JUECES 10:4 - Icamanal Toteco

⁴ Huan nopa juez Jair quinpixqui 30 itelpocahua cati tejcoyayaj ipan 30 burrojme, huan quipixtoyaj 30 altepeme cati iniaxcahua ipan tali Galaad. Huan nopa altepeme hasta ama eltoc huan quintocaxtíaj “ialtepehua Jair”.

JUECES 10:4 Iomraidhean Croise

2 SAMUEL 16:2

Huan David quitatzintoquili Siba: ―¿Para ten tijhualica nochi ya ni? Huan Siba quinanquili: ―Ni burrojme niquinhualicatoc para ma ipan tejcoca mochan ehuani, huan ni pantzi para ma quicuaca mosoldados, huan ni xocomecat iayo nojquiya para ma quiica cati siyahuij ipan huactoc tali.

ZACARÍAS 9:9

¡Xipaquica miyac, anmasehualme ipan Jerusalén! ¡Xitzajtzica ica paquilisti, nochi anisraelitame campa hueli! Amotanahuatijca neca huala. Yaya senquisa xitahuac huan temaquixtía. Moicnonequi huan huala ipan se pilburrojtzi. Quena, yaya huala ipan icone se sihua burro.

NÚMEROS 32:41

Huan iixhuihua Jair, nopa seyoc icone Manasés ten huejcajquiya, yajque moaxcatitoj cati eliyaya iniaxca sequinoc amorreos huan quitocaxtijque Havot Jair.

DEUTERONOMIO 3:14

Iixhuihua Jair cati elqui se iixhui Manasés huejcajquiya mocuilijque nochi nopa talme ten Argob hasta campa inepa tali Gesur huan tali Maaca. Huan hasta ama Basán nojquiya quitocaxtíaj Havot Jair o Ital Jair.

JUECES 10:3

Teipa tanahuati Jair cati ehuayaya Galaad huan tanahuati 22 xihuit quej juez.

JUECES 10:5

Huan mijqui Jair, huan quitojque ipan altepet Camón.

JUECES 12:14

Huan Abdón quinpixqui 40 itelpocahua huan 30 itaca ixhuihua, huan inijuanti nemiyayaj ipan 70 burrojme. Huan Abdón quinnahuati israelitame para chicueyi xihuit.

JUECES 5:10

Nochi tiisraelitame ma tijhueyichihuaca TOTECO. Nochi cati tominpiyani huan cati tejcoj ipan burrojme chipahuaque, huan cati mosehuíaj campa tatzotzoltic ma paquica. Huan nojquiya ma huicaca nochi cati teicneltzitzi huan monequi nejnemise. Nochi ma tihuicaca ica tascamatili.