GÉNESIS 15:1 - Icamanal Toteco

¹ Teipa TOTECO quinotzqui Abram ipan se tanextili cati elqui quej se temicti huan quiilhui: “Amo ximajmahui, Abram, pampa na nimitzmocuitahuis. Motaxtahuil elis nelhueyi.”

GÉNESIS 15:1 Iomraidhean Croise

GÉNESIS 15:2

Pero Abram quinanquili: ―TOTECO, Ta Cati Más Tijpiya Tanahuatili, san tapic para techmacas miyac tamanti pampa amo nijpiya se conet para nijcahuilijtehuas. Amo techmacatoc yon se nocone. Huan notequipanojca Eliezer cati ehua altepet Damasco quiselis nochi cati nijpiya quema nimiquis.

GÉNESIS 15:4

Huan TOTECO quinanquili: ―Amo yaya quiselis cati tijcajtehuas. Quiselis se mocone cati tijpiyas teipa huan quipiyas ta moeso.

GÉNESIS 21:17

Huan Toteco Dios quicajqui para chocayaya nopa oquichpil, huan iilhuicac ejca Toteco Dios quinojnotzqui Agar ten ilhuicac huan quiilhui: “¿Taya tijpiya Agar? Amo ximajmahui pampa Toteco Dios quicactoc quej choca ne oquichpil nopona campa itztoc.

GÉNESIS 22:1

Teipa panoc tonali huan Toteco Dios quiyejyeco Abraham para quiitas sinta nelía quineltoquilía. Huan Toteco Dios quiilhui: ―Abraham. Huan Abraham quinanquili: ―Quena, nica niitztoc.

GÉNESIS 22:20

Teipa panoc miyac tonali huan ajsico camanali para nopa sihuat Milca nojquiya quimacatoya coneme Nacor, itaca icni Abraham.

GÉNESIS 26:24

huan nopa tayohua TOTECO monexti ica ya huan quiilhui: “Na niDios cati niiTeco motata, Abraham. Amo ximajmahui, na niitztoc mohuaya. Nimitztiochihuas huan niquinmiyaquilis moteipan ixhuihua, pampa niquelnamiqui cati nijtencahuili notequipanojca Abraham.”

GÉNESIS 31:7

huan ya nechcajcayajtoc huan nechpatilijtoc notaxtahuil majtacti hueltas. Pero masque ya nopa, Toteco Dios amo quicahuilijtoc ma nechcoco.

2 SAMUEL 22:3

NoTeco Dios, ta techyahualohua para amo huelis techajsise nocualancaitacahua. San ipan ta nimotemachis. Ta cati techyahualohua para techmanahuis ten mosisinijca tacame. NoTeco Dios, ipan ta nijmati nitemachti. Tinotemaquixtijca. Techmanahuía ten cati techmictisquía.

2 REYES 1:15

Huan iilhuicac ejca TOTECO quinojnotzqui Elías huan quiilhui: ―Xiya ihuaya, amo xiquimacasi. Huan Elías motananqui huan temoc ipan nopa tepet, huan yajqui ihuaya nopa tayacanquet para quiitati nopa hueyi tanahuatijquet.

1 CRÓNICAS 28:20

Huan David quiilhui: “Ximoyoltetili ximosemaca huan xijchihua nopa tequit. Amo ximajmahui, yon amo ximotzinquixti pampa tahuel hueyi ni tequit. TOTECO Dios cati noTeco na, yaya itztos mohuaya para mitzpalehuis. Yaya yon se talojtzi amo mitzcajtehuas huan amo quema mitzhuejcamajcahuas. Huan yaya quichihuas para nochi ni tequit xijtamilti ica miyac paquilisti.

SALMOS 115:10

Antotajtzitzi cati aniixhuihua Aarón huan aniaxcahua TOTECO, ximotemachica ipan ya, pampa san yaya amechpalehuía huan amechmanahuía ten nochi tamanti cati amo cuali.

SALMOS 119:114

Ipan ta nimotatía para amo nechcocose nocualancaitacahua huan ipan ta nimomanahuía. Pampa nimotemachía san ipan mocamanal.

SALMOS 142:5

Huajca na nimitztzajtzili, TOTECO, huan nimitzilhui: “TOTECO, san ipan ta nimotemachía para techmocuitahuis. San ta hueli techmanahuis para amo teno nopantis.

