JUECES 4:10 - Icamanal Toteco

¹⁰ Huan mosentilijque 10 mil soldados huan quistejque ica Barac quej inintayacanca. Huan Débora inihuaya yajqui.

JUECES 4:10 Iomraidhean Croise

1 REYES 20:11

Huan nopa tanahuatijquet ipan tali Israel tananquili huan quiilhui: “Amo ximohueyichihua amantzi quema ayemo titatani. Ximohueyichihuas quema ya titatantos.”

SALMOS 68:28

Toteco Dios, ica mohueyi chicahualis xijchihua nochi cati techilhuijtoc. Quena, xijnexti mohueyi chicahualis para sequinoc ma quiitaca nopa huejhueyi tamanti cati ta techchihuilijtoc.

ÉXODO 11:8

Huan hualase techitaquij nochi ni tequichihuani cati mitzpalehuíaj huan motancuaquetzase noixpa para techilhuise chicahuac para ma tiyaca inihuaya nochi tomasehualhua. Huan quema panos ya nopa, huajca quena, niyas. Huan Moisés quisqui iixpa nopa Faraón nelcualantoc.

JUECES 4:14

Huajca Débora quiilhui Barac: ―Xiya amantzi, pampa ama TOTECO mitzyacantiyas huan mitzmactilis Sísara momaco. Huajca Barac temoc ipan tepet Tabor ica 10 mil soldados.

JUECES 4:6

Huan se tonal Débora tanahuati ma quinotzatij Barac, icone Abinoam, cati itztoya ipan altepet Cedes ipan inintal iixhuihua Neftalí. Huan quema hualajqui, Débora quiilhui: ―TOTECO cati toDios tiisraelitame mitznahuatía xiquinsentili 10 mil tacame cati hualahuij ipan nopa huejhueyi familias Neftalí huan Zabulón huan xiquinyacana hasta nopa tepet Tabor.

JUECES 5:15

Nojquiya nopa tequichihuani huan soldados ten nopa hueyi familia Isacar temoque hasta nopa tamayamit ihuaya Débora. Huan iteipan ixhuihua Isacar quipalehuijque Débora, huan nojquiya Barac quipalehui. Quena, moisihuiltijque para tapalehuise. Pero iixhuihua Rubén amo yajque.

JUECES 5:18

Pero iixhuihua Zabulón ihuaya Neftalí, inijuanti, quena. Yajque tatehuitoj huan amo moilhuijque sinta miquisquíaj.

JUECES 6:35

Nojquiya quinnahuati nopa tayolmelahuani ma yaca ipan nochi nopa tali campa itztoyaj iixhuihua Manasés para ma mosentilica ihuaya. Nojquiya tatitanqui ma quinyolmelahuatij israelitame ipan nopa huejhueyi familias Aser, Zabulón huan Neftalí. Huan nochi inijuanti nima hualajque mosentilicoj ihuaya Gedeón.

1 SAMUEL 25:27

San ama xijseli nochi ni tamanti cati nimitzhualiquilijtoc para ta huan nochi nopa tacame cati itztoque mohuaya.