JEREMÍAS 9:8 - Icamanal Toteco

⁸ Ica ininenepil quimajcahuaj istacatili cati tecocohua quej se cuataminti. Huan inihuampo quicamanalhuíaj ica yejyectzi, pero ipan iniyolo moilhuíaj quenicatza quitzontamiltise seyoc.

JEREMÍAS 9:8 Iomraidhean Croise

2 SAMUEL 3:27

Huan quema Abner ajsico campa icalte altepet Hebrón, Joab quiiyocaquixti para camanaltis ihuaya ixtacatzi. Huan nopona Joab quicalaquili imacheta iijtico Abner huan nimantzi mijqui. Huan quej nopa Joab momacuetqui pampa quimictijtoya iicni, Asael.

SALMOS 12:2

Se ica seyoc moistacahuíaj. Quipiyaj ome inixayac huan quipataj inincamanal.

SALMOS 12:3

TOTECO quintzontamiltis nochi cati quipiyaj ome inixayac huan cati mohueyimatij quema camanaltij.

SALMOS 120:3

Ma moilhuica nopa istacatini taya ininpantis por iniistacaticayo.

SALMOS 28:3

Amo techtatzacuilti inihuaya masehualme cati amo cuajcualme cati san quichihuaj cati amo monequi. Inijuanti camanaltij cuajcualtzi ica sequinoc, pero quipiyaj nochi cati amo cuali ipan iniyolo.

SALMOS 35:20

Inijuanti amo quitemohuaj tasehuilisti. San moilhuíaj quenicatza huelis quincajcayahuase masehualme cati itztoque ica cuajcualtzi ipan ni tali.

SALMOS 55:21

Quitequihuíaj camanali cati nelcuajcualtzi huan yamanic quej mantequilla, pero ipan iniyolo san moilhuíaj quenicatza tatehuise. Nochi cati quiijtohuaj eltoc alaxtic quej aceite, pero ixtacatzi teyolcocohuaj ica camanali quej quema timotzontequis ica macheta.

SALMOS 57:4

Nechyahualojtoque masehualme cati mosisiníaj quej tecuanime. Inincamanal eltoc quej tit cati quisa inincamaco. Inintancoch tajtatequi quej cuataminti huan ininenepil tatequi quej macheta.

SALMOS 62:5

Pero na san nimochiya ipan Toteco Dios, san nimochiya para yaya ma nechmanahui, pampa san ya hueli temaquixtía.

SALMOS 64:8

Quena, huetzise huan motzontamiltise, por nopa camanali cati quiijtojtoque. Huan nochi cati quinitase momajmatise.

PROVERBIOS 25:18

Se cati quiistacahuía seyoc masehuali nelía quitaijyohuiltía. Quicocohua quej se martillo, o se cuchillo o se macheta cati tahuel tatequi.

JEREMÍAS 5:26

Campa nomasehualhua, itztoque tacame cati fiero ininemilis, cati tachiyaj ixtacatzi quej se tapejquet. Quitalíaj taquetzti para quinmasiltise sequinoc masehualme.

JEREMÍAS 5:9

¿Amo quinamiqui niquintatzacuiltis por nochi inintajtacol? Quena, quinamiqui niquincuepilis ni masehualme ten ni tali por nochi cati techchihuilijtoque.

JEREMÍAS 9:3

TOTECO quiijtohua: “Ni masehualme nochipa moilhuíaj quenicatza istacatise. Quej se cuahuitoli quimajcahua cuataminti, inincamac quiquixtía senquisa istacatili. Amo quinequij quiijtose cati xitahuac. Más quichihuaj cati fiero mojmosta. Huan ayecmo techtepanitaj niininTECO.

JEREMÍAS 9:4

“Sese monequi momocuitahuis ten nopa masehuali cati itztoc icalnechca pampa amo hueli ipan motemachis. Monequi sese momocuitahuis ten iicni pampa amo hueli quineltocas. Amo xiquinpohuili taya mitzpano pampa inijuanti hueli mitzistacahuise huan mitzejelnamiquise.

JEREMÍAS 9:5

Sese israelita quimati cuali quenicatza tacajcayahuas huan tehuihuiitas. Inijuanti senquisa quichihuaj tajtacoli.

MIQUEAS 6:12

Nopa tominpiyani quitemitijtoque ininchajchaj ica miyac tamanti tachtecti huan nochi ininchaj ehuani istacatij huan tacajcayahuaj.