GÉNESIS 16:5 - Icamanal Toteco

⁵ Huajca Sarai quiilhui Abram: ―Ta motajtacol para nechcualancaita Agar. Na nimitzmactili para ihuaya ximoteca, pero quema quimatqui para conepiyas, mohueyimatqui. Ma TOTECO quiijto ajquiya quipiya tajtacoli, sinta ta o na.

GÉNESIS 16:5 Iomraidhean Croise

GÉNESIS 16:4

Huan Abram quiixmatqui Agar, huan Agar conecuic. Huan quema Agar momacac cuenta para ya conepiya, mohueyimatqui huan pejqui quicualancaita Sarai.

GÉNESIS 31:53

Toteco Dios cati iTeco mohueyi tata, Abraham, huan nohueyi tata, Nacor, ma quiijto ajquiya ten tojuanti quichihua cati cuali. Huajca Jacob quitestigojquetzqui Toteco cati itata, Isaac, quihueyichihua.

2 CRÓNICAS 24:22

Quej nopa Tanahuatijquet Joás quicuepili nopa mijcatzi totajtzi Joiada cati elqui itata Zacarías por nochi iteicnelijcayo huan nochi itapalehuil. Quimicti icone. Huan quema Zacarías miquiyaya, quiijto: “TOTECO xiquita cati techchihuilíaj huan xiquintaxtahui quej quinamiqui.”

SALMOS 35:23

Ximotanana huan techchihuili cati xitahuac huan melahuac. Quena, TOTECO, xiisihui huan techmanahuiqui.

SALMOS 43:1

NoTeco Dios, techtajtolsencahua xitahuac huan xitenextili para amo teno nijchijtoc. Techmanahui ten ni istacatica masehualme huan amo cuajcualme cati nechtelhuíaj.

SALMOS 7:8

Quena, TOTECO tiquintajtolsencahuas nochi masehualme ipan nochi talme. Huajca nojquiya techtajtolsencahua na, TOTECO, ica cati cuali nijchijtinentoc. Ta cati más tihueyi, technextijtoc iniixpa nochi masehualme para amo nijpiya tajtacoli.

ÉXODO 5:21

Huan nopa israelita tayacanani quinilhuijque: ―TOTECO ma quiita cati amo cuali anquichijtoque ica tojuanti, huan ma amechtatzacuilti. Amojuanti amotajtacol para itequiticahua Faraón ma techtachilica fiero. Eltoc quej anquitalijtoque macheta ipan inimax para ma techmictica ica cati anquiilhuijtoque nopa tanahuatijquet.

JUECES 11:27

Na amo teno nimitzchihuilijtoc, pero ta quena, pampa ta tihualajtoc para techtehuis. Pero TOTECO, yaya Juez, huan TOTECO techtajtolsencahuas tiisraelitame huan anamonitame para tiquitase ajquiya quipiya tajtacoli. “Quej nopa quiilhuijque nopa tacame cati quiitatoj nopa tanahuatijquet ten amonitame ipan altepet Amón.”

1 SAMUEL 24:16

Huan quema David tanqui camanalti, Saúl quiijto: ―¿Nelía eltoc ta, tinocone David, cati ticamanalti? Huan pejqui choca Saúl,