JOSUÉ 2:10 - Icamanal Toteco

¹⁰ Tijcactoque quenicatza Dios amechhuachili nopa at ipan nopa Hueyi At Chichiltic para huelqui anquiixcotonque quema anquisque tali Egipto. Nojquiya tijcactoque quenicatza anquintzontamiltijque Sehón huan Og, nopa ome inintanahuatijcahua amorreos cati itztoyaj ipan nopa seyoc inaliyo hueyat Jordán.

JOSUÉ 2:10 Iomraidhean Croise

SALMOS 74:15

Tijchijqui ma meya at ipan huejhueyi amelme huan para hueyame ma quipiyaca at. Nojquiya tiquinhuatzqui hueyame cati amo quema huactoyaj.

NÚMEROS 20:14

Quema nopa israelitame itztoyaj ipan Cades, Moisés quintitanqui sequij itayolmelajcahua ma quiitatij nopa tanahuatijquet ten tali Edom para ma quiilhuica ni camanali: “Tojuanti tiiteipan ixhuihua Israel cati huejcajquiya eliyaya iicni mohuejcapan tata. Ta cuali tijmati nopa taohuijcayot cati topantitoc.

NÚMEROS 23:22

Quej se hueyi toro quipiya icuacua, ni masehualme quipiyaj TOTECO quej ininchicahualis, yaya cati quinquixti ipan tali Egipto.

NÚMEROS 24:8

Toteco Dios cati quinquixti ipan tali Egipto itztoc inihuaya. Yaya ininchicahualis quej se hueyi toro quipiya huejhueyi icuacua. TOTECO quintzontamiltilis nochi masehualme ipan nochi talme cati quincualancaitaj. Quena, quinpostequilis iniomiyo, huan quinmictis ica cuataminti.

DEUTERONOMIO 2:30

“Pero amo quinejqui ma tijpanoca ital pampa TOTECO Dios quiyoltetilijtoya para huelis quitalis nopa Tanahuatijquet amomaixco quej quichijtoc ama.

JOSUÉ 24:12

Huan niquintitanqui miyac cuaxicojme ma amechyacantiyaca huan quinquixtijque nopa ome tanahuatiani ten amorreos ihuaya inimasehualhua. Na nimechtanili amocualancaitacahua. Amo anquintanque ica amomacheta huan amochicahualis.

JOSUÉ 4:24

Quena, xiquinpohuilica taya quinequi quiijtos ni teme para nochi masehualme ipan ni taltipacti ma quimatica TOTECO Dios quipiya hueyi chicahualisti huan para amojuanti nochipa xijhueyitepanitaca.”

JOSUÉ 5:1

Huan quicajque cati TOTECO quinchihuili nopa israelitame nochi nopa tanahuatiani ten nopa amorreos cati itztoyaj ipan ni inaliyo Jordán campa temo tonati huan nochi nopa tanahuatiani ten cananeos cati itztoyaj nechca hueyi at. Quicajque quenicatza TOTECO quihuatzqui nopa hueyat Jordán hasta nopa israelitame quiixcotonque. Huan yeca nochi majmahuiyayaj huan huihuipicayayaj hasta amo aqui motemacac quintehuiti.

JOSUÉ 9:10

Tijcactoque nochi cati quinchihuili nopa ome inintanahuatijcahua amorreos cati itztoyaj ne seyoc inaliyo hueyat Jordán; Sehón nopa tanahuatijquet ten Hesbón huan Og nopa tanahuatijquet ten tali Basán cati mosehuijtoya para tanahuatis ipan altepet Astarot.