SALMOS 18:2

TOTECO, ipan ta nimotatía pampa temachti techmaquixtis. Techyahualojtoc para amo huelis nechajsise nocualancaitacahua. Ta tinotamanahuijca. Ipan ta, noTeco Dios, nimotatía, pampa na niitztoc momaco. Quena, san ipan ta nimotemachía. Ta techyahualojtoc para techmocuitahuía. Ta tieli quej se huejcapantic tepancali cati cuali huan temachti. Ica ta mochicahualis nitatanis.

SALMOS 27:1

TOTECO nechtaahuilía huan nechmaquixtía. ¿Ajquiya niquimacasis? TOTECO yaya nochicahualis, huan na niitztoc imaco. Amo aqui niquimacasis.

SALMOS 3:3

Pero TOTECO, ta techyahualohua para techmanahuis. Ta cati techhueyitalía huan san ta cati tihueli techyolchicahua.

SALMOS 3:4

Chicahuac nimitztzajtzili, TOTECO, para techpalehuis. Huan ta technanquili hasta campa tionitztoc nepa ipan motepe cati tatzejtzeloltic.

SALMOS 5:12

Pampa ta, TOTECO, tiquintiochihua cati quichihuaj cati xitahuac moixpa. Motaicnelijcayo quinyahualohua quej se tepos tzajcayot cati quinmocuitahuía.

SALMOS 58:11

Huan huajca nochi masehualme quiijtose: “Nelía quiselíaj se cuali taxtahuili nopa masehualme cati itztoque xitahuaque, pampa melahuac itztoc se Dios cati tetajtolsencahua xitahuac ipan ni taltipacti.”

SALMOS 84:11

Pampa ta, Toteco Dios, techtaahuilía huan techmanahuía. Ta techicnelía huan techhueyitalía. Huan nochi cati monejnemiltíaj xitahuac ipan moojhui, ta tiquinmacas nochi tamanti cuajcuali cati inijuanti quinequij.

SALMOS 84:9

Toteco, ta cati techmanahuía. Xijcualita huan xijtiochihua nopa tanahuatijquet cati ticaltijtoc para tanahuatis ipan Israel.

SALMOS 91:4

Quej se tenampiyo quintatía ipilconehua ieltapaltzala, Toteco quej nopa nojquiya mitzmocuitahuía. Temachti mitzchihuilis nochi cati mitztajtolcahuilijtoc, pampa timotemachijtoc ipan ya para mitzmanahuis.

ÉXODO 14:13

Pero Moisés quinnanquili: ―Amo ximajmahuica. San ximoquetzaca huan amo ximolinica huan xiquitaca quenicatza TOTECO amechmaquixtis, pampa nopa egiptome cati ama anquinitaj ayecmo quema anquinitase sempa.

PROVERBIOS 11:18

Se tacat cati amo cuali italnamiquilis tacajcayahua huan nopa tomi cati quitantoc ica tacajcayahualisti san eltoc para se talojtzi. Pero se tacat cati quichihua cati xitahuac iixpa TOTECO quiselis se itaxtahuil cati nelía ipati.

PROVERBIOS 30:5

Nochi cati TOTECO quiijtojtoc para quichihuas, mochihuas pampa temachti nochi icamanal. Yaya quinmanahuía nochi cati motemachíaj ipan ya.

ISAÍAS 35:4

Xiquinilhui cati moyoltequipachohuaj: “¡Ximoyoltetilica! Amo ximajmahuica pampa amoDios hualas para momacuepas ica amocualancaitacahua huan quintzontamiltis. Yaya iseltitzi hualas huan amechmaquixtis.”

ISAÍAS 40:10

TOTECO Cati Más Quipiya Tanahuatili huala ica ihueyi chicahualis huan tanahuatis ica nochi tequiticayot. Huan quihualicas miyac taxtahuili para ica quitaxtahuis sese masehuali quej quinamiqui ica cati quichijtoc.

ISAÍAS 41:10

Amo ximajmahuica pampa na niitztoc amohuaya. Amo ximocuesoca pampa na niamoTeco. Nimechfuerzajmacas. Nimechpalehuis huan nimechmaitzquitos ica nonejmat cati ica nitatani.

