ÉXODO 3:4 - Icamanal Toteco

⁴ Huan quema TOTECO quiitac para Moisés monechcahuiyaya para quitachilis, quinojnotzqui tatajco ten nopa xihuitzonti huan quiilhui: ―¡Moisés! ¡Moisés! Huan Moisés quiijto: ―Nica niitztoc.

ÉXODO 3:4 Iomraidhean Croise

GÉNESIS 22:1

Teipa panoc tonali huan Toteco Dios quiyejyeco Abraham para quiitas sinta nelía quineltoquilía. Huan Toteco Dios quiilhui: ―Abraham. Huan Abraham quinanquili: ―Quena, nica niitztoc.

GÉNESIS 22:11

Huan ipan nopa talojtzi, iilhuicac ejca TOTECO quihualnojnotzqui ten nepa ilhuicac: ―¡Abraham! ¡Abraham! Huan Abraham tananquili: ―Nica niitztoc.

GÉNESIS 28:16

Huan quema Jacob isac, moilhui: “Nelía TOTECO itztoc ipan nica huan amo nijmatiyaya.”

GÉNESIS 46:2

Huan nopa tayohua Toteco quicamanalhui Israel ipan se temicti, huan quinojnotzqui ica itoca Jacob. Huan Jacob quinanquili: ―Nica niitztoc, noTeco.

SALMOS 62:11

Nijmati ya ni, pampa miyac huelta Toteco Dios nechilhuijtoc: san yaya quipiya nochi chicahualisti.

ÉXODO 19:3

Huan nopona Moisés tejcoc ipan nopa tepet para mopantis ihuaya Toteco Dios. Huan TOTECO quinojnotzqui Moisés ten nopa tepet huan quiilhui ma quinilhui nopa israelitame ni camanali:

ÉXODO 3:2

Huan nopona iilhuicac ejca TOTECO monexti ipan se tilelemecti cati tatayaya tatajco se xihuitzonti. Huan Moisés quiitac para nopa xihuitzonti lemeniyaya, pero amo tamiyaya.

ÉXODO 33:12

Huan Moisés quiilhui TOTECO: ―Xiquita, techilhuía ma niquinyacana ni israelitame hasta nopa cuali tali, pero amo techilhuía ajquiya tijtitanis nohuaya. Nojquiya tiquijtohua para cuali techixmati huan techcualitztoc.

ÉXODO 4:5

Huan TOTECO quiilhui: ―Quej nopa tijchihuas iniixpa nopa israelitame para ma quineltocaca para na niininTeco amohuejcapan tatahua, Abraham, Isaac huan Jacob nimonextijtoc moixpa para nimitztequimacas.

LEVÍTICO 1:1

TOTECO quinotzqui Moisés ten nopa yoyon tiopamit campa mopantiyayaj huan quiilhui:

HECHOS 10:13

Huan Pedro quicajqui se cati quicamanalhui ten ilhuicac huan quiilhui: “Ximoquetza Pedro, xiquinmicti nopa tapiyalme huan xiquincua.”

HECHOS 10:3

Huan se tonali nechca las tres ica tiotac Cornelio tanemijya quiitac se iilhuicac ejca Toteco ipan se tanextili quej se temicti huan nopa ilhuicac ejquet calajqui ipan nopa cuarto campa Cornelio itztoya huan quiijto: “¡Cornelio!”

HECHOS 9:4

Huan Saulo huetzqui talchi huan quicajqui se cati quicamanalhui huan quiilhui: “Saulo, Saulo, ¿para ten techtaijyohuiltía?”

DEUTERONOMIO 33:16

Ma quiselica nopa cuatacti cati más cuajcuali onca ipan taltipacti. Quena, miyac cati cuali ma quiselica hasta mocahuas. Huan ma quinita ica cuali TOTECO cati monexti nohuaya ipan nopa xihui tzonti cati tatayaya. Nochi ni tatiochihualisti ma huala ipan iixhuihua José, yaya cati quinnahuatiyaya iicnihua huejcajquiya.

1 SAMUEL 3:10

Huan TOTECO hualajqui sempa, huan moquetzqui nopona huan quinojnotzqui quej achtohuiya. Huan quiilhui: ―¡Samuel, Samuel! Huajca Samuel quinanquili: ―TOTECO, techilhui taya tijnequi pampa nimotequipanojca huan nimitzcactoc.

1 SAMUEL 3:4

TOTECO quinojnotzqui Samuel: ―¡Samuel! Huan Samuel tananquili: ―Nica niitztoc.

1 SAMUEL 3:6

Huan TOTECO sempayano quinojnotzqui huan quiijto: ―¡Samuel! Huan Samuel sempa yajqui quiitato Elí huan quiilhui: ―Nica niitztoc. ¿Para ten technotztoc? Huajca Elí quinanquili: ―Na amo nimitznotztoc. Xiya ximotecati sempa.

1 SAMUEL 3:8

Huan TOTECO sempa quinojnotzqui Samuel ica expa, huan Samuel sempa yajqui quiitato Elí huan quiilhui: ―Nica niitztoc. ¿Taya tijnequi ma nijchihua? Huajca Elí quimachili para eliyaya TOTECO cati quinojnotzayaya Samuel,