtoc para anelise aniaxcahua. Huan amechtequimacatoc xiquinilhuica sequinoc masehualme quenicatza ihueyitilis Toteco cati amechnotzqui quema annejnemiyayaj ipan ojti cati amo cuali huan campa tzintayohuilot. Ama amechchijtoc xinejnemica campa itaahuil cati cuajcualtzi.

APOCALIPSIS 22:11

Huajca yaya cati amo cuali o cati fiero quichihua, huan amo quinequi quicaquis ni amatapohuali, ma quisenhuiquili quichihua cati amo cuali huan cati fiero. Huan yaya cati itztoc cuali huan tatzejtzeloltic iixpa Toteco huan quicaqui ni amatapohuali, ma quisenhuiquili quichihua cati cuali huan ma itzto tatzejtzeloltic iixpa Toteco.”

1 SAMUEL 2:2

Amo aqui seyoc cati tatzejtzeloltic quej ta, TOTECO. Amo aqui seyoc Dios. Amo aqui seyoc cati hueli temanahuía quej ta, san Toteco Dios tiiyojtzi.

1 SAMUEL 6:20

Teipa nopa Bet Semes ehuani quiijtojque: “¿Ajquiya huelis itztos iixpa TOTECO pampa yaya nopa Dios cati tatzejtzeloltic? ¿Canque huelis tijtitanise ni caxa ten TOTECO?”