ISAÍAS 41:14

Huan TOTECO quiijtos: “Amo ximajmahuica anisraelitame, masque anpisiltzitzi huan amo anquipiyaj fuerza, na nimechpalehuis. Na niamoTECO cati nimechcojqui para annoaxcahua. Na cati niTatzejtzeloltic huan niitztoc amohuaya anisraelitame.

ISAÍAS 43:1

Pero ama, israelitame, quej ni amechilhuía TOTECO cati amechchijchijqui: “Amo ximajmahuica pampa na nimechcojqui para nimechtojtomas ten tetequipanojcayot. Nimechnotzqui sesen ten amojuanti ica amotoca. Annoaxcahua.

ISAÍAS 43:5

“Amo ximajmahuica pampa na niitztoc amohuaya. Na niquincuiti amoixhuihua cati itztoque campa hueli ten campa hualquisa tonati hasta campa oncalaqui, huan sempa niquinsejcotilis.

ISAÍAS 44:2

NiamoTECO cati nimechchijchijqui iniijtico amonana. Na cati nochipa nimechpalehuis huan na niquijtohua. Anisraelitame, annotequipanojcahua, amo ximajmahuica. Amojuanti cati nimechtapejpenijtoc, amo teno xiquimacasica.

ISAÍAS 44:8

Amo ximajmahuica, yon amo xihuihuipicaca pampa na hasta huejcajquiya nimechyolmelajtoc nochi cati panos huan amojuanti antestigos. Amo onca seyoc Dios iyoca ten na. San na niDios. Amo onca seyoc cati quipiya chicahualisti. ¡Amo! Yon se amo niquixmati.”

ISAÍAS 51:12

TOTECO quiijtohua: “Na cati nimechyolchicahua huan nimechmaca paquilisti. Huajca ¿para ten anquinimacasij nopa masehualme cati san panoni huan miquij quej sacat huan teipa ayecmo aquijme?

JEREMÍAS 39:17

pero ta nimitzmanahuis. Amo timiquis inimaco nopa masehualme cati tiquinimacasi. NimoTECO niquijtohua.

LAMENTACIONES 3:24

Pero nimoyolilhui: “San TOTECO nijpiya, yeca ipan ya nimotemachis.”

EZEQUIEL 1:1

Quema na, niEzequiel, nijpiyayaya 30 xihuit, niquitac se tanextili ten Toteco Dios. Elqui ipan 5 itequi nopa najpa metzti ipan toisraelita calendario quema yahuiyaya para macuili xihuit quiquixtijtoyaj Tanahuatijquet Joaquín ipan total huan quihuicatoyaj Babilonia. Na, niEzequiel se niisraelita totajtzi cati niicone Buzi, niitztoya inihuaya nopa sequinoc israelitame cati techquixtijtoyaj ten total huan techhuicaque Babilonia. Huan tiitztoyaj iteno nopa hueyat Quebar ipan nopa tali quema ilhuicacti tapojtihuetzqui, huan niquitac se tanextili ten TOTECO huan nijmatqui TOTECO techitzqui ica imax.

EZEQUIEL 11:24

Huan teipa Itonal Toteco Dios techtananqui huan sempa techhuicac ipan tali Babilonia campa itztoyaj nopa sequinoc israelitame cati quinquixtijtoyaj inintal. Huan ica ya ni tanqui nopa tanextili cati niquitayaya quej nipaxolohuayaya ipan altepet Jerusalén.

EZEQUIEL 3:4

Huan teipa techilhui: “Tacat, xiya campa nopa israelitame cati inihuaya tiitztoc huan xiquinyolmelahuati nochi nocamanal.

NÚMEROS 12:6

TOTECO quinilhui: “Xijtacaquilica ni tamanti cati nimechilhuis: Quema nimechtitanilía se tajtolpanextijquet para itztos amohuaya, na niamoTECO, nimonextía ica ya ipan se temicti o nimocamanalhuía ihuaya ipan se tanescayot.

NÚMEROS 18:20

Nojquiya TOTECO quiilhui Aarón: “Antotajtzitzi huan anlevitame, amo anquiselise tali para amoaxca quema anajsise ipan nopa cuali tali campa anyase, huan quema momajmacase cati quitanise ipan tatehuilisti, amo teno anmoaxcatise. Pampa quej ipataca nopa tali cati ne sequinoc israelitame quinaxcatise, antechpiyase na. Huan na nielis niamoaxca huan na cati antechselise, huan san ya nopa monequi.

