ÉXODO 23:1 - Icamanal Toteco

¹ “Amo xijmoyahuaca se camanali cati amo melahuac ten sequinoc. Amo xijpalehuica se fiero masehuali. Amo xijtestigojquetzaca se tamanti cati amo melahuac por ya.

ÉXODO 23:1 Iomraidhean Croise

GÉNESIS 39:17

Huan quipohuili quej quinpohuilijtoya nopa tequipanohuani huan quiilhui: ―Nopa hebreo cati tijcojqui huan techhualiquili calajqui ipan nocuarto huan quinequiyaya ma nimoteca ihuaya.

2 SAMUEL 16:3

Huan David quiilhui Siba: ―¿Huan canque itztoc Mefi Boset, moteco? Huan Siba quinanquili: ―Mocajqui Jerusalén, pampa quiijto ama huelis mochihuas tanahuatijquet. Huan quej nopa sempa moaxcatis itanahuatilis ihueyi tata.

2 SAMUEL 19:27

Huan ama techistacahuijtoc moixpa pampa mitzilhuijtoc para amo nijnejqui niyas mohuaya, pero amo cana. Pero ta titanahuatijquet, tijmati nochi quej tielisquía tiiilhuicac ejca Toteco Dios. Huajca xijchihua cati tiquita para quinamiqui ica tojuanti.

SALMOS 101:5

Amo niquijyohuis cati quiichtacaejelnamiqui ihuampo. Huan amo aqui nijcahuilis ma mohueyimati huan moyacaquetzas.

SALMOS 120:3

Ma moilhuica nopa istacatini taya ininpantis por iniistacaticayo.

SALMOS 15:3

huan amo tetaijilhuía. Itztoti nepa cati amo quimahuispolohua cati itztoc icalnechca, huan cati amo quinequi quinyolcocos sequinoc.

SALMOS 27:12

Amo techtemactili inimaco quej inijuanti quinequij, pampa ica na motanantoque masehualme cati istacatij huan san quimatij cati más fiero nechchihuilise.

SALMOS 35:11

Motananaj masehualme cati amo cuajcualme huan nechcualancaitaj. Inijuanti quitestigojquetzaj cati amo melahuac, huan nechtaijilhuíaj ica tamanti cati amo nijmati.

ÉXODO 20:16

Amo aqui xiquistacahuica.

ÉXODO 23:7

“Xijtalcahui se cati quinequi quitatelhuis seyoc ica cati amo melahuac. Amo xijcahua ma quimictica se cati amo teno quichijtoc. Pampa na nijtatzacuiltis nojquiya yaya cati quicahuas se acajya ma quimicti se masehuali cati xitahuac.

PROVERBIOS 10:18

Se cati tecualancaita huan mochihua quej teicnelía, yaya se istacatiquet. Huan se cati tetaijilhuía nelía huihuitic.

PROVERBIOS 12:17

Se testigo cati quiijtohua nochi cati senquisa melahuac, quichihua cati xitahuac. Pero se testigo cati istacati quichihua pampa quinequi tacajcayahuas.

PROVERBIOS 14:5

Se testigo cati temachti amo quema istacati, pero se testigo cati quipactía tacajcayahua, mojmosta istacati.

PROVERBIOS 17:4

Amo cuajcualme huan istacatini quitacaquilíaj camanali cati fiero. Quichihuilíaj cuenta inincamanal masehualme cati quinequij quintzontamiltise sequinoc.

PROVERBIOS 19:28

Nopa testigo cati istacati iixpa se juez quinhuetzquilía cati quinequij tetajtolsencahuase xitahuac. Nochi cati quiijtohuaj amo cuajcualme eltoc fiero.

PROVERBIOS 19:5

Se testigo cati san tacajcayahua quiselis itatzacuiltilis, huan cati istacatij iixpa se juez amo huelise momanahuise.

PROVERBIOS 19:9

Se testigo cati quiijtohua cati amo melahuac iixpa se juez quiselis se tatzacuiltili. Huan cati istacati mocuapolos para nochipa.

PROVERBIOS 21:28

Se testigo cati istacati iixpa se juez quinamiqui miquis. Pero se testigo cati quitacaquilía cuali ten quitatzintoquilíaj huejcahuas itztos pampa quiijtohua cati xitahuac.

PROVERBIOS 24:28

Amo ximochihua se testigo para tiquijtos cati amo melahuac ten mocalnechca cati xitahuac nemi. Amo xitacajcayahua huan xiistacati ten seyoc.

PROVERBIOS 25:18

Se cati quiistacahuía seyoc masehuali nelía quitaijyohuiltía. Quicocohua quej se martillo, o se cuchillo o se macheta cati tahuel tatequi.

