GÉNESIS 32:7 - Icamanal Toteco

⁷ Huan quema Jacob quicajqui ya nopa, majmajqui miyac huan pejqui tahuel mocuesohua. Huajca quintajcoxelo nopa tacame cati itztoyaj ihuaya huan san se quichijqui ica nopa borregojme, huacaxme huan camellos,

GÉNESIS 32:7 Iomraidhean Croise

GÉNESIS 32:11

Toteco Dios, ama se favor, techmanahui imaco noicni, Esaú. Niquimacasi para hualas techmictiqui huan quinmictiqui ni sihuame huan coneme.

GÉNESIS 32:3

Huan Jacob quintitanqui itayolmelajcahua imelac hasta Seir ipan tali Edom para quiitatij iicni, Esaú.

GÉNESIS 32:8

pampa moilhui: “Sinta Esaú huala ica imiyaca huan quintehuis se tajco notequipanojcahua, huajca ne seyoc tajco huelis cholose.”

GÉNESIS 33:1

Huan quema Jacob quiitac para Esaú hualayaya imelac ica 400 tacame, quinxejxelo nopa coneme ihuaya Lea, Raquel huan nopa ome sihua tequipanohuani.

GÉNESIS 35:3

Teipa xihualaca, ma tiyaca Betel pampa nepa nijchihuas se taixpamit huan tijhueyichihuase Toteco Dios cati nechpalehui quema nimocuesohuayaya. Yaya cati nohuaya yajtoc campa hueli campa ninentinentoc.

SALMOS 107:6

Huajca quitzajtzilijque TOTECO para ma quinpalehui, huan yaya quinpalehui.

SALMOS 112:5

Se tacat cati cuali iyolo tetasojta huan tetanejtía cati quipiya. Nochi cati quichihua quisa cuali, huan quiyacana xitahuac nochi tamanti cati eltoc imaco.

SALMOS 142:4

Nijtachili campa hueli huan niquitac. Amo aqui moyolilhuía ten na. Amo aqui quinequi nechpalehuis. Amo aqui nechmocuitahuía, yon amo aqui quichihuilía cuenta nonemilis.

SALMOS 31:13

Nijcaqui quenicatza nocualancaitacahua nechistacahuíaj. Yeca nechitzquitoc se hueyi majmajti huan nechmajmatía. Inijuanti san sejco moijilhuíaj quenicatza huelise nechmictise.

SALMOS 61:2

Masque niitztosquía campa hueli o hasta campa ontantoc taltipacti, na nimitztzajtzilisquía para nimitztajtanis motapalehuil. Quema nimajmahui o nimotequipachohua, techyacana huan techtatía ipan se huejcapantic tet, campa amo teno huelis nechajsis.

ÉXODO 14:10

Huan quema nopa israelitame quiitaque para Faraón ihuaya nopa egiptome monechcahuiyayaj, tahuel majmajque huan quitajtanijque TOTECO ma quinpalehui.

PROVERBIOS 2:11

Huan pampa tielis titalnamiqui huan tijmatis miyac, motalnamiquilis mitzmocuitahuis. Quena, cati tijmatis mitzchihuas para tiitztos ica temachili.

ISAÍAS 28:26

Yaya quimati taya quichihuas huan quenicatza quitocas pampa Toteco Dios quimacatoc talnamiquilisti.

MATEO 10:16

“Nimechtitani campa masehualme cati amo cuajcualme. Huan quej mahuilili para borregojme mopantise inihuaya tepechichime, nojquiya elis mahuilili para amojuanti. Huajca ximochihuaca antalnamiquini quej cohuame, pero nojquiya xiitztoca quej palomajme cati amo quichihuaj cati amo cuali.

MATEO 8:26

Huajca Jesús techilhui: ―¿Para ten anmajmahuij? Tahuel pilquentzi antechneltocaj. Huan yaya mijquejqui huan quitacahualti nopa ajacat huan nopa hueyi at huan ayecmo molinijque.

JUAN 16:33

Nimechilhuijtoc ama nochi ya ni para anquipiyase tasehuilisti ipan na. Ipan ni taltipacti anquipiyase taijyohuilisti huan tequipacholi, pero ximoyolchicahuaca pampa nijtantoc ni taltipacti.

HECHOS 14:22

Huan ipan nopa altepeme quinyolchicajque nopa taneltocani huan quinmacaque tetili para más ma motemachijtinemica ipan Tohueyiteco, quinilhuijque: “Monequi tijpanotiyase miyac taohuijcayot nica, huan teipa ticalaquise campa Toteco tanahuatía.”

2 CORINTIOS 1:4

Yaya techyoltalía ipan nochi nopa taohuijcayot cati techpanotihuala huan quej nopa quichihua para tojuanti nojquiya tihuelise tiquinyoltalise sequinoc cati itztoque ipan taohuijcayot san se quej Toteco techyoltalijtoc.

2 TIMOTEO 3:12

Huan nochi taneltocani cati nelía quinequij monejnemiltise quej Cristo Jesús quinequi, quipanose taijyohuilisti ica masehualme.