JUAN 6:9 - Icamanal Toteco

⁹ ―Nica itztoc se oquichpil cati quipiya ome pilmichtzitzi huan macuili pantzi, pero ya ni neltahuel pilquentzi para nochi ni masehualme quicuase.

JUAN 6:9 Iomraidhean Croise

1 REYES 4:28

Huan nojquiya quihualiquiliyayaj cebada ica nochi ixihuiyo quej monequi para icahuayojhua huan para itapiyalhua cati tamamayayaj. Quihualiquiliyayaj sesen metzti quej quintocarohuayaya huan sesen tamanti quihuicayayaj ipan nopa lugar campa monejqui.

2 REYES 7:1

Huajca Eliseo quiijto: ―Xijtacaquilica nopa camanali cati techmacatoc TOTECO. Quej ni quiijtohua TOTECO: ‘Mosta ipan ni horas ipan icalte altepet Samaria masehualme quicohuase chicome litros ten harina san ica se plata tomi huan nojquiya ica san se plata tomi huelise quicohuase caxtoli litros ten cebada.’

SALMOS 147:14

Yaya quititanis tasehuilisti ipan nochi amotal, huan amechmacas trigo cati más cuali para ica ximopanoltica.

SALMOS 78:19

Hasta cualanque ica Toteco huan quiijtojque: “¿Huelis Toteco Dios techtamacas ipan ni huactoc tali?

SALMOS 78:41

Talojtzitzi quiyejyecojque, huan ica ya nopa quichihualtiyayaj para Toteco ma quintzontamilti. Yon amo quicahuilijque para Toteco ma quintiochihua, yaya cati ininDios israelitame huan cati Tatzejtzeloltic.

SALMOS 81:16

Pero Toteco Dios amechtamacasquía ica tacualisti cati más cuali. Huan amechmacasquía sayolnecti huan nochi cati más anquinequij para amechixhuitisquía.

EZEQUIEL 27:17

Tali Judá huan tali Israel ehuani nojquiya amechtacohuiliyayaj, analtepet Tiro ehuani. Amechpatiliyayaj ica trigo ten altepet Minit; pantzi, sayolnecti, aceite huan bálsamo aqui quihualicayayaj.

MATEO 14:17

Huan tiimomachtijcahua tiquilhuijque: ―Tojuanti san tijpiyaj nica macuili pantzi huan ome michime.

MATEO 16:9

¿Noja ayemo anquimachilíaj nochicahualis? ¿Amo anquielnamiquij ten panoc quema niquintamacac macuili mil tacame ica macuili pantzi? ¿Amo anquielnamiquij quesqui chiquihuit tacualisti mocajqui quema ya tacuajtoyaj?

MARCOS 6:38

Huan Jesús quinilhui: ―¿Quesqui pantzi anquipiyaj? Xijtachilitij. Huan quema quimatque, quiilhuijque: ―Macuili pantzi huan ome michime.

MARCOS 8:19

Quema niquintamacac macuili mil masehualme ica macuili pantzi, ¿quesqui chiquihuit pantatapatzti huan michtatapatzti anquisentilijque cati mocajtoya? Huan quinanquilijque: ―Majtacti huan ome.

LUCAS 9:13

Pero Jesús quinilhui: ―Amojuanti xiquintamacaca. Huan imomachtijcahua quiilhuijque: ―San tijpiyaj macuili pantzi huan ome michime, o ¿tijnequi ma tijcohuatij cati quicuase nochi ni masehualme?

JUAN 11:21

Huan Marta quiilhuito Jesús: ―NoTeco, sinta tihualajtosquía quema mococohuayaya, noicni amo mictosquía.

JUAN 11:32

Pero María yajqui campa itztoya Jesús huan quema quiitac, motancuaquetzqui iicxita huan quiilhui: ―NoTeco, noicni amo mictosquía sinta tihualajtosquía quema mococohuayaya.

JUAN 21:10

Huan techilhui: ―Techhualiquilica se ome michime cati anquinitzquijque.

JUAN 21:13

Huajca Jesús quicuito pantzi huan michime, huan techmacac ma tijcuaca.

JUAN 21:9

Huan quema tiajsicoj campa talpani, tiquitaque para Jesús ya tipitztoya huan quicacatzohuayaya se michi ipan ticoli. Huan nojquiya eltoya pantzi.

JUAN 6:11

Huan Jesús quiitzqui nopa macuili pantzi huan quitascamatqui Toteco. Teipa techmajmacac tojuanti tiimomachtijcahua para ma tiquinmajmacaca nochi cati mosehuijtoyaj. Huan nojquiya quichijqui san se ica nopa michime. Huan nochi nopa masehualme quicuajque nochi cati quinequiyayaj.

JUAN 6:7

Huajca Felipe quinanquili: ―Sinta se quipiyasquía itaxtahuil para dos cientos tonali ten tequit, amo quiaxilisquía para ica tijcohuasquíaj pantzi para sese inijuanti quicuasquía se quentzi.

2 CORINTIOS 8:9

Ya anquimatij para hueyi iyolo Tohueyiteco Jesucristo ica masehualme huan teicnelía miyac, huan masque yaya itztoya tahuel tapijpixtoya, mochijqui teicneltzi por amojuanti, para amojuanti huelis anmoricojchihuase ica cati nelía ipati por cati yaya quichijqui.

DEUTERONOMIO 32:14

Techtamacac ica mantequilla huan lechi ten inintapiyalhua. Tijcuajque ininacayo nopa pilborregojtzitzi cati más yejyectzitzi. TOTECO techtamacac ica oquich borregojme huan oquich chivojme cati achi cuali cati oncayayaj ipan tali Basán. Techmacac nopa trigo cati más cuali, huan tiquique cati más cuajcualtzi xocomecat iayo.

DEUTERONOMIO 8:8

Elis se tali cati quipiya miyac necti, trigo, cebada, xocomeca mili, higuera mili, huan miyac mili ica olivo cuame cati temaca miyac aceite.

APOCALIPSIS 6:6

Huan nijcajqui se cati camanaltic tatajco ten nopa nahui tamanti cati yoltoque, huan quiijto: “Tahuel ohui para masehualme mopanoltise pampa nochi tapatiyo. Se kilo trigo o eyi kilos cebada ipati cati se tacat hueli quitani ipan se tonal tequit, pero amo xijnenpolo nopa aceite huan xocomecat iayo.”