PROVERBIOS 25:23

Temachti se ajacat cati huala ica norte quihualica at, huan nojquiya temachti se cati camanalti fiero quiyoliltía cualanti.

PROVERBIOS 6:19

se cati moquetza quej se testigo huan quiistacahuía cati amo teno quichijtoc; se cati quipehualtía cualanti ica icnime. Nochi ya ni TOTECO amo quinequi quiitas.

JEREMÍAS 20:10

Campa hueli nijcaqui para masehualme techejelnamiquij huan tahuel onca majmajti campa hueli. Quiijtohuaj para techtatelhuise. Hasta nopa masehualme cati eliyayaj nohuampoyohua techtajtachilíaj pampa quinequij quiitase para nijchihua se tenijqui para huelis techtatelhuise. Huan quiijtohuaj: “Tiquitase sinta se hueli quicajcayahuas huan tiquitzquise huan tijtacuepilise.”

LEVÍTICO 19:11

“Amo xitachtequica. Amo ximocajcayahuaca. Amo ximoistacahuica se ica seyoc.

LEVÍTICO 19:16

“Amo xiquejelnamiqui se masehuali iniixpa sequinoc ichampoyohua quema yaya amo aqui. “Amo xijtatelhui se masehuali ica se tamanti cati amo melahuac pampa tijnequi ma miqui. Na niamoTECO cati nimechilhuía.

MATEO 19:18

Huan nopa tacat quitatzintoquili: ―¿Catijqui itanahuatilhua Toteco monequi niquinchihuas? Huan Jesús quiilhui: ―Amo xitemicti, amo ximomecati, amo xitachtequi, amo aqui xiquistacahui.

LUCAS 19:8

Huan teipa Zaqueo moquetzqui iniixpa nochi huan quiilhui Tohueyiteco: ―Tohueyiteco, amantzi nimoyolpatatoc. Nipehuas niquinmacas tajco cati nijpiya ica inijuanti cati teicneltzitzi. Huan ica nochi cati niquincajcayajtoc huan niquinquixtili miyac tomi, niquincuepilis najpa imiyaca cati niquinquixtili.

LUCAS 3:14

Huan hualajtoyaj sequij soldados cati quitatzintoquilijque: ―Huan tojuanti, ¿taya monequi tijchihuase? Huajca Juan quinilhui: ―Amo xiquinchihualtica masehualme ma amechtamajmacaca. Amo aqui xijtelhuica ica cati amo nelía melahuac huan xipaquica san ica cati anquitanij.

JUAN 7:51

―Totanahuatilhua amo techcahuilíaj ma tijtatzacuiltica se tacat sinta amo tijcaquise cati quiijtohua para tijmatise sinta nelía quipiya tajtacoli.

ROMANOS 3:8

Pero amo cana. Aqui moilhuía quej nopa nelía huihuitic. Huelis yaya nojquiya quiijtos ma titajtacolchihuaca noja más para ma nesi noja más cuali Toteco Dios. Huan sequij tacame cati istacatij huan techtaijilhuíaj, quiijtohuaj nitamachtía ya nopa. Quinamiqui para masehualme cati camanaltij quej nopa ma quiselica nopa tatzacuiltilisti cati quinchiya.

EFESIOS 4:25

Huajca ayecmo ximoistacahuica. Xiquincamanalhuica sequinoc ica camanali cati melahuac pampa sesen ten tojuanti tiitztoque quej tipartes ipan san se totacayo ipan Cristo.

DEUTERONOMIO 5:20

Amo aqui xiquistacahuica.

2 TIMOTEO 3:3

Amo teicnelise. Amo tetasojtase. San teejelnamiquise, ayecmo huelise monahuatise huan yeca quichihuase san cati quinequise. Tetaijyohuiltise ica paquilisti, huan quicualancaitase nochi tamanti cati cuali.

1 PEDRO 3:16

Xijpiyaca amoyolo ica nochi masehualme, huan quej nopa inijuanti cati amechtaijilhuíaj pinahuase, pampa quiitase para cuali amonemilis pampa anquitoquilíaj Cristo.

APOCALIPSIS 12:10

Huan nijcajqui se cati tzajtziyaya chicahuac ten ilhuicac huan quiijtohuayaya: “Ya mochijtoc. Toteco ya quinmaquixtijtoc imasehualhua. Ya nestoc ichicahualis Toteco Dios huan nelía cuajcualtzi nochi campa yaya tanahuatía. Ya nesqui itequiticayo Cristo yaya cati quitapejpenijtoya Toteco, pampa ya quicuamajcajtoque tatzinta nopa Amocualtacat cati quintatelhuiyaya toicnihua. Yaya elqui cati quintatelhuiyaya toicnihua iixpa Toteco tayohua huan tonaya.