JONÁS 2:6 - Icamanal Toteco

⁶ Nitemotoya hasta itzinta nopa tepet cati eltoc tatzinta ten hueyi at. Huan techtzacuilijtoya para ma amo nitejco campa onca ajacat huan nemilisti. Niitztoya quej se cati ilpitoc ipan nopa at cati techmictisnequiyaya. Pero ta, noTECO DIOS, cati nimitzhueyichihua. Ta techmanahui imaco miquilisti pampa techtejcolti.

JONÁS 2:6 Iomraidhean Croise

JOB 33:24

huajca Toteco quitasojtasquía huan quiilhuisquía itequipanojca: ‘Xijmajcahua ma yahui nopa masehuali. Amo xijchihuaca ma miqui pampa nijpantijtoc seyoc cati taxtahuas por inemilis.’

JOB 33:28

Toteco techmanahui ten miquilisti huajca noja niitztos ipan ni taltipacti ipan taahuili.’

SALMOS 104:6

Tijchijqui ma huetzi miyac at cati quiixtzajqui taltipacti quej elisquía iyoyo. Quena, tijchijqui at ma tejco hasta quiixtzajqui nochi tepeme.

SALMOS 104:8

Tejcoque tepeme huan nopa tamayame temoque ipan inilugar campa ta titanahuati ma motalica.

SALMOS 116:3

Nechyahualojtoya miquilisti. Nijmachiliyaya quej niitztosquía ipan ostot, pampa nechajsic miyac cuesoli huan tequipacholi.

SALMOS 143:7

TOTECO, nimantzi technanquili pampa tahuel nitaijyohuía ipan noyolo. Amo ximoicancuepa ten na para amo nimiquis.

SALMOS 16:10

Pampa amo tijcahuas notacayo ipan ostot, yon amo tijcahuas ma palani itacayo Yaya Cati Tatzejtzeloltic.

SALMOS 18:5

Nopa mijca ostot nechtaquechilijtoya hasta ayecmo nijpixqui fuerza. San se quentzi más huan nimiquisquía.

SALMOS 30:3

TOTECO, techmanahuij quema ya niitztoya para nimiquis. Techmacac nonemilis sempa, huan yeca amo niitztoc ostoijtic.

SALMOS 30:9

Pampa, TOTECO, sinta techcahuilisquía ma nimiqui, taya tijtanisquía. Ayecmo huelisquía nimitzhueyichihuasquía iniixpa nohuampoyohua. Toteco, sinta nimiquis, nimocuepas tali, huan tali amo huelis mitzhueyichihuas. ¿Amo que? ¿Mijcatzitzi amo huelise tepohuilise para ta nelía titemachti?

SALMOS 55:23

Pero ta tinoTeco Dios, tiquintitanis nocualancaitacahua ipan nopa ostot cati tahuel huejcata. Nopa temictiani huan istacatini amo itztose yon tajco ten ininemilis, pampa amo huejcahuase itztose ipan ni taltipacti. Pero na nochipa nimotemachis ipan ta para techmaquixtis.

SALMOS 65:6

Ta ica mohueyi chicahualis tiquinchijchijqui nopa tepeme huan tiquintatzquilti campa eltoque.

SALMOS 69:2

Eltoc quej nimasitoc ipan soquit cati huejcata huan amo hueli niquisa. O quej nechyahualosquía tahuel miyac at huan huejcata.

ISAÍAS 38:10

San ninejnentoc tajco ten nochi nopa tonali ten nonemilis huan ama monequi nijcajtehuas pampa nimiquis. Ayecmo huelis nicaxitis noxihui quej monequiyaya. Ama ya monequi niyas ipan nopa tali ten miquilisti.

ISAÍAS 38:17

Quena, ni taijyohuilisti cati hualajqui ipan na, ama nijmachilía para nelía cuali, pampa ica ya nopa ta techmanahui ten miquilisti, huan ama ayecmo tijtachiliya notajtacolhua.

ISAÍAS 40:12

San ya quitamachijqui nopa huejhueyi at ica imacomol huan ica mistit quitamachijqui ilhuicacti. San ya quitamachijqui quesqui ietica ni taltipacti, tepeme huan cuatitamit.

EZEQUIEL 26:20

Tamis nopa altepet huan nochi cati nopona itztoyaj quej miqui se masehuali huan yahui hasta más tatzinta ipan nopa hueyi ostot campa mopantíaj nopa masehualme cati huejcajquiya mijque huan nopona yajque. Ayecmo quema quinpiyas imasehualhua nopa altepet. Ayecmo quema motananas huan quipiyas tatepanitacayot. Nopa altepet ayecmo quema quipiyas iyejyejca ipan ni taltipacti campa itztoque masehualme cati yoltoque.

EZEQUIEL 31:14

Huajca ten ama huan teipa yon se cuahuit masque quipiya miyac at amo mochihuas hueyi quej ni hasta moscaltis más huejcapa ten mixti. Nochi tali huan inimasehualhua elise quej ni cuahuit huan miquise huan yase ipan nopa ostot cati tahuel huejcata inihuaya tacame cati mohueyimatque ten nochi taltipacti.

HABACUC 3:10

Nopa tepeme huihuipicaj quema mitzitaj, huan huetzi ten ilhuicac tahuel miyac at. Tejco nopa at cati eltoc tatzinta tali ipan nopa huejhueyi at. Nelía caquisti quej se cati tzajtzi chicahuac huan eltoc quej nopa at momatanana moixpa.

HABACUC 3:6

Quema yaya moquetza se talojtzi, nopa tali mohuijhuisohua. Huihuipicaj talme quema yaya quintachilía. Iixpa ya huelonij nopa tepeme cati nochipa moquetztoyaj huan ixpolihuij tachiquilme cati eltoque ten huejcajquiya. Pero yaya nochipa itztoc. Nejnentihualajtoc ten ipejya tonali.

MATEO 16:18

Huan nojquiya nimitzilhuía ta tiPedro cati quiijtosnequi se tipiltetzi. Huan ipan ni hueyi tepatacti nijquetzas notiopa. Huan nochi chicahualisti ipan micta, amo quema huelis quitanis.

DEUTERONOMIO 32:22

Nocualancayo tejcos quej se tit, huan lemenis hasta ajsis campa más huejcata ipan micta. Quitamitatis nochi taltipacti huan itajca. Hasta campa pehua tepeme quitatis nopa tit.