JONÁS 4:2 - Icamanal Toteco

² Huajca motatajti ica TOTECO, huan quiilhui: ―Xiquita TOTECO, na cuali nijmatiyaya para panosquía ya ni quema noja niitztoya ipan notal. Yeca nimantzi nijnequiyaya nicholos huejca hasta altepet Tarsis. Nijmatiyaya para ta se tiDios cati titetasojta huan titeicnelía. Amo nimantzi ticualani, huan nelhueyi motaicnelilis hasta titayolmelahua se tatzacuiltili huan teipa timoyolcuepa.

JONÁS 4:2 Iomraidhean Croise

1 REYES 19:4

Teipa Elías nejnenqui semilhuit hasta nopa huactoc tali, huan mosehuito itzinta se cuahuit cati amo quipiya miyac ixihuiyo huan quinequiyaya ma miqui. Quiilhui TOTECO: “¡Ya cuali noTECO! ¡Techquixtili nonemilis! ¡Pampa na amo más nicuali que notatahua!”

SALMOS 103:8

TOTECO tetasojta miyac huan quipiya hueyi iyolo. Yaya tahuel huejcahua para pehuas cualanis. Amo quema tami itaicnelijcayo.

SALMOS 145:8

TOTECO, hueyi moyolo huan tahuel titetasojta. Amo nimantzi ticualani huan titeicnelía miyac.

SALMOS 78:38

Pero Toteco quipixqui hueyi iyolo ica inijuanti. Quintapojpolhuiyaya inintajtacolhua huan amo quintzontamiltiyaya. Miyac huelta quitilquetzqui icualancayo para amo quintatzacuiltis.

SALMOS 86:15

Pero ta Toteco nelía titetasojta huan hueyi moyolo. Amo nimantzi ticualani. San ta titeicnelía huan san ta timelahuac.

SALMOS 86:5

Toteco, ta nelía ticuali huan timoquetztoc timocualtalijtoc para titetapojpolhuis. Tiquinicnelía huan nimantzi tiquintasojta nochi cati mitztajtaníaj motapalehuil.

SALMOS 90:13

TOTECO, xihuala huan techtiochihua. ¿Hasta quema tamis ticualantos? Techtasojta tojuanti timotequipanojcahua.

ÉXODO 32:14

Huajca TOTECO moyolcuetqui ica cati moilhuijtoya quinchihuilis imasehualhua.

JEREMÍAS 18:8

Pero sinta nopa masehualme ten nopa altepet quicahuase inintajtacolhua, huajca amo nijsosolos quej nimoilhuijtoya.

JEREMÍAS 20:7

NoTECO, ta techchihualti ma nieli motajtolpanextijca. Huan na nimotemaca para nijchihuas. Tiitztoc más chicahuac que na huan techtani. Pero xiquita, ama nochi masehualme ipan ni altepet san techhuetzquilíaj huan techpinajtíaj.

JEREMÍAS 26:13

Pero sinta amojuanti anquicahuase amotajtacolhua huan anpehuase anquitepanitase TOTECO cati toDios, huajca yaya amo amechtitanilis nopa tatzacuiltili cati quiijtojtoya quititanis amopani.

JEREMÍAS 42:10

‘Ximocahuaca ipan ni tali. Sinta anmocahuase, huajca na nimechtiochihuas huan amo aqui amechcuatotonis. Tahuel nimocuesohua por nochi nopa tatzacuiltili cati nimechtitanili.

AMÓS 7:3

Huan TOTECO moyolcuetqui ten nopa tamanti cati quinectoya quichihuas, huan quiijto: ―Cualtitoc, huajca amo nijchihuas.

AMÓS 7:6

Huajca TOTECO Dios sempa moyolcuetqui ica cati moilhuiyaya quichihuas huan quiijto: ―Huajca yon ya nopa amo nijchihuas.

JONÁS 1:3

Pero Jonás cholojtejqui iixpa TOTECO huan yajqui altepet Jope iteno hueyi at. Huan nepa campa quisaj cuaacalme, quipanti se cuaacali cati quisayaya para se altepet cati itoca Tarsis cati huejca mocahuayaya ten Nínive. Huajca Jonás taxtajqui huan calajqui para nojquiya yas pampa quinequiyaya cholos iixpa TOTECO.

JONÁS 3:10

Huan Toteco Dios quiitac cati quichihuayayaj nochi nopa masehualme ipan altepet Nínive huan quenicatza quitahuelcajtoyaj cati fiero quichihuayayaj. Huajca moyolcuetqui para ayecmo quinajsis nopa tatzacuiltili cati quinilhuijtoya.

JONÁS 3:9

Pampa nohueli Toteco Dios quicahuas icualancayo. Pampa hueyi itaicnelilis, huelis moyolpatas huan amo techmictis.”

MIQUEAS 7:18

Amo aqui seyoc Dios quej ta. Ta titetapojpolhuía taixpanoli huan masque fiero quichijtoque momasehualhua cati mocahuaj yoltoque, tiquelcahua inintajtacolhua. Amo tijtalía moyoltipa cualanti pampa ta mitzpactía titeicnelía.

LUCAS 10:29

Pero nopa tacat quinequiyaya monextis cuali iniixpa nopa masehualme, huajca quitatzintoquili Jesús: ―¿Ajquiya ne sequinoc cati monequi niquinicnelis quej nimoicnelía?

DEUTERONOMIO 4:31

Pampa amoTECO Dios tahuel tetasojta. Yaya amo amechtahuelcahuas, yon amo amechtzontamiltis nochi amojuanti. Amo quielcahuas nopa camanal sencahuali cati quichijqui ica amohuejcapan tatahua.