JUAN 16:20 - Icamanal Toteco

²⁰ Nelía nimechilhuía anchocase huan anmotequipachose, pero masehualme ten ni taltipacti cati amo nechneltocaj, paquise. Pero masque achtohui anmotequipachose, teipa amotequipachol mocuepas paquilisti.

JUAN 16:20 Iomraidhean Croise

JOB 20:5

amo huejcahua ipaquilis se tacat cati amo cuali? Se fiero tacat san hueli tatani para se talojtzi.

SALMOS 30:11

Techtacaquilijtoc huan techquixtilijtoc nopa tequipacholi. Techmacatoc hueyi paquilisti. Techquixtilijtoc nopa yoyomit cati nimoquentijtoya pampa nimotequipachohuayaya. Huan techquentijtoc se cuali yoyomit cati tenextilía para nijpiya paquilisti.

SALMOS 30:5

TOTECO, quema ticualani, san huejcahua se talojtzi, pero ipan nochi tonemilis technextilía para tijpiya hueyi moyolo ica tojuanti. Masque tojuanti quemantica tichocaj ica tayohua, ica ijnaloc tijpiyaj paquilisti ipan ta.

SALMOS 97:11

Cati xitahuac ininemilis nemij ipan itaahuil Toteco, huan cati cuali iniyolo quipantíaj paquilisti.

ISAÍAS 12:1

Hualas se tonali quema masehualme huicase: “Nimitzhueyitalía, TOTECO. Masque tahuel ticualaniyaya ica na, ama timoyoltalijtoc huan techtasojtatoc.

ISAÍAS 61:3

Techtitantoc para nochi cati mocuesohuaj ipan altepet Jerusalén ma quinquixtilica nopa cuajnexti ipan inintzonteco huan ma quinicpahuiltica se yejyectzi corona. Ma quinquixtilica inintequipachol huan ma quipiyaca paquilisti. Quinequi ma niquinquixtili nopa fiero yoyomit cati quinextía inintequipachol huan niquinmacas yoyomit cati quinextía para tahuel yolpaquij. Huan inijuanti itztose quej cuame cati quipiyaj chicahualisti cati TOTECO quitoctoc huan cati quinextise ihueyitilis.

ISAÍAS 66:5

Nochi amojuanti cati anquiimacasij huan anquitepanitaj icamanal TOTECO, xijtacaquilica cati yaya quiijtohua: “Masque amoicnihua amechcualancaitaj huan amechhuejcamajcahuaj pampa antechneltocaj, teipa inijuanti pinahuase. Masque tahuel amechhuihuiitaj huan quiijtohuaj: ‘Anhuihuitique pampa anquihueyichihuaj TOTECO huan anmopaquilismacaj ipan ya,’ teipa nochi inijuanti itztose ipan pinahualisti.

JEREMÍAS 31:25

Pampa na niquincahuas ma mosiyajquetzaca nopa masehualme cati siyajtoque. Huan niquinyolchicahuas inijuanti cati mocuesohuayayaj.”

MATEO 21:38

Pero quema nopa tequipanohuani cati amo cuajcualme quiitaque itelpoca, moilhuijque se ica seyoc: ‘Yaya ni cati teipa quiselis ni xocomeca mili para iaxca. Huajca ma tijmictica huan teipa ni mili elis toaxca.’

MATEO 5:4

Xipaquica amojuanti cati anmotequipachohuaj, pampa Toteco amechyoltalis.

MARCOS 14:72

Huan ipan nopa talojtzi se cuapele tzajtzic ica ompa. Huajca Pedro quielnamijqui cati Jesús quiilhuijtoya. Quiijto para quema noja polihui para tzajtzis se cuapele ica ompa, Pedro quiijtosquía expa para amo quiixmati Jesús. Huan Pedro moilhui cati quichijqui huan pejqui choca.

MARCOS 16:10

Huan María Magdalena yajqui quinyolmelahuato imomachtijcahua cati nejnentoyaj ihuaya Jesús. Huan quema ajsito, quinpanti motequipachohuayayaj huan chocayayaj.

LUCAS 22:45

Huan quema tantoya motatajtía, moquetzqui huan tacuepili campa itztoyaj imomachtijcahua, huan quinpantito cochtoque pampa tahuel siyajtoyaj ica tequipacholi.

