JOSUÉ 21:3 - Icamanal Toteco

³ Huajca nopa israelitame quineltocaque cati TOTECO tanahuatijtoya huan sesen hueyi familia quinmacac nopa levitame sequij altepeme ica ininpotreros ipan inintal.

JOSUÉ 21:3 Iomraidhean Croise

GÉNESIS 49:7

¡Tatelchihualtic, quena, tatelchihualtic amocualancayo, pampa annelfierojtique huan amo antatasojtaj! ¡Nimechsemanas huan anitztose campa hueli ipan nochi tali Israel!

NÚMEROS 35:7

Huajca ica nochi monequi xiquinmacaca 48 altepeme, sese ica ipotreros para inintapiyalhua.

JOSUÉ 21:2

Huan quincamanalhuijque nepa ipan Silo ipan tali Canaán huan quinilhuijque: “TOTECO quinahuati Moisés ma techmactili altepeme campa tiitztose huan potreros campa tacuase totapiyalhua.”

JOSUÉ 21:4

Leví huejcajquiya quinpixqui eyi itelpocahua: Coat, Gersón huan Merari. Huan achtohui mahuiltijque ica piltetzitzi para quimatise catijqui quiselise iteipan ixhuihua Coat cati inintoca eliyayaj coatitame. Huan nopa coatitame cati nojquiya eliyayaj iteipan ixhuihua Aarón, se iteipan ixhui Coat, inijuanti quiselijque 13 altepeme ipan nopa talme cati iniaxca iteipan ixhuihua Judá, Simeón huan Benjamín.

JOSUÉ 21:41

Huajca para nochi iteipan ixhuihua Leví san sejco quiselijque 48 altepeme,