JUAN 9:17 - Icamanal Toteco

¹⁷ Huan sempa nopa fariseos quitatzintoquilijque nopa tacat cati mochicajtoya: ―¿Taya tiquijtohua ta ten yaya cati mitztachiyalti? Huan nopa tacat quiijto: ―Yaya se tajtolpanextijquet.

JUAN 9:17 Iomraidhean Croise

MATEO 21:11

Huan masehualme quiijtojque: ―Yaya nopa tajtolpanextijquet Jesús cati ehua Nazaret ipan estado Galilea.

LUCAS 24:19

Huan Jesús quinilhui: ―¿Taya tamanti? Huan quiilhuijque: ―Nopa tamanti ten panoc ica Jesús cati ehua Nazaret. Yaya eltoya se tajtolpanextijquet cati quipixqui chicahualisti quichihuas huejhueyi tiochicahualnescayot. Tamachti ica chicahualisti huan quipacti Toteco Dios huan quinpacti masehualme.

JUAN 4:19

Huan nopa sihuat quiilhui Jesús: ―Tate, nimoilhuía ta se titajtolpanextijquet cati quipanextía icamanal Toteco.

JUAN 6:14

Huajca quema nopa masehualme quiitaque ni hueyi tanextili quema Jesús quimiyaquili nopa pantzi, quiijtojque para melahuac yaya eliyaya nopa tajtolpanextijquet cati Toteco quiijto quititanisquía ipan taltipacti.

JUAN 9:15

Huajca inijuanti nojquiya quitatzintoquilijque quenicatza huelqui tachiya. Huan quinilhui: ―Nechtalili soquit ipan noixteyol huan nimoixteyolpajpacato, huan huajca nitachixtehua.

HECHOS 10:38

Nojquiya anquimatij ten Jesús ten altepet Nazaret cati Toteco quialti huan quitequitali, huan quimacac Itonal huan miyac chicahualisti. Huan anquimatij quenicatza Jesucristo campa hueli tepalehuijtinenqui huan quenicatza quinchicajqui cati taijyohuiyayaj ica iajacahua Amocualtacat pampa Toteco Dios itztoya ihuaya Jesús.

HECHOS 2:22

Huan Pedro quinilhui: “Noisraelita icnihua, xijtacaquilica cati nimechilhuía. Toteco Dios quinexti amoixpa nochi amojuanti para yaya itztoya ihuaya Jesús, nopa Nazaret ejquet, huan para quipacti cati quichijqui. Ica Jesús, Toteco quichijqui miyac huejhueyi tamanti para masehualme ma quitachilica huan quichijqui miyac tanextili huan miyac tiochicahualnescayot, quej ya anquimatij.

DEUTERONOMIO 18:15

“TOTECO Dios quichihuas para ma quisa ten campa amojuanti seyoc tajtolpanextijquet quej na huan yaya, quena, monequi anquitacaquilise.