NÚMEROS 24:4

Nijcactoc icamanal Toteco cati quipiya nochi chicahualisti, huan niquitztoc para yaya cati quipiya nochi chicahualisti huan cati technextilijtoc. Huan quema nihuetzqui iixpa, techtapohuili noixteyol huan nochi nijmachili. Huajca ya ni cati techilhui para ininpantis:

MATEO 28:5

Huan nopa ilhuicac ejquet quinilhui nopa sihuame cati ajsiyayaj: ―Amojuanti amo ximomajmatica. Nijmati anquitemohuaj Jesús cati quicuamapeloltijque.

MATEO 8:26

Huajca Jesús techilhui: ―¿Para ten anmajmahuij? Tahuel pilquentzi antechneltocaj. Huan yaya mijquejqui huan quitacahualti nopa ajacat huan nopa hueyi at huan ayecmo molinijque.

LUCAS 1:13

Pero nopa ilhuicac ejquet quiilhui: ―Zacarías, amo ximomajmati. Toteco quicactoc cati tijtajtaniyaya, huan mosihua Elisabet quipiyas se piloquichpiltzi huan tijtocaxtis Juan.

LUCAS 1:30

Huan nopa ilhuicac ejquet quiilhui: ―Amo ximomajmati María. Toteco mitztapejpenijtoc para mitztiochihuas tahuel miyac.

LUCAS 12:32

“Amo ximomajmatica masque amo anmiyaqui cati antechneltocaj na, pampa ica paquilisti Toteco amechcalaquis campa yaya tanahuatía.

HECHOS 10:22

Huan inijuanti quinanquilijque: ―Cornelio, se tayacanquet ten cien soldados, techhualtitantoc. Yaya se cuali tacat cati quitepanita Toteco amoDios anisraelitame huan nochi israelitame quiicnelíaj miyac. Huan hualajqui se ilhuicac ejquet cati tatzejtzeloltic huan quiilhui Cornelio para ma mitznotzaqui, Pedro, para tiyas ichaj para huelis quitacaquilis cati tiquilhuis.

1 CORINTIOS 3:22

Na niPablo, Apolos, Pedro, ni taltipacti, nemilisti, miquilisti, huan tamanti cati ama onca, huan tamanti cati oncas teipa; nochi ya ni eltoc amoaxcahua.

DEUTERONOMIO 18:2

Amo quiselise yon se tali quej nopa sequinoc israelitame quiselise, pampa inijuanti quiselise TOTECO para iniaxca huan amo tali. Quej nopa quiijtojtoc.

DEUTERONOMIO 31:6

Ximoyoltetilica huan ximoyolchicahuaca. Amo ximajmahuica, yon amo xihuihuipicaca iniixpa, pampa amoTECO Dios yaya yahui amohuaya huan amo amechcahuas, yon amo amechtahuelcahuas.”

HEBREOS 1:1

Huejcajquiya Toteco Dios quinnojnotzqui tohuejcapan tatahua miyac huelta ica itajtolpanextijcahua. Quemantica quinnojnotzqui itajtolpanextijcahua ipan temicti, quemantica ica tanextili huan quemantica itztoya nechca inijuanti quema quincamanalhuiyaya.

APOCALIPSIS 1:17

Huan quema niquitac Jesucristo quej nopa, nihuetzqui iicxita quej nimictoc. Huan yaya nechtalili imanejmat huan techilhui: “Amo ximomajmati. Na niipejya huan niitamiya nochi cati onca.

Rut 2:12

¡Ma TOTECO mitztaxtahui! ¡Ma mitzpalehui TOTECO Dios cati toTeco tiisraelitame huan cati ipan timotemachijtoc huan ma mitztaxtahui por nochi cati tijchijtoc!

1 SAMUEL 15:10

Huan TOTECO quinojnotzqui Samuel huan quiilhui:

1 SAMUEL 9:9

(Achtohuiya quema se quinequiyaya quimatis se tenijqui huajca quiijtohuayayaj: “Ma tiquitatij yaya cati tachiya”; pampa cati ama itoca Tajtolpanextijquet, achtohuiya quintocaxtiyayaj Tachiyani.)