GÉNESIS 1:5 - Icamanal Toteco

⁵ Huan Toteco Dios quitocaxti nopa taahuili “tonaya” huan nopa tzintayohuilot quitocaxti “tayohua”. Huan panoc tiotac huan panoc ijnaloc. Huan ya ni elqui nopa achtohui tonali.

GÉNESIS 1:5 Iomraidhean Croise

GÉNESIS 1:13

Huan panoc tiotac huan panoc ijnaloc. Huan ya ni elqui nopa expa tonali.

GÉNESIS 1:19

Huan panoc tiotac huan panoc ijnaloc. Huan ya ni elqui nopa najpa tonali.

GÉNESIS 1:23

Huan panoc tiotac huan panoc ijnaloc. Huan ya ni elqui nopa macuilpa tonali.

GÉNESIS 1:31

Huan Toteco Dios quitachili nochi cati quichijtoya huan quiitac para tahuel cuali. Huan panoc tiotac huan panoc ijnaloc. Huan ya ni elqui nopa chicuasempa tonali.

GÉNESIS 1:8

Huan campa oncac ajacat quitocaxti “ilhuicacti”. Huan panoc tiotac huan panoc ijnaloc. Huan ya ni elqui nopa ompa tonali.

GÉNESIS 8:22

“Nochi tonali quema eltos ni taltipacti, oncas toquisti huan pixquisti. Nochipa oncas tatotonilot huan tasesecayot. Oncas metzti quema tahuaquis huan metzti quema huetzis miyac at, Nochipa oncas tonaya huan tayohua. Ni tamanti amo quema tamis quema noja eltos taltipacti.”

SALMOS 104:20

Ta tijtitani nopa tzintayohuilot huan mochihua yohuali, huan quema tayohua, quisaj nochi tecuanime cati itztoque ipan cuatitamit.

SALMOS 19:2

Quena, tonaya huan tayohua ilhuicacti quisenhuiquilía tepohuilía para tahuel hueyi italnamiquilis.

SALMOS 65:8

¡Yeca nochi masehualme cati itztoque hasta campa ontantoc taltipacti, mitztepanitaj huan mitzimacasij para mitzixpanose quema quiitaj nopa huejhueyi tamanti cati tijchihua! Tijchihua para masehualme ma paquica ten quema tanesi huan hasta quema tayohuiya.

SALMOS 74:16

Ta moaxca tonali huan yohuali. Ta tijchijchijqui metzti huan tonati.

ISAÍAS 45:7

Na nijchihua taahuili huan tzintayohuilot. Na nijchihua ma onca tasehuilisti huan taohuijcayot. Na niDIOS cati nijchihua nochi ni tamanti.

JEREMÍAS 33:20

“Quej amo aqui hueli quisosolos nopa camanali cati nijchijqui ica tonali huan yohuali para ma ayecmo tatanesis, yon ayecmo tzintayohuas, nojquiya amo aqui hueli quisosolos nopa camanal sencahuali cati nijchijtoc ica notequipanojca David para nochipa se iixhui tanahuatis ipan ilugar. Nojquiya amo aqui hueli quisosolos nopa camanali cati nijchijtoc ica nopa levitame huan totajtzitzi cati techtequipanohuaj.

NÚMEROS 20:29

Huan quema quimatque nopa israelitame para ya mictoya Aarón, quichoquilijque para 30 tonati.

1 CORINTIOS 3:13

Pero teipa ajsis se tonali quema Toteco quiyejyecos totequi ica tit para quiitas taya tamanti tequit tijchijque. Huan ica nopa tit monextis quenicatza elqui totequi huan sinta cuali huan huejcahuas cati tijchijtoque o amo.

EFESIOS 5:13

Pero quema se taahuili quintaahuilía, tanemijya quinextía para fiero cati quichihuaj pampa se taahuili quinextía nochi.

1 TESALONICENSES 5:5

Amojuanti ya annejnemij ipan taahuili o campa tona. Ya anquiixmatij Toteco Jesucristo huan ayecmo anitztoque ipan tzintayohuilot.