ÉXODO 24:3 - Icamanal Toteco

³ Huan Moisés yajqui quinpohuilito nopa israelitame nochi cati TOTECO quiijtojtoya huan cati tanahuatijtoya. Huan nochi israelitame ica sempa tananquilijque: ―Nochi cati TOTECO quiijtojtoc, tijchihuase.

ÉXODO 24:3 Iomraidhean Croise

2 CRÓNICAS 15:14

Huan nochi nopa masehualme cati mosentilijtoyaj camanaltique chicahuac huan tatestigojquetzque iixpa TOTECO para quitoquilise san ya. Huan ica paquilisti quipitzque tapitzali huan nochi nopa cuacuajti.

2 CRÓNICAS 15:15

Huan nochi Judá ehuani nelía yolpaquiyayaj por nopa camanali cati quichijtoyaj ica Toteco Dios pampa sese ten inijuanti quichijqui ica nochi iyolo. Ica miyac paquilisti quitemojtoyaj taya ipaquilis TOTECO huan nelía quipantijque. Huan TOTECO quinmacac tasehuilisti ica nochi inincualancaitacahua campa hueli.

SALMOS 50:5

“Xiquinsentilica nomasehualhua cati moiyocacajtoque ten na. Quena, ma hualaca nochi inijuanti cati quichijtoque se camanali nohuaya, quema nechmacaque tacajcahualisti huan quiijtojque para nechtoquilisquíaj.”

ÉXODO 19:8

Huajca nochi nopa israelitame tananquilijque san se: ―Nochi cati TOTECO tanahuatijtoc, tijchihuase. Huajca Moisés yajqui quiilhuito TOTECO cati nopa israelitame tananquilijque,

ÉXODO 24:2

San ta, Moisés, huelis timonechcahuis campa na, niamoTECO, niitztoc. Nopa sequinoc tayacanani amo huelise technechcahuise, huan nopa sequinoc israelitame amo huelis tejcose nica amohuaya.

ÉXODO 24:7

Teipa quicuic nopa amat cati quipixtoya itanahuatil TOTECO, o nopa camanal sencahuali cati TOTECO quichijtoya inihuaya israelitame huan cati monequi quineltocase. Huan quinpohuili nochi nopa amat huan inijuanti quiijtojque: ―Quena, tijneltoquilise TOTECO huan tijchihuase nochi cati yaya techilhuijtoc.

JEREMÍAS 11:4

Pampa quema niquinquixti ipan tali Egipto campa tetequipanohuayayaj san tapic, niquinilhui: Xijtacaquilica nocamanal huan xijchihuaca nochi cati nimechnahuatía. Huan sinta quej nopa antechneltocase nochi amojuanti, anelise annoaxcahua huan na nielis niamoTeco Dios.

JEREMÍAS 34:13

“Quej ni ni ininTECO huan niiniDios israelitame niquijtohua: Na nijchijqui se camanali inihuaya amohuejcapan tatahua quema niquinquixti ipan tali Egipto campa tetequipanohuayayaj san tapic.

HAGEO 2:5

“Quema anquisque ipan tali Egipto, na nimechtajtolcahuili para noTonal mocahuas amohuaya para nochipa. Huajca amo ximajmahuica.

MALAQUÍAS 2:10

Nochi tojuanti tijpiyaj san se totata. Huan setzi Toteco Dios techchijchijqui nochi tojuanti. Huajca ¿para ten timochihuilíaj miyac tamanti cati amo cuali huan tiquixpanoj nopa camanali cati TOTECO quichijqui ica tohuejcapan tatahua?

DEUTERONOMIO 11:1

“Huajca monequi xiquicnelica amoTECO Dios huan mojmosta xijchihuaca nochi nopa tanahuatilme, leyes huan tamachtilisti cati ya amechmacatoc.

DEUTERONOMIO 4:1

Huan teipa Moisés quinilhui nopa israelitame: “Ama nochi amojuanti xijtacaquilica ni tanahuatili huan ni tamachtili cati nimechilhuía para xijtoquilijtiyaca. Sinta anquichihuase ni tamanti, huelis ancalaquise huan anitztose ipan nopa tali cati amechmacas TOTECO, ininDios amohuejcapan tatahua.

DEUTERONOMIO 4:45

huan leyes cati na, niMoisés, niquinmacac nopa israelitame quema quisque ipan tali Egipto. Huan niquinilhui sempa quema itztoyaj nopona,

DEUTERONOMIO 4:5

“Huajca nojquiya ipan nopa tali cati anquiselise monequi anquitoquilijtiyase nopa tanahuatili huan tamachtili cati noTECO Dios technahuatijtoc para nimechmachtis.

DEUTERONOMIO 5:1

Huan Moisés quinnotzqui nochi israelitame ma mosentilica huan quinilhui: “Xijtacaquilica, anisraelitame, ni tanahuatilme huan tamachtilme cati nimechilhuía ama. Monequi xijmatica nochi huan ximomocuitahuica para anquintoquilijtiyase.

DEUTERONOMIO 5:31

huan para na ma nimocahua nopona ihuaya para techilhuis nochi nopa tanahuatilme cati monequi nimechnextilis para anquichihuase ipan nopa cuali tali cati amechmacas para amoaxca. Quej nopa techilhui TOTECO.

DEUTERONOMIO 6:1

“Huajca ya ni nopa tanahuatilme cati amoTECO Dios technahuatijtoc ma nimechnextili para xijchihuaca ipan nopa tali cati anquiselise para amoaxca.

JOSUÉ 24:21

Pero nochi nopa masehualme quinanquilijque Josué: ―¡Amo quema tijchihuase! San TOTECO tijtequipanose.

JOSUÉ 24:22

Huajca Josué quinilhui nochi nopa miyaqui israelitame: ―Huajca ama antestigos para melahuac cati anquiijtojtoque. Anquitestigojquetztoque TOTECO para anquitapejpenijtoque anquitequipanose san ya. ―Tojuanti titestigos ―inijuanti tananquilijque.

JOSUÉ 24:24

Huan nochi nopa israelitame quinanquilijque Josué: ―San TOTECO Dios tijtequipanose huan san yaya tijneltoquilise.