JUAN 20:16 - Icamanal Toteco

¹⁶ Huan Jesús quiilhui: ―¡María! Huan María moicancuetqui huan quiilhui: ―¡Raboni! (Ni camanali quinequi quiijtos: ‘Tamachtijquet’.)

JUAN 20:16 Iomraidhean Croise

GÉNESIS 22:1

Teipa panoc tonali huan Toteco Dios quiyejyeco Abraham para quiitas sinta nelía quineltoquilía. Huan Toteco Dios quiilhui: ―Abraham. Huan Abraham quinanquili: ―Quena, nica niitztoc.

GÉNESIS 22:11

Huan ipan nopa talojtzi, iilhuicac ejca TOTECO quihualnojnotzqui ten nepa ilhuicac: ―¡Abraham! ¡Abraham! Huan Abraham tananquili: ―Nica niitztoc.

GÉNESIS 45:12

Teipa José quiijto: ―Xiquitaca amojuanti huan Benjamín para nelía na niJosé.

ÉXODO 3:4

Huan quema TOTECO quiitac para Moisés monechcahuiyaya para quitachilis, quinojnotzqui tatajco ten nopa xihuitzonti huan quiilhui: ―¡Moisés! ¡Moisés! Huan Moisés quiijto: ―Nica niitztoc.

ÉXODO 33:17

Huan TOTECO quiilhui Moisés: ―Huajca nijchihuas cati tiquijtojtoc pampa nijmati tijchihuas cati cuali, huan ta nimitzitas para tinonelhuampo.

CANTARES 3:4

Huan sanoc nipanotoya campa nopa tamocuitahuiani huan nijpanti yaya cati niquicnelía. Huajca niquitzqui ipan imax huan ayecmo nijmalacani huan nijcalaquito ipan ichaj nonana.

CANTARES 5:2

“Se tayohua na nicochtoya, pero noyolo amo cochtoya. Huan nijcochcajqui para yaya cati niquicnelía techtzajtziliyaya ipan caltemit, huan techilhuiyaya: ‘Techcaltapo, ta cati nimitzicnelía, tinopaloma cati más yejyectzi, ta cati más niquicnelía huan nijpatiita. Notzonteco huan notzoncal xolontoc ica nopa ajhuechti cati huetzi tayohua.’

ISAÍAS 43:1

Pero ama, israelitame, quej ni amechilhuía TOTECO cati amechchijchijqui: “Amo ximajmahuica pampa na nimechcojqui para nimechtojtomas ten tetequipanojcayot. Nimechnotzqui sesen ten amojuanti ica amotoca. Annoaxcahua.

MATEO 14:27

Pero Jesús nimantzi technojnotzqui huan techilhui: ―Ximoyolchicahuaca. Na niJesús. Amo ximomajmatica.

MARCOS 10:51

Huan Jesús quiilhui: ―¿Taya tijnequi ma nimitzchihuili? Huan nopa popoyotzi quinanquili: ―Tamachtijquet, nijnequi nitachiyas sempa.

LUCAS 10:41

Pero Tohueyiteco Jesús quinanquili: ―Marta, Marta, timocuesohua huan timotequihuía ica miyac tamanti cati tijchihua,

JUAN 1:38

Huan Jesús moicancuetqui, huan quinitac quitoquiliyayaj huan quinilhui: ―¿Taya anquinequij? Huan quiijtojque: ―Tamachtijquet, ¿canque tiitztoc?

JUAN 1:49

Huan Natanael quiilhui: ―Tamachtijquet, ta tiIcone Toteco. Ta titotanahuatijca cati technahuatis tiisraelitame ipan ni total.

JUAN 10:3

Huan cati quimocuitahuía nopa caltemit quitapos, huan nopa tamocuitahuijquet quinnotzas iborregojhua ica sese inintoca para quisase. Huan iborregojhua quitoscamachilise huan quitoquilijtiyase.

JUAN 11:28

Huan quema Marta tanqui quiijto ya ni, yajqui quinotzato María huan quiixtacailhui: ―Totamachtijca ya ajsico huan mitznotza.

JUAN 13:13

Antechtocaxtíaj niamotamachtijca huan niamoTeco. Huan quinamiqui cati anquiijtohuaj pampa melahuac.

JUAN 20:28

Huan Tomás quiilhui: ―Ta tinohueyiTeco huan tinoDios.

JUAN 3:2

Yaya hualajqui ica tayohua quiitaco Jesús huan quiilhui: ―Tamachtijquet, tojuanti tijmatij Toteco Dios mitztitanqui nica para techmachtis pampa amo aqui hueli quichihua huejhueyi tanextili cati technextilía ichicahualis Toteco quej tijchihua sinta Toteco amo itztosquía ihuaya.

JUAN 5:2

Huan eltoya se hueyi ameli ipan Jerusalén cati temitoc ica at huan quitocaxtiyayaj Betesda ipan camanali hebreo. Nopa ameli eltoya nechca nopa caltemit cati itoca “Borregojme” ipan nopa tepamit cati quiyahualtzactoya altepet. Huan nopa ameli quipixtoya macuili icalmapanyo.

JUAN 6:25

Huan quema inijuanti ajsicoj nica nali hueyi at, quipantijque Jesús huan quitatzintoquilijque: ―Tamachtijquet, ¿quemaya tiajsico nica?

HECHOS 10:3

Huan se tonali nechca las tres ica tiotac Cornelio tanemijya quiitac se iilhuicac ejca Toteco ipan se tanextili quej se temicti huan nopa ilhuicac ejquet calajqui ipan nopa cuarto campa Cornelio itztoya huan quiijto: “¡Cornelio!”

HECHOS 9:4

Huan Saulo huetzqui talchi huan quicajqui se cati quicamanalhui huan quiilhui: “Saulo, Saulo, ¿para ten techtaijyohuiltía?”

1 SAMUEL 3:10

Huan TOTECO hualajqui sempa, huan moquetzqui nopona huan quinojnotzqui quej achtohuiya. Huan quiilhui: ―¡Samuel, Samuel! Huajca Samuel quinanquili: ―TOTECO, techilhui taya tijnequi pampa nimotequipanojca huan nimitzcactoc.

1 SAMUEL 3:6

Huan TOTECO sempayano quinojnotzqui huan quiijto: ―¡Samuel! Huan Samuel sempa yajqui quiitato Elí huan quiilhui: ―Nica niitztoc. ¿Para ten technotztoc? Huajca Elí quinanquili: ―Na amo nimitznotztoc. Xiya ximotecati sempa.