ÉXODO 2:23 - Icamanal Toteco

²³ Huan Moisés panoc miyac xihuit ipan tali Madián, huan nopa tanahuatijquet ten tali Egipto, mijqui. Pero nopa israelitame noja tahuel taijyohuiyayaj huan mocuesohuayayaj pampa tequipanohuayayaj san tapic. Huan talojtzitzi quitajtaniyayaj Toteco Dios ma quinpalehui ipan inintaijyohuilis.

ÉXODO 2:23 Iomraidhean Croise

GÉNESIS 16:11

Ya ticonecuitoc huan tijpiyas se oquichpil huan tijtocaxtis Ismael, pampa TOTECO quicajqui quema timocuesohuayaya. (Ismael quinequi quiijtos TOTECO Tacaqui.)

GÉNESIS 4:10

Huan TOTECO quiilhui: ―¿Para ten tijchijtoc ya ni? Tijmicti moicni huan ieso tijtoyajtoc ipan tali. Huan ama eltoc quej ieso techtajtanía chicahuac ma nimitztatzacuilti.

NEHEMÍAS 9:9

“Ta tiquitac quenicatza taijyohuiyayaj tohuejcapan tatahua ipan tali Egipto. Tijcajqui quema mitztajtanijque tapalehuili iteno nopa Hueyi At Chichiltic.

JOB 35:9

“Teicneltzitzi tzajtzij quema taijyohuíaj inimaco masehualme cati quipiyaj más chicahualisti. Quitemohuaj se acajya ma quinmanahui.

SALMOS 102:1

¡TOTECO, techtacaquili quema nimotatajtía! Xijchihuili cuenta nocamanal quema nimitztzajtzilía para techpalehui.

SALMOS 102:2

Amo ximohuejcatali ten na ipan nopa hora quema nitaijyohuía. ¡Ximohuijtzoma para techtacaquilis huan nimantzi technanquili quema nimitznotza!

SALMOS 12:5

Pero quej ni quiijtojtoc TOTECO: “Inijuanti cati teicneltzitzi huan cati amo quipiyaj fuerza nechtzajtzilíaj por nopa fiero masehualme cati quintaijyohuiltíaj. Yeca ama nimotananas para niquinpalehuis. Niquinmaquixtis inimaco cati quincualancaitaj.”

SALMOS 18:6

Pero quema más nimotequipachohuayaya, nijnotzqui TOTECO. Nijtajtani ma nechpalehui noTeco Dios. Huan yaya nechtacaquili hasta nepa ipan ilhuicac. Quena, quichihuili cuenta cati niquilhui.

ÉXODO 1:14

Tahuel amo quinpatiitayayaj. San quintequihuiyayaj chicahuac huan quintaijyohuiltiyayaj miyac. Quinchihualtijque ma quicualtalica soquit huan ma quichihuaca ladrillos huan miyac tamanti miltequit. Huan quema tahuel taijyohuiyayaj nopa israelitame ipan nochi ni tequit, noja más nopa egiptome quinchihuilijque ten fiero.

ÉXODO 4:19

TOTECO quiilhui Moisés quema noja itztoya ipan tali Madián: ―Amo ximajmahui para titacuepilis ipan tali Egipto, pampa ya mijque nochi cati quinequiyayaj mitzmictise.

ÉXODO 6:5

Huan na nijcactoc quenicatza chocaj nopa israelitame pampa nopa egiptome quintequipanoltíaj tahuel chicahuac huan amo niquelcajtoc cati niquintencahuilijtoc.

ÉXODO 6:9

Huajca Moisés quinpohuili israelitame nochi ya ni, pero amo quitacaquilijque pampa mocuesohuayayaj ica inintequi cati tahuel chicahuac.

ÉXODO 7:7

Huan Moisés quipiyayaya 80 xihuit huan Aarón 83 xihuit quema camanaltique ihuaya Faraón.

ISAÍAS 19:20

Huan ya ni eltos quej se tanextili cati tenextilis para TOTECO Cati Quinyacana