JUAN 21:16 - Icamanal Toteco

¹⁶ Huan Jesús ica ompa quitatzintoquili: ―Simón, tiicone Jonás, ¿techicnelía? Huan Simón Pedro quiilhui: ―Quena, noTeco, tijmati nimitzicnelía. Huajca Jesús quiilhui: ―Xiquinmocuitahui nomasehualhua quej se quinmocuitahuía iborregojhua.

JUAN 21:16 Iomraidhean Croise

SALMOS 100:3

Xijmatica cuali para TOTECO, yaya Toteco Dios. Yaya techchijchijqui. Amo timochijchijtoque tojuanti. Tojuanti tiimasehualhua huan tiitztoque quej tiiborregojhua cati techpixtoc ipan ipotrero para techmocuitahuis.

SALMOS 95:7

Pampa yaya toDios huan tojuanti tiimasehualhua. Tiitztoque quej tiiborregojhua cati yaya quinmocuitahuía. Xijtacaquilica ama cati quiijtohua Toteco:

ZACARÍAS 13:7

Quej ni quiijtohua TOTECO Cati Quinyacana Iilhuicac Ejcahua Ma Tatanitij: “Nijcahuilis ma quimictica nopa Tamocuitahuijquet cati na nijtitantoc, yaya cati más nonechca huan cati san se quej na. Quena, nijchihuas ma quimictica nopa tamocuitahuijquet huan nochi nopa borregojme mosemanase. Huan na nijtananas nomax ica nopa masehualme cati itztoque quej pilborregojtzitzi huan nojquiya taijyohuise.

MATEO 2:6

‘Masque nopa pilaltepetzi Belén amo más hueyi quej sequinoc altepeme ipan tali Judá, se hueyi tanahuatijquet tacatis nepa. Yaya quinnahuatis noisraelita masehualhua.’ Quej nopa quiijcuilo nopa tajtolpanextijquet.

MATEO 25:32

Huan mosentilise noixpa nochi masehualme ten nochi talme huan na niquiniyocatalis cati cualme huan cati amo cualme quej se tamocuitahuijquet quiniyocatalía borregojme huan chivojme.

MATEO 26:72

Huan Pedro sempa quiijto para amo, huan quitestigojquetzqui Toteco huan quiijto: ―Amo niquixmati ne tacat.

LUCAS 19:10

Na cati niMocuetqui Masehuali nihualajtoc ipan ni taltipacti para niquintemos huan niquinmaquixtis masehualme cati mocuapolojtoyaj ipan inintajtacolhua.

JUAN 18:17

Huan nopa ichpocat quiilhui Pedro: ―Ta nojquiya tiimomachtijca ne tacat. Huan Pedro quinanquili: ―Na, amo.

JUAN 18:25

Huan Pedro ijcatoya nechca campa tit moscojtoya huan quiilhuijque: ―Ta tiitztoc se imomachtijca nojquiya, ¿ax que? Huan Pedro amo mocahuili, quiijto: ―Na, amo.

JUAN 21:17

Huan Jesús ica expa quitatzintoquili: ―Simón, tiicone Jonás, ¿techicnelía? Huan Pedro motequipacho pampa expa quitatzintoquilijtoya sinta quiicnelía, huajca quiilhui Jesús: ―NoTeco, ta tijmati nochi tamanti. Tijmati nimitzicnelía. Huan Jesús quiilhui: ―Xiquinmachti nomasehualhua nocamanal quej se quintamaca iborregojhua.

HECHOS 20:28

Huajca ximotachilica para cuali xiquinmocuitahuica nochi taneltocani ipan nopa tasentilisti nopona campa amojuanti pampa Itonal Toteco amechtequimacatoc anhuehue tacame para anquinmocuitahuise cati itiopa Toteco pampa yaya quincojqui para ma elica iaxcahua quema quitoyajqui ieso por inijuanti.

HEBREOS 13:20

Ma amechtiochihua Toteco Dios cati temaca tasehuilisti ipan teyolo huan cati quiyolcuic Tohueyiteco Jesucristo. Yaya nopa hueyi tamocuitahuijquet ten imasehualhua. Huan yaya cati quitoyajqui ieso para quipehualtis nopa yancuic camanal sencahuali cati huejcahuas para nochipa.

1 PEDRO 2:25

Tinejnemiyayaj quej borregojme cati mocuapolojtoyaj, pero ama timocuectoque ica Toteco, yaya totamocuitahuijca cati quimocuitahuía toalma.

1 PEDRO 5:2

Quej masehualme quinmocuitahuíaj ininborregojhua, monequi anhuehue tacame xiquinmocuitahuica imasehualhua Toteco cati itztoque amomaco. Xiquinmocuitahuica ica paquilisti huan ica cuali amoyolo, pampa ya nopa quipactía Toteco. Amo ximoilhuica para Toteco amechchihualtía xijchihuaca, pampa amo cana. Yon amo xijchihuaca pampa anquinequij anquitanise tomi. Xijchihuaca pampa tahuel anquinequij anquitequipanose Toteco.

APOCALIPSIS 7:17

Pampa nopa Pilborregojtzi cati itztoc tatajco nopa hueyi siyaj cati yejyectzi elis inintamocuitahuijca. Huan quej se tamocuitahuijquet quichihua ica iborregojhua, yaya quinhuicas campa meya at cati yoltoc huan cati temaca nemilisti para nochipa. Huan Toteco quinhuachilis iniixayo para ayecmo quema chocase.”