JUAN 7:42 - Icamanal Toteco

⁴² Quiijtohuayayaj para Icamanal Toteco quiijtohua Cristo elis se iteipan ixhui nopa hueyi tanahuatijquet David cati huejcajquiya itztoya huan Cristo tacatis ipan Belén, ialtepe David.

JUAN 7:42 Iomraidhean Croise

1 CRÓNICAS 2:51

Salma, cati teipa quinpixqui iconehua cati inintoca eliyaya Belén huan Haref cati teipa quipixqui icone cati itoca Bet Gader.

SALMOS 132:11

Pampa ta, TOTECO, tijtajtolcahuili David, huan amo quema tiquelcahua tijtamichihuas cati tijtajtolcahua tijchihuas. Huan ta tiquilhui para teipa tiquintalis iixhuihua ipan isiyaj para tanahuatise.

SALMOS 89:4

Tiquilhui para se iixhui mosehuis ipan isiyaj campa yaya tanahuatía, huan nopona tanahuatis para nochipa.

ISAÍAS 11:1

Se tonali nopa tanahuatiani ten ifamilia Isaí, nesis quej tantoc. Eltoc quej san mocahua icuatzonyo se cuahuit cati quitzontectoyaj. Pero ipan nopa cuatzomit yolqui se ichamanca cati yancuic cati quisa ten inelhuayo nopa cuatzomit cati eltoya hasta huejcajquiya.

JEREMÍAS 23:5

TOTECO quiijtohua: “Ajsis tonali quema na nijtalis para tanahuatis ipan isiya David se iteipan ixhui cati xitahuac quej David. Yaya elis se tanahuatijquet cati tanahuatis xitahuac huan ica miyac talnamiquilisti. Huan yaya tetajtolsencahuas cuali huan nojquiya quichihuas para nochi sequinoc ipan ital ma quichihuaca cati xitahuac.

MIQUEAS 5:2

Masque amo más hueyi pilaltepetzi Belén Efrata quej sequinoc altepeme ipan tali Judá, pero nopona se tonali tacatis para na se hueyi Tanahuatijquet cati quinnahuatis israelitame. Yaya nejnentihualajtoc hasta huejcajquiya pampa nochipa itztoc.

MATEO 1:1

Ni amat quipiya inintoca ihuejcapan tatahua Jesucristo. Yaya se iteipan ixhui David huan se iteipan ixhui Abraham.

MATEO 2:5

Huan inijuanti quinanquilijque: ―Cristo tacatis ipan altepet Belén nica ipan estado Judea pampa quej nopa quiijcuilo itajtolpanextijca Toteco huejcajquiya campa quiijtohua:

MATEO 2:6

‘Masque nopa pilaltepetzi Belén amo más hueyi quej sequinoc altepeme ipan tali Judá, se hueyi tanahuatijquet tacatis nepa. Yaya quinnahuatis noisraelita masehualhua.’ Quej nopa quiijcuilo nopa tajtolpanextijquet.

LUCAS 2:11

Amantzi nepa ipan Belén, ialtepe David, ya tacatqui amotemaquixtijca. Yaya nopa Cristo cati Toteco Dios quiijto techtitanilisquía. Yaya Tohueyiteco.

LUCAS 2:4

Huajca José quisqui altepet Nazaret ipan estado Galilea huan yajqui altepet Belén ipan estado Judea pampa nepa tacatqui Tanahuatijquet David ten huejcajquiya, huan José eltoya se iteipan ixhui.

JUAN 7:27

―Pero tojuanti tijmatij canque ehua ni Jesús, huan quema Cristo hualas cati Toteco techtitanilis, amo aqui quimatis canque hualajqui.

1 SAMUEL 16:1

Teipa TOTECO quiilhui Samuel: ―¿Hasta quema tamis timocuesos por Saúl? Ayecmo xichoca pampa na ayecmo nijnequi para elis tanahuatijquet ipan Israel. Xijtemiti se cuacuajti ica aceite cati ica titetequitalía por na pampa nijnequi xiya ichaj Isaí cati itztoc altepet Belén. Nimotapejpenilijtoc se icone para ma elis notanahuatijca.

1 SAMUEL 16:18

Huan se itequipanojca quiijto: ―Na niquitztoc se icone Isaí cati hueli tatzotzona cuali nepa altepet Belén. Yaya motemaca huan quimati tatehuía huan talnamiqui para camanaltis cuali. Se telpoca tacat cati nelía yejyectzi huan TOTECO itztoc ihuaya.

1 SAMUEL 16:4

Huajca Samuel quichijqui quej TOTECO quiilhui huan quema ajsito ipan pilaltepetzi Belén nopa huehue tacame ten nopa altepet quisque quinamiquicoj huihuipicayayaj. Huan quiilhuijque: ―¿Tijchijtoque cati amo cuali, o san ica mopaquilis tihualajtoc?

1 SAMUEL 17:58

Huajca Saúl quitatzintoquili David ten ifamilia huan quiilhui: ―Techilhui telpocat, ¿ajquiya motatahua huan mofamilia? Huan David quicamanalhui huan quiilhui canque hualajqui huan quiilhui: ―Na niicone Isaí cati ehua altepet Belén.