JEREMÍAS 45:3 - Icamanal Toteco

³ ‘Baruc, ta tiquijtohua para nelía titeicnelti pampa TOTECO tahuel mitztaijyohuiltijtoc. Huan ama tiquijtohua para TOTECO noja más taohuijcayot mitzmacas. Tiquijtohua tahuel tisiyajtoc ica tequipacholi huan amo hueli timosiyajquetzas.’ Quej nopa tiquijtohua.

JEREMÍAS 45:3 Iomraidhean Croise

JOB 23:2

“Ama sempa nicamanaltis ica tequipacholi pampa Toteco nelchicahuac techtatzacuiltía ica imax huan amo quej quinamiqui, masque tahuel niaxti.

SALMOS 120:5

Nelía niteicneltzi na cati niitztoc inihuaya ni masehualme ten tali Mesec huan Cedar. Nelía nitaijyohuía tatajco ten inijuanti, pampa yon se ten inijuanti amo mitztepanita, Toteco.

SALMOS 27:13

Pero na cuali nijmati TOTECO nechmanahuis, huan sempa niquitas quenicatza cuali iyolo ica na ipan ni taltipacti campa niitztoc.

SALMOS 42:7

Ama ta techtitanilijtoc tequipacholi cati nechijyomictía. Quena, miyac tequipacholi nechajsitoc quej imiyaca at cati huetzi ten tepeixco hasta ipan na. Caquisti quej miyac at cati ajcahuacatoc, huan nochi nopa at nopan panotoc.

SALMOS 6:6

Ya tanqui nofuerza ica choquisti. Sese tayohua nichoca miyac hasta nijtamixolonía notzonteto.

SALMOS 6:7

Nichocatoc miyac hasta nechcocohua noixteyol huan ayecmo hueli nitachiya. Quena, nichoca quema nimoilhuía cati nocualancaitacahua nechchihuilijtoque.

SALMOS 69:3

Tahuel nichocatoc hasta nisiyajtoc. Nimitztzajtzilijtoc, Toteco Dios, hasta nechcocohua noquechta huan ayecmo hueli nicamanalti. Nochi noixteyol semajtoc ica choquisti. Ya niixcuatic pampa campa hueli nitachixtoc para niquitas sinta tihuala, Toteco Dios, para techpalehuis.

PROVERBIOS 24:10

Sinta timotatzcanequis tonaya ipan motequi, noja más caxantiyas motetilis para tijtamiltis.

JEREMÍAS 45:2

“Baruc, ya ni cati TOTECO huan toDios tiisraelitame mitzilhuía:

JEREMÍAS 8:18

Amo onca pajti para nimoyoltalis ten notaijyohuilis. Tahuel techyolcocohua huan nimocuesohua.

JEREMÍAS 9:1

Cuali elisquía sinta ipan notzonteco mochihuasquía se pileta ten at para nijpiyasquía noixayo para nichocas noja más. Quej nopa na nichocasquía para nochipa. Quena, nichocasquía tonaya huan tayohua por nomasehualhua cati mictoque.

LAMENTACIONES 1:13

“Eltoc quej TOTECO quititanqui ten huejcapa se tatzacuiltili cati eltoc quej se tit cati ajsitoc hasta ipan nochi toomiyo. Quisencajqui se taquetzti para toicxihua para ma timocuepaca ten totajtacolhua. Tijmatij techtahuelcajtoc. Titapolohuaj talojtzitzi.

LAMENTACIONES 1:22

“Xijtachili ta nochi nopa tamanti cati fiero inijuanti quichijtoque. Xiquinchihuili quej quinamiqui por inintajtacolhua nojquiya, quej techchijtoc por totajtacolhua. Tahuel tichocaj tiJerusalén ehuani. Tijmatij titapolose.”

LAMENTACIONES 3:32

Masque yaya tetaijyohuiltía, nojquiya quipiyas iyolo ica tojuanti pampa iteicnelilis nelía hueyi.

2 CORINTIOS 4:1

Huajca pampa Toteco Dios techicnelía miyac huan techmacatoc ni yejyectzi tequit para titepohuilise icamanal Toteco, amo quema tijcahuase.

2 CORINTIOS 4:16

Yeca amo tijcuesihuilíaj totequi, pampa masque tantinemi tonemilis, mojmosta Toteco techmaca yancuic chicahualisti ipan totonal.

GÁLATAS 6:9

Ma amo tisiyahuica para tijchihuase cati cuali, pampa sinta amo tijcahuase tijchihuase cati cuali, Toteco techtaxtahuis miyac quema ajsis tonali.

2 TESALONICENSES 3:13

Huan toicnihua, amojuanti cati ya antequitij cuali, amo xisiyahuica para anquichihuase cati cuali.