JUECES 14:3 - Icamanal Toteco

³ Huan itata ihuaya inana quiilhuijque: ―¿Amo hueli tijpantis se ichpocat nica ihuaya toteixmatcahua o ipan ni altepet? ¿Para ten monequi timocuilis se filistea sihuat cati amo quineltoca Toteco, yon amo motequilíaj ipan inintacayo nopa tanextili circuncisión quej Toteco tanahuatía? Huan Sansón quinanquili itata: ―Pero na ya nopa niquixtoca, techijtanilitij para nimocuilis.

JUECES 14:3 Iomraidhean Croise

GÉNESIS 13:8

Huajca se tonali Abram quiilhui Lot: “Tojuanti tiicnime. Amo cuali para ma monajnanquilica motequipanojcahua ihuaya notequipanojcahua huan pehuas timocualanise tiome.

GÉNESIS 21:27

Huajca Abraham quincuic borregojme huan huacaxme huan quimacac Tanahuatijquet Abimelec para quiijtos para temachti amo moixpanose quej quiijto nopa camanali cati quisencahuayaya ihuaya.

GÉNESIS 34:14

huan huajca quinilhuijque: ―Amo hueli tijnamacase toicni ica se tacat cati amo motequilijtoc iyecapa nopa cuetaxti ipan itacayo pampa ya nopa elisquía se pinahualisti para tojuanti.

2 SAMUEL 1:20

Amo xiquinilhuica tocualancaitacahua cati itztoque ipan altepet Gat. Yon amo xiquinpohuilica cati itztoque ipan tianquis ipan altepet Ascalón, para amo techhuetzquilise nopa filisteo sihuame. Amo tijnequij ma techpinajtica nopa sihuame cati amo quineltocaj TOTECO.

JOSUÉ 23:12

“Sinta anmoiyocacahuase ten TOTECO huan anmosejcotilise ica inijuanti cati noja mocahuaj ipan ni talme, o sinta anmosihuajtise ica iniichpocahua, o sinta anquincahuilise ma mocuilica se israelita ichpocat,

JUECES 14:2

Huan mocuetqui ichaj huan quiilhui itata ihuaya inana: ―Niquixtoca se ichpocat cati ehua Timnat huan nijnequi xiyaca xiquijtanitij para nimocuilis.

JUECES 15:18

Huan teipa Sansón pejqui amiqui tahuel huan motatajti ica TOTECO huan quiijto: “Nelía hueyi cati tijchijtoc ica nomax pampa techmaquixtijtoc tiisraelitame ten nopa filisteos. Huajca ama, amo techcahuili ma niamijcamiquis huan nimocahuas inimaco cati amo mitzneltocaj.”

1 SAMUEL 14:6

Huan Jonatán quiilhui itamocuitahuijca: ―Ma tiyaca hasta campa itztoque nopa fiero filisteo tacame pampa huelis TOTECO quichihuas se tanextili ica tojuanti. Amo teno ohui para ya. Sinta yaya quinequis ma tiquintanica tocualancaitacahua huan techpalehuis, hueli tiquintanise masque amo timiyaqui o san se ome tiitztoque.

1 SAMUEL 17:26

Huajca David pejqui quinilhuía cati itztoyaj inechca: ―Amo quinamiqui tijcahuilise ni filisteo cati amo quiixmati TOTECO ma techtaijilhui tojuanti cati tiisraelitame. Tojuanti tiiaxcahua Toteco Dios cati nelía itztoc. ¿Taya quiijtohua quimacase cati quitanis huan quitamiquixtis ni pinahualisti ten tiisraelitame?

1 SAMUEL 17:36

Huajca ya nijmictijtoc se león huan se oso, huan quej nopa nijchihuas nojquiya ica ni filisteo tacat cati amo teno quipiya ica TOTECO. Pampa tahuel techtaijilhuijtoc tiisraelitame huan tojuanti tiiaxcahua Toteco Dios cati itztoc.

1 SAMUEL 31:4

Huajca quiilhui itamocuitahuijca cati quihuiquiliyaya itepostzajca: ―Xijquixti momacheta huan techmicti para amo hualase nopa fiero tacame filisteos, huan techchihuiliquij cati inijuanti quinequise para más ma nitaijyohui huan san techhuihuiitase quema techmictise. Pero itamocuitahuijca amo quinejqui quimictis pampa majmahuiyaya. Huajca teipa Saúl quiquixti imacheta huan momajcajqui ipani huan momicti.