JUECES 5:5 - Icamanal Toteco

⁵ Nopa tepeme huihuipicaque moixpa TOTECO, ta cati techmocuitahuía titali Israel ehuani. Quena, tepet Sinaí nojquiya huihuipicac moixpa.

JUECES 5:5 Iomraidhean Croise

SALMOS 104:32

Quema Toteco quitachilía taltipacti, ni taltipacti huihuipica. Huan quema quinajsi tepeme, inijuanti lemenij.

SALMOS 114:4

Nochi paquiyayaj hasta elqui quej nopa tepeme huitonque ica paquilisti quej chivojme, huan nopa taixtemolis huitonque quej pilborregojtzitzi.

SALMOS 68:8

nopa tali mohuiso huan huetzqui at ten ilhuicacti moixpa. Nopa tepet Sinaí mohuiso moixpa ta cati titoTeco tiisraelitame.

SALMOS 68:9

Toteco Dios, ta tijchijqui ma huetzi miyac at ipan ni tali cati tiquinmacac momasehualhua. Quena, ica nopa at tiquinfuerzajmacac cati moaxcahua quema tahuel siyajtoyaj.

SALMOS 97:5

Nochi tepeme atiyaj quej cera iixpa TOTECO cati iaxca nochi taltipacti.

ÉXODO 19:18

Huan nochi nopa tepet Sinaí popocayaya pampa TOTECO hualtemotoya ipan se tit. Nopa pocti tejcoyaya quej campa tacacatzohuaj, huan nochi nopa tepet mojmoliniyaya tahuel chicahuac.

ÉXODO 20:18

Nochi israelitame quicajque nopa tatomonilot huan nopa tapitzali. Quiitaque nopa tapetanilot huan nopa tepet cati popocayaya. Huan tahuel majmajque, huan huihuipicaque huan mohuejcaquetzque.

ISAÍAS 63:19

¿Para ten techchihua quej elisquía amo timomasehualhua? ¿Para ten techchihua quej elisquía timasehualme ten seyoc tali cati amo quema timitztocaxtijque titoTeco?

NAHÚM 1:5

Quema TOTECO itztoc nechca, nopa tepeme huihuipicaj huan nopa tepexime atiyaj. Mojmolinía tali huan nochi cati itztoque ipani tahuel momajmatíaj.

HABACUC 3:10

Nopa tepeme huihuipicaj quema mitzitaj, huan huetzi ten ilhuicac tahuel miyac at. Tejco nopa at cati eltoc tatzinta tali ipan nopa huejhueyi at. Nelía caquisti quej se cati tzajtzi chicahuac huan eltoc quej nopa at momatanana moixpa.

HEBREOS 12:18

Amojuanti amo anmonechcahuíaj campa se tepet cati hueli anquiitzquise quej nopa israelitame quichijque huejcajquiya quema Toteco quinmacac itanahuatilhua. Inijuanti quinechcahuijque se tepet cati tatayaya, huan iniixpa monexti se hueyi tzintayohuilot cati quinmajmati, huan quiitaque se hueyi ajcomalacat.