LUCAS 22:62

Huan Pedro quisqui calteno huan tahuel mochoquili.

LUCAS 23:27

Huan tahuel miyaqui masehualme quitoquiliyayaj, huan miyac sihuame chocayayaj huan tahuejchihuayayaj pampa quicuamapeloltise Jesús.

LUCAS 24:17

Huan Jesús quintatzintoquili: ―¿Taya anmocamanalhuijtiyahuij ipan ojti? ¿Para ten tahuel anmotequipachohuaj?

LUCAS 24:21

Tojuanti timotemachiyayaj ipan ya para techmaquixtis tiisraelitame. Huan quipiya eyi tonati quicuamapeloltijque.

LUCAS 6:21

Xipaquica amojuanti cati anmayanaj ama, pampa anixhuise. Xipaquica amojuanti cati anchocaj ama, pampa anhuetzcase.

JUAN 16:33

Nimechilhuijtoc ama nochi ya ni para anquipiyase tasehuilisti ipan na. Ipan ni taltipacti anquipiyase taijyohuilisti huan tequipacholi, pero ximoyolchicahuaca pampa nijtantoc ni taltipacti.

JUAN 16:6

San anmotequipachohuaj pampa nimechilhuía niyas.

JUAN 20:20

Huan quema quiijto ya ni, technextili nochi ome imax campa quimalavoshuijque huan technextili ielchiquicanahuiya. Huan tiimomachtijcahua nelía tipaquiyayaj quema sempa tiquitaque Tohueyiteco.

HECHOS 5:41

Huan nopa tayolmelahuani quisque ipan nopa hueyi tasentilisti ten tequichihuani yolpactoque pampa Toteco quincahuilijtoya taijyohuise pampa quineltocaj itequiticayo Jesús.

ROMANOS 5:11

Huajca ama tojuanti tijpiyaj paquilisti ica Toteco pampa yaya moyoltali ica tojuanti ica cati quichijqui Tohueyiteco Jesucristo.

2 CORINTIOS 6:10

Masque tijpanoj tequipacholi, nochipa tipactoque. Masque titeicneltzitzi, tiquinricojchihuaj miyac masehualme para ma quipiyaca cati tahuel ipati nepa iixpa Toteco. Quemantica nesi para amo teno tijpiyaj, pero tijpiyaj nochi tamanti cati más monequi.

GÁLATAS 5:22

Pero quema tijpiyaj Itonal Toteco ipan toyolo huan tijcahuilíaj ma techyacantiya, ya ni cati tijchihuaj: Titeicnelíaj, tipaquij, tijpiyaj tasehuilisti ipan toyolo, tijpiyaj toyolo inihuaya sequinoc, titetasojtaj, tiquinchihuilíaj sequinoc cati cuali, tiitztoque titemachme,

1 TESALONICENSES 1:6

Huan anquitoquilijque tojuanti huan Tohueyiteco, pampa masque amechtaijyohuiltiyayaj sequinoc masehualme, anquiselijque icamanal Toteco ica paquilisti cati Itonal Toteco amechmacac.

SANTIAGO 1:2

Noicnihua, xipaquica miyac quema amechpanotihuala miyac tamanti taohuijcayot.

JUDAS 1:24

Ma tijhueyichihuaca Toteco cati quipiya chicahualisti amechmocuitahuis para amo xitajtacolchihuaca. Yaya ica miyac paquilisti amechixnextis iixpa nopona campa itatanex huan amo anquipiyase yon se amotajtacol.

APOCALIPSIS 11:10

Huan nochi masehualme cati iaxcahua ni taltipacti paquise, huan ilhuichihuase huan motamajmacase, pampa ya mictose nopa ome testigos cati camanaltiyayaj para Toteco huan quintaijyohuiltiyayaj.

APOCALIPSIS 18:7

Yaya tahuel mohueyimatiyaya huan tahuel quinequiyaya nochi cati onca, huajca ama xijchihua ma tahuel taijyohui huan ma tahuel choca. Babilonia quiijto ipan iyolo: ‘Nica nimosehuijtoc quej se sihua tanahuatijquet. Amo niitztoc quej se cahuali cati teicneltzi. Huan amo quema hualas se tonali quema nitaijyohuis.’