JOSUÉ 7:9 - Icamanal Toteco

⁹ Huan nopa cananeos huan nochi cati itztoque nechca quicaquise ten panotoc, huan san sejco hualase huan techtehuise. Huan techtzontamiltise hasta amo aqui techelnamiquis ipan ni taltipacti. Huan ayecmo mitztepanitase. Ayecmo hueyi elis motoca.

JOSUÉ 7:9 Iomraidhean Croise

SALMOS 115:1

¡TOTECO, amo techhueyitali tojuanti! ¡Ximohueyitali ta! Xijchihua para nochi ma mitzpaquilismacaca pampa ta tahuel titetasojta huan tijchihua cati nelía melahuac.

SALMOS 48:10

Toteco, campa hueli masehualme mitzpaquilismacaj, pampa quicactoque quenicatza mohueyitilis. Quicactoque hasta campa ontami taltipacti. Huan quimatij para ica mohueyi chicahualis titetajtolsencahua xitahuac.

SALMOS 79:9

Toteco Dios, titotemaquixtijca, techpalehui, para quej nopa nochi mitzhueyitepanitase. ¡Techmaquixti huan techtapojpolhui totajtacolhua ica mohueyi taicnelilis!

SALMOS 83:4

Huan quiijtohuaj: “Ma tiyaca tiquinixpolotij nochi nopa israelitame para ayecmo ma elica se tali ica imasehualhua. Huan ayecmo aqui quielnamiquis itoca Israel.”

SALMOS 83:5

Ya nopa cati quisencajque san sejco quema mosentilijque para mocamanalhuise. Quena, san sejco quichijque se camanali para fiero mitzchihuilise.

ÉXODO 32:12

Nopa egiptome quiijtose para ta cati tiininTeco tiquinquixti ipan tali Egipto, pampa ya timoilhuijtoya para tiquinmictis ipan tepeme pampa tijnequiyaya tiquinixpolihuiltis ten ni taltipacti. TOTECO, amo hueli tiquincahuilise nopa egiptome ma quiijtoca ya nopa. Yeca ayecmo xicualani. Ximoyolcuepa ica cati timoilhuijtoc tijchihuas huan amo xiquincoco momasehualhua.

EZEQUIEL 20:9

“ ‘Pero amo nijchijqui pampa amo nijnequiyaya sequinoc ma techhuetzquilica huan para nopa egiptome camanaltisquíaj fiero ten na cati niininTECO israelitame, cati niquintencahuilijtoya para niquinquixtis ipan tali Egipto. Amo nijnejqui ma quiijtoca para amo nijpixqui chicahualisti huan amo nihuelqui niquinmanahuis nomasehualhua cati taijyohuiyayaj.

JOEL 2:17

Ma chocaca nopa totajtzitzi cati tequipanohuaj iixpa TOTECO. Ma moquetzaca tatajco taixpamit huan nopa miyaqui masehualme nechca caltemit huan ma motatajtica ica TOTECO huan quiijtose: “TOTECO, techtapojpolhui timomasehualhua. Amo aqui xijcahuili ma toca huetzca pampa timoaxcahua. Amo xiquincahuili masehualme cati ehuani ipan sequinoc talme cati amo mitzhueyichihuaj ma ten hueli camanaltica ten tojuanti huan quiijtose: ‘¿Canque itztoc amoTECO Dios? ¿Amo hueli amechpalehuis?’ ”

MIQUEAS 7:10

Huan nojquiya nocualancaitacahua quiitase huan TOTECO quinpinahualtis cati techilhuiyayaj: “¿Canque itztoc moTECO Dios?” Huan na niquitas quema TOTECO ininpa moquejquetzas nocualancaitacahua quej soquit cati eltoc callejtipa.

NÚMEROS 14:13

Pero Moisés quinanquili TOTECO huan quiilhui: ―Sinta quej nopa tijchihuas, nimantzi quicaquise nopa Egipto ehuani cati quiitaque quenicatza tiquinquixti ni masehualme ipan inintal ica mohueyi chicahualis.

JUAN 12:28

Huajca Jesús quiilhui iTata: ―Papá, xijchihua para nochi masehualme ma mitzhueyitalica por cati nijchihua na. Huan Toteco Dios cati itztoc ilhuicac quiilhui Jesús: ―Ya nijchijtoc para ma nechhueyitalica huan sempa nijchihuas.

DEUTERONOMIO 9:28

Niquilhui: ‘Amo xiquincahuili ma quiijtoca nopa masehualme ipan nopa tali campa techquixti para ta, TOTECO, amo tihuelqui techhuicas ipan nopa tali cati techtencahuilijtoya, o san techcualancaitayaya huan yeca techquixti san para techmictis ipan ni huactoc tali.’

JOSUÉ 7:10

Huan TOTECO quinanquili: ―¡Ximotanana! ¿Taya tijchihua ica moxayac talchi?

JOSUÉ 7:8

Ama amo nijmati taya niquijtos pampa ni israelitame cholojtejtoque iniixpa inincualancaitacahua.

1 SAMUEL 12:22

Pero TOTECO amo amechtahuelcahuas anisraelitame pampa yaya tahuel hueyi huan ica ipaquilis quinequi xielica aniaxcahua.