JUAN 8:22 - Icamanal Toteco

²² Huajca nopa tayacanani ten israelitame pejque motatzintoquilíaj se ica seyoc: ―¿Para ten quiijto para amo huelis tiyase campa yas? ¿Huelis san momictis?

JUAN 8:22 Iomraidhean Croise

SALMOS 123:4

Ya tisiyajtoque ica nopa masehualme cati techitaj quej amo teno topati. Inijuanti cati mohueyimatij huan cati tominpiyani tahuel techpinajtíaj, hasta ya techyolajsic.

SALMOS 22:6

Pero na nimomati quej se pilocuiltzi huan amo nise masehuali. Sequij san nechhuetzquilíaj huan sequinoc nechcualancaitaj.

SALMOS 31:18

TOTECO, ayecmo molinis ininenepil inijuanti cati istacatij quema ya mictose. Ayecmo itztose inijuanti cati mohueyimatij quema camanaltij para techtaijilhuise tojuanti cati tinemij xitahuac moixpa. Quena, xiquinmicti cati mohueyitalíaj huan techmahuispolohuaj.

JUAN 1:19

Huan ya ni cati Juan quinilhui nopa israelitame ten altepet Jerusalén quema israelita totajtzitzi huan levitame quintitanque ma quitatzintoquilitij Juan ajquiya yaya.

JUAN 10:20

Sequij quiijtohuayayaj: ―Yaya quipiya se iajacayo Amocualtacat huan tapolohua. ¿Para ten anquicaquij icamanal?

JUAN 7:20

Huan nopa masehualme quinanquilijque: ―Ta tijpiya se iajacayo Amocualtacat. Amo aqui quinequi mitzmictis.

JUAN 7:35

Huajca nopa israelitame pejque quiijtohuaj se ica seyoc: ―¿Canque yas huan amo huelis tiyase, yon amo tijpantise? ¿Huelis yas campa nopa israelitame cati mosemantoque huejca campa masehualme camanaltij griego? ¿Huelis quinmachtiti nojquiya nopa griego masehualme?

JUAN 8:48

Huajca nopa tayacanani ten israelitame quinanquilijque Jesús huan quiilhuijque: ―Melahuac cati tojuanti tiquijtojque ten ta. Tiitztoc se tacat cati amo cuali quej cati ehuani estado Samaria huan tijpiya se iajacayo Amocualtacat.

JUAN 8:52

Huan nopa israelitame quiilhuijque: ―Amantzi tijmatij tijpiya se iajacayo Amocualtacat pampa Abraham mijqui huan nopa tajtolpanextiani nojquiya. Huan ta tiquijtohua cati quichihuas cati tiquilhuía, amo quipantis miquilisti.

HEBREOS 12:3

Ximoyolilhuica ten nochi cati Jesús quiijyohui huan ten nochi nopa fiero tamanti cati amo cuajcualme quichihuilijque para amo anyamaniyase huan antapolose.

HEBREOS 13:13

Huajca ma tiquisaca nojquiya huan ma tiyaca altepeteno campa yaya itztoc campa onca pinahualisti, masque monequis titaijyohuise pampa tiiaxcahua.