GÉNESIS 21:6 - Icamanal Toteco

⁶ Huajca Sara quiijto: “Toteco Dios quichijtoc ma nihuetzca, huan nochi cati quimatise para nijpixtoc se nocone huetzcase nohuaya.

GÉNESIS 21:6 Iomraidhean Croise

GÉNESIS 17:17

Huan Abraham motancuaquetzqui huan mohuijtzonqui talchi para quihueyichihuas Toteco Dios, pero yolhuetzcayaya pampa amo quineltocayaya. San moilhuiyaya: “¿Quenicatza huelis nijpiyas se conet quema ya nijpiya 100 xihuit? Huan ¿quenicatza huelis Sara conepiyas quema ya quiaxiti 90 xihuit?”

SALMOS 113:9

Yaya quichihua para nopa sihuat cati amo quema conepixqui ma quinpiya iconehua huan ichaj. Quena, quichihua ma eli se tenanti cati senpactoc. ¡Paquilisti!

SALMOS 126:2

¡Nelía tihuetzcase huan tihuicase ica paquilisti! Huan nopa masehualme ten sequinoc talme quiijtose: “¡Dios quichijtoc huejhueyi tamanti para nopa israelitame!”

ISAÍAS 49:15

“¿Huelis se tenantzi hueli quitahuelcahuas ipilcone? ¿Amo quitasojta cati quitacatilti? Masque se tenantzi huelisquía quielcahuasquía icone, na amo quema niquelcahuas altepet Jerusalén, yon amojuanti cati anehuani nopona.

ISAÍAS 49:21

Huan huajca amojuanti anmoilhuise: ‘¿Ajquiya techmacatoc nochi ni noconehua? Quinmictijque noconehua huan nopa se ome cati mocajque quinhuicaque ipan sequinoc talme. Huan nechcajtejque noseltitzi. Huajca ¿ajquiya quintacatilti nochi ni coneme para na? Huan ¿ajquiya quinmocuitahui para ma moscaltica?’ ”

ISAÍAS 54:1

Jerusalén eltoya iselti quej se sihuat cati amo huelqui conepiya huan ihuehue quicajtejqui. Pero ama ayecmo. Huajca xihuicaca chicahuac huan xipaquica miyac anJerusalén ehuani. Pampa masque achtohuiya Jerusalén eliyaya quej se sihuat cati amo quema cuajcualojtoc para quitacatiltis se icone, “Ama quinpiyas más miyac iconehua, que nopa sequinoc sihuame.” Quej nopa quiijtohua TOTECO.

JEREMÍAS 20:15

Tatelchihuali ma eli nopa tacat cati quiyolmelahuato notata para ya tacatqui se ioquichpil.

LUCAS 1:14

Tahuel anpaquise quema tacatis huan paquise amohuaya miyaqui masehualme,

LUCAS 1:58

Huan nochi icalnechcahua huan ihuicalhua quicajque quenicatza Toteco tahuel quitasojtatoya Elisabet huan quimacatoya icone, huan huajca nochi paquiyayaj ihuaya.

ROMANOS 12:15

Xipaquica ica masehualme cati paquij, huan xichocaca inihuaya cati chocaj.

HEBREOS 11:11

Nojquiya Sara, isihua Abraham, quineltocac para temachti cati Toteco quiijto, yeca masque amo hueliyaya conepiya, quiseli chicahualisti para conecuis. Huan teipa quitacatilti se icone masque ya nanatzi. Quena, quineltocac para eliyaya temachti Toteco cati quitencahuilijtoya para quipiyas icone.

1 SAMUEL 1:26

Huan Ana quiilhui: ―Tate, ¿techelnamiqui? Na ninopa sihuat cati nimotatajtiyaya nica huan techtachilijtoya.