JUAN 4:53 - Icamanal Toteco

⁵³ Huan itata nopa oquichpil quimachili para mochicajqui ipan nopa hora quema Jesús quiilhui para ya mochicajqui icone. Yeca yaya huan nochi ihuicalhua quineltocaque Jesús.

JUAN 4:53 Iomraidhean Croise

SALMOS 107:20

Toteco camanaltic huan mochicajque. Huan quej nopa quinmaquixti para amo miquise.

SALMOS 33:9

Pampa nochi cati yaya quiijto, ya nopa mochijqui. Huan cati yaya tanahuati ma eli, ya nopa monexti.

MATEO 8:13

Huajca Jesús quiilhui nopa capitán ten soldados: ―Xiya mochaj. Ya nijchijqui nopa cati ta tijneltocayaya nijchihuas. Huan ipan nopa talojtzi quema Jesús quiijto ni camanali, mochicajqui itequipanojca nopa capitán.

LUCAS 19:9

Huan Jesús quinilhui nopa masehualme nopona: ―Ama momaquixti ni tacat ten itajtacolhua pampa nechneltocac quej nojquiya Abraham nechneltocac.

JUAN 4:51

Huan hualmosta ipan ojti quinnamijqui itatequipanojcahua huan quiilhuijque: ―Ya mochicajqui mocone.

JUAN 4:52

Huajca nopa tequichijquet quintatzintoquili taya hora pejqui caxani nopa cocolisti, huan quiilhuijque: ―Yalohua quema panotoya tajco tona caxanqui nopa tatotonilot.

HECHOS 11:14

Huan nopa ilhuicac ejquet quiilhui para na niquilhuis taya monequi quichihuase para Toteco quinmaquixtis ten inintajtacolhua, yaya huan nochi ihuicalhua.

HECHOS 16:15

Huan Lidia inihuaya nochi cati itztoyaj ipan ichaj mocuaaltijque. Huan teipa Lidia techilhui: ―Anquimatij temachti nijneltocatoc Jesús, huajca xihualaca, ximocahuaca nochaj. Huan tahuel techchihualti ma timocahuatij ichaj. Huajca timocahuatoj.

HECHOS 16:34

Huan sempa quinhuicac Pablo huan Silas ichaj huan quintamacato. Huan nopa tetzajquet ihuaya ihuicalhua nelía pajque pampa quineltocaque Tohueyiteco Jesucristo.

HECHOS 18:8

Huan Crispo, se tayacanquet ipan inintiopa israelitame, nojquiya quineltocac Toteco ihuaya nochi ihuicalhua. Huan miyac masehualme ipan Corinto quicajque icamanal Pablo huan quineltocaque huan mocuaaltijque.

HECHOS 2:39

Toteco quitencajtoc amechmacas Itonal huan nojquiya quinmacas amoconehua, huan hasta quinmacas masehualme cati amo israelitame cati huejca ehuani. Quinmacas nochi masehualme cati yaya quinnotztoc para ma elica iaxcahua.