JONÁS 2:2 - Icamanal Toteco

² huan quiijto: “Quema nitaijyohuiyaya, nimitztzajtzili, noTECO, huan ta technanquili huan techpalehui. Quema nechca eltoya para nimiquis, nimitznojnotzqui huan techtacaquili.

JONÁS 2:2 Iomraidhean Croise

2 CRÓNICAS 33:12

Pero teipa quema tahuel taijyohuiyaya, Manasés moicnonejqui huan motatajti ica nochi iyolo iixpa TOTECO Dios cati elqui ininTeco ihuejcapan tatahua.

SALMOS 116:3

Nechyahualojtoya miquilisti. Nijmachiliyaya quej niitztosquía ipan ostot, pampa nechajsic miyac cuesoli huan tequipacholi.

SALMOS 120:1

Quema niitztoya ipan taijyohuilisti, nijtzajtzili TOTECO huan yaya nechnanquili. Niquilhui:

SALMOS 16:10

Pampa amo tijcahuas notacayo ipan ostot, yon amo tijcahuas ma palani itacayo Yaya Cati Tatzejtzeloltic.

SALMOS 22:24

Pampa amo techelcajtoc quema titaijyohuíaj, yon amo techhuejcamajcajtoc. Amo cana techcuanecatatilía. ¡Amo! Ta techtacaquilía quema timitztajtaníaj techpalehuiqui.

SALMOS 34:6

Masque nipilteicneltzi, nijtzajtzili TOTECO, huan yaya nechmaquixti ten nochi tamanti cati nechtequipachohuayaya.

SALMOS 4:1

Toteco Dios, ta techchijtoc nixitahuac moixpa, Se favor technanquili quema nimitznojnotza. Ta cati nochipa techpalehuía quema nitaijyohuía, ama sempa techtasojta huan xijcaqui quema nimotatajtía.

SALMOS 61:2

Masque niitztosquía campa hueli o hasta campa ontantoc taltipacti, na nimitztzajtzilisquía para nimitztajtanis motapalehuil. Quema nimajmahui o nimotequipachohua, techyacana huan techtatía ipan se huejcapantic tet, campa amo teno huelis nechajsis.

SALMOS 65:2

Ta technanquilía quema timotatajtíaj huan techmaca cati timitztajtaníaj, huajca nochi masehualme ipan taltipacti ma hualaca campa ta.

SALMOS 86:13

pampa tahuel hueyi motaicnelilis ica na, huan amo quema tami. Ta techmanahuijtoc para amo niyas micta campa tanahuatía miquilisti.

ISAÍAS 14:9

“Nopa mijcatzitzi cati itztoque nepa micta momajmatíaj para quiselise nopa tanahuatijquet quema calaquiti nepa. Isaj cati cochtoyaj pampa ajsi. Nopa mijcatzitzi cati elque tayacanani hualaj pampa quinequij quinamiquiquij. Cati eliyayaj tanahuatiani moquetzaj ten inisiyas para quiselise.

LAMENTACIONES 3:55

“Huan nimitznotzqui, TOTECO, ten itzinta nopa ostot cati más huejcata.

EZEQUIEL 26:20

Tamis nopa altepet huan nochi cati nopona itztoyaj quej miqui se masehuali huan yahui hasta más tatzinta ipan nopa hueyi ostot campa mopantíaj nopa masehualme cati huejcajquiya mijque huan nopona yajque. Ayecmo quema quinpiyas imasehualhua nopa altepet. Ayecmo quema motananas huan quipiyas tatepanitacayot. Nopa altepet ayecmo quema quipiyas iyejyejca ipan ni taltipacti campa itztoque masehualme cati yoltoque.

EZEQUIEL 31:14

Huajca ten ama huan teipa yon se cuahuit masque quipiya miyac at amo mochihuas hueyi quej ni hasta moscaltis más huejcapa ten mixti. Nochi tali huan inimasehualhua elise quej ni cuahuit huan miquise huan yase ipan nopa ostot cati tahuel huejcata inihuaya tacame cati mohueyimatque ten nochi taltipacti.

MATEO 12:40

Pampa quej Jonás itztoya eyi tonati huan eyi yohuali iijtico nopa hueyi michi ipan hueyi at, na nojquiya cati niMocuetqui Masehuali, niitztos ipan mijca ostot para eyi tonati huan eyi yohuali.

LUCAS 11:10

Pampa nochi cati tajtanij, quiselíaj. Huan nochi cati quitemohuaj cati quinpolohua, quipantíaj. Huan nochi cati quinotzaj Toteco, yaya quincaltapohua huan quinmaca cati quitajtaníaj.

LUCAS 22:44

Jesús nelía taijyohuiyaya, huan chicahuac motatajtiyaya. Mitoniyaya miyac huan iitonal elqui quej esti cati chipiniyaya.

HECHOS 2:27

Pampa amo nechtahuelcahuas campa mijcatzitzi, yon amo tijcahuas ma palani itacayo yaya cati tatzetzeloltic huan moaxca ta.

HEBREOS 5:7

Quema Cristo itztoya ipan ni taltipacti, yaya motatajti ica Toteco Dios. Quitajtani Toteco cati quinequiyaya huan quicamanalhui ica nochi iyolo hasta chocac. Pampa san Toteco quipiyayaya chicahualisti para quimaquixtis ten nepa campa miquilisti. Huan Toteco Dios quitacaquili pampa Cristo quitepanitayaya Toteco ica nochi iyolo.

1 SAMUEL 1:16

Amo ximoilhui para se nifiero sihuat. Nihuejcajtoc nimotatajtía pampa tahuel miyac nimocuesohua huan yeca amo nicamanaltitoc.

1 SAMUEL 30:6

Huan nochi nopa tacame cati itztoyaj ihuaya quiijtohuayayaj para quimictise David ica tet pampa tahuel mocuesohuayayaj por ininconehua. Huajca David tahuel mocuesohuayaya, pero David quitemo TOTECO Dios huan moyolchicajqui ipan ya.