GÉNESIS 28:3 - Icamanal Toteco

³ Toteco Cati Quipiya Nochi Chicahualisti ma mitztiochihua huan ma mitzmaca miyac moixhuihua para ipan ta ma quisaca nelmiyaqui masehualme cati itztose ipan miyac talme.

GÉNESIS 28:3 Iomraidhean Croise

GÉNESIS 1:28

Huan Toteco Dios quintiochijqui huan quinilhui: “Xiquinpiyaca miyac amoconehua para inijuanti itztose campa hueli ipan nochi taltipacti para ma tanahuatica. Nojquiya nimechtalía xiquinnahuatica nochi michime, totome huan nochi cati nemij ipan taltipacti.”

GÉNESIS 13:16

Nijchihuas ma elica tahuel miyaqui moteipan ixhuihua quej imiyaca taltepocti. Huan sinta se huelisquía quipohuasquía taltepocti, nojquiya huelis quinpohuasquía nochi moteipan ixhuihua.

GÉNESIS 17:20

Pero nojquiya nijcactoc cati techtajtanijtoc para Ismael huan quena, nijtiochihuas. Nijchihuas ma quinpiya miyac iconehua huan para ma momiyaquilica iixhuihua. Huan yaya elis inintata 12 huejhueyi tacame. Ica ya huan iteipan ixhuihua niquinchihuas ma elica se xinach masehualme ica miyac imasehualhua huan quipiyase se hueyi tali.

GÉNESIS 24:60

Huan iteixmatcahua quitiochijque Rebeca quej ni: “Toicni, ¡xieli ininana tahuel miyac masehualme! ¡Moteipan ixhuihua nochipa ma tatanica, ica inincualancaitacahua!”

GÉNESIS 26:24

huan nopa tayohua TOTECO monexti ica ya huan quiilhui: “Na niDios cati niiTeco motata, Abraham. Amo ximajmahui, na niitztoc mohuaya. Nimitztiochihuas huan niquinmiyaquilis moteipan ixhuihua, pampa niquelnamiqui cati nijtencahuili notequipanojca Abraham.”

GÉNESIS 26:4

Huan nijchihuas ma elica nelmiyaqui moteipan ixhuihua quej sitalime ipan ilhuicac. Huan niquinmacas nochi ni talme. Nojquiya niquintiochihuas nochi masehualme ipan nochi talme ipan taltipacti por moixhui.

GÉNESIS 27:33

Huan Isaac amo quimatiyaya taya quiijtos. Huan ica itoscac huihuipicayaya, quiijto: ―Huajca, ¿ajquiya nechhualiquili nopa tacualisti cati quicuito ipan cuatitamit? Na nijcuajqui quema ayemo tiajsiyaya huan nijmacac nopa tatiochihualisti, huan ya nelía elis tatiochihuali.

GÉNESIS 35:11

Huan nojquiya quema Toteco Dios quipatili itoca, Toteco quiilhui: “Na nimoTeco Dios Cati Nijpiya nochi Chicahualisti. Nijchihuas xiquinpiya miyac moconehua huan moteipan ixhuihua. Huan miyac masehualme quisase ipan moteipan ixhuihua, huan mochihuase miyac altepeme ipan inintal. Ipan moteipan ixhuihua oncas tanahuatiani huan sesen quinnahuatis imasehualhua ipan ital.

GÉNESIS 41:52

Huan iompa cone quitocaxti Efraín. (Efraín quinequi quiijtos Temaca Itajca.) Quej nopa quitocaxti pampa quiijto: “Toteco Dios quichijtoc ma niquinpiya noconehua ipan ni tali campa nitaijyohuijtoc.”

GÉNESIS 43:14

Toteco Dios Cati Quipiya Nochi Chicahualisti ma amechtasojta. Ma amechpalehui iixpa nopa tacat para ma quicahuili nopa seyoc amoicni huan Benjamín para ma hualaca amohuaya. Huan ica na, sinta monequi niquinpolos noconehua, huajca quej nopa ma eli.

GÉNESIS 48:3

Huan quiilhui José: ―Toteco Dios Cati Quipiya Nochi Chicahualisti monexti campa niitztoya nechca altepet Luz ipan tali Canaán huan techtiochijqui.

GÉNESIS 48:4

Huan techilhui para quinmiyaquilis noconehua huan noteipan ixhuihua hasta mochihuase tahuel miyac masehualme. Nojquiya techilhui para noteipan ixhuihua quinmacasquía nopa tali huan elis iniaxca para nochipa.

GÉNESIS 49:25

Quena, ma amechpalehui ininTeco mohuejcapan tatahua. Ma amechtiochihua ta huan amoteipan ixhuihua yaya Toteco Dios cati quipiya nochi chicahualisti. Ma quintiochihuas moteipan ixhuihua ica miyac tatiochihualisti quej at cati huala ten huejcapa ipan ilhuicac, huan cati huala huejcata ipan hueyi at huan quichihuas ma moscaltis amomilhua. Ma mitztiochihuas ta huan moteipan ixhuihua huan mosihuajhua. Ma amechmacas miyac amoconehua cati moscaltise cuali. Ma tahuel momiyaquilica amotapiyalhua.

GÉNESIS 9:1

Huan Toteco Dios quitiochijqui Noé huan iconehua ica ni camanali: “Xiquinpiyaca miyac amoconehua huan xijtemitica ni taltipacti.

SALMOS 127:1

Sinta TOTECO amo quichijchihua se cali cati masehualme quichihuasnequij, san tapic inintequi cati nopona tequitij. Sinta TOTECO amo quimocuitahuía se altepet, san tapic inintequi nopa masehualme cati nopona tamocuitahuíaj.

SALMOS 127:3

Toconehua itztoque se nemacti ten TOTECO. Quena, cati tacatij ten totacayo eltoc quej se tatancayot.

ÉXODO 1:7

Pero teipa iniixhuihua quinpixque miyac ininconehua huan motocaxtiyayaj israelitame. Huan nopa israelitame tahuel momiyaquilijtiyajque hasta mochijque tahuel miyaqui masehualme huan campa hueli itztoyaj ipan Gosén ipan tali Egipto.

ÉXODO 6:3

Nimonexti ica Abraham, Isaac huan Jacob huan niquinmatilti quenicatza niitztoc pampa niquinilhui notoca: NimoTECO Dios cati nijpiya nochi chicahualisti, pero amo niquinilhui ni seyoc notoca: Na Cati Nochipa Niitztoc.

2 CORINTIOS 6:18

Huan na nielis niamoTata, huan amojuanti anelise annotelpocahua huan annoichpocahua. Quej nopa quiijtohua Toteco Dios Cati Quipiya Nochi Tanahuatili.”

APOCALIPSIS 21:22

Huan amo niquitac se tiopamit ipan nopa altepet pampa Toteco Dios Cati Quipiya Nochi Chicahualisti huan nopa Pilborregojtzi, inijuanti itiopa nopa altepet.

Rut 2:4

Huan ipan nopa tonali Booz quisqui Belén, huan ajsito imila huan quintajpalo nopa pixcani: ―¡Ma TOTECO itzto amohuaya! Huan quiilhuijque: ―¡Ma TOTECO mitztiochihua!