ÉXODO 6:5 - Icamanal Toteco

⁵ Huan na nijcactoc quenicatza chocaj nopa israelitame pampa nopa egiptome quintequipanoltíaj tahuel chicahuac huan amo niquelcajtoc cati niquintencahuilijtoc.

ÉXODO 6:5 Iomraidhean Croise

GÉNESIS 8:1

Huajca Toteco Dios quielnamijqui Noé ica nochi nopa tapiyalme cati itztoyaj iijtic cuaacali. Huan Toteco Dios quichijqui ma taajaca ipan tali, huan nopa at pejqui temo.

GÉNESIS 9:15

huan huajca niquelnamiquis nocamanal cati nijcajqui amohuaya huan inihuaya nochi tamanti tapiyalme. Ayecmo quema huetzis tahuel miyac at campa hueli ica sempa hasta quinpolos nochi tamanti cati itztoque.

SALMOS 105:8

Yaya amo quema quielcahuas nopa camanal sencahuali cati quichijqui, masque tacactiyase masehualme huan ininconehua huan mil hueltas tacatise ininteipan ixhuihua, yaya amo quielcahuas.

ÉXODO 2:23

Huan Moisés panoc miyac xihuit ipan tali Madián, huan nopa tanahuatijquet ten tali Egipto, mijqui. Pero nopa israelitame noja tahuel taijyohuiyayaj huan mocuesohuayayaj pampa tequipanohuayayaj san tapic. Huan talojtzitzi quitajtaniyayaj Toteco Dios ma quinpalehui ipan inintaijyohuilis.

ÉXODO 2:24

Huan Toteco quincajqui. Quena, quinchihuili cuenta pampa amo quielcajqui cati ininca mocajtoya Abraham, Isaac huan Jacob para quinmacas iniixhuihua se tali.

ÉXODO 3:7

huan TOTECO sempa quiijto: ―Niquitztoc quenicatza taijyohuíaj nomasehualhua cati itztoque ipan tali Egipto. Nijcactoc quenicatza chocaj pampa inintayacancahua fiero quinchihuilíaj. Niquintasojta pampa tahuel taijyohuíaj.

ÉXODO 5:4

Pero nopa tanahuatijquet ten tali Egipto quinilhui Moisés huan Aarón: ―¿Para ten anquintequipolohuaj ni tacame? Ma tacuepilica ipan inintequi.

ISAÍAS 63:9

Ipan nochi inintaijyohuilis yaya nojquiya taijyohui, huan yaya iseltitzi quinmaquixti quej elisquía iilhuicac ejca TOTECO. Quinmanahui pampa quinicnelía miyac huan quintasojta, taxtajqui para quincohuas ten campa quinpixtoyaj ilpitoque. Yaya quintanantoc israelitame ipan imax huan quinquechpanojtihualajtoc mojmosta quej ipa quichijtihualajtoc hasta huejcajquiya.

LUCAS 1:54

Miyac techpalehuijtoc tiisraelitame pampa tiitequipanojcahua. Techtasojtatoc huan amo techelcajtoc.

LUCAS 1:72

Quintasojtac tohuejcapan tatahua, huan quielnamijqui nopa camanali tatzejtzeloltic cati quitencahuili Abraham.