ÉXODO 9:6 - Icamanal Toteco

⁶ Huan tonili TOTECO ya nopa quichijqui. Nochi inintapiyalhua Egipto ehuani mijque, pero amo mijqui yon se inintapiyal israelitame.

ÉXODO 9:6 Iomraidhean Croise

SALMOS 78:48

Inihuacaxhua mijque ipan potrero pampa Toteco Dios quinmajcahuili tesihuit cati tahuel huejhueyi. Huan ininborregojhua mijque ica tapetancayot.

SALMOS 78:50

Cualanqui nelchicahuac huan amo quimanahui yon se Egipto ejquet. Senquisa quintitanili tatzacuiltili huan huejhueyi cocolisti.

ÉXODO 12:12

Pero ipan nopa tayohua nipanos ipan nochi tali Egipto huan niquinmictis nopa oquichpilme cati achtohui ehuani ipan sesen familia ten egiptome huan nopa oquichti cati achtohui tacatqui ten inintapiyalhua. Huan niquintamiltis nochi inintaixcopincayohua nopa Egipto ehuani. Na niamoTECO.

ÉXODO 12:29

Huan tajco yohual TOTECO quimicti sese achtohui ejquet ipan sesen familia ten Egipto ehuani. Quimicti iachtohui cone Faraón cati mosehuía ipan nopa yejyectzi siyaj para tanahuatis, hasta iniachtohui cone cati itztoya ipan tatzacti, huan nojquiya quinmicti iniachtohui conehua nochi tapiyalme.

ÉXODO 8:22

Pero quema quej ni panos niquiyocaquixtis tali Gosén campa itztoque nomasehualhua. Nopona amo oncas yon se sayoli. Quej nopa yaya quimatis para na niamoTECO cati niitztoc ipan ni tali.

ÉXODO 9:25

Huan nopa tesihuit quipolo nochi cati oncayaya ipan tali Egipto. Quinmicti nochi masehualme huan tapiyalme cati amo itztoyaj calijtic, huan quipolo nochi tatocti ipan mili huan nochi cuame ipan inintal.

ÉXODO 9:26

San ipan tali Gosén campa itztoyaj israelitame, amo huetzqui yon se tesihuit.

ÉXODO 9:4

Pero na niininTECO niquiniyocatalis inintapiyalhua israelitame ica cati iniaxcahua nopa Egipto ehuani, pampa amo nijcahuas ma miqui yon se tapiyali ten israelitame.

ÉXODO 9:5

Nojquiya TOTECO tayolmelajqui nopa tonali quema quichihuas pampa quiijto: ―Na nijchihuas ni tamanti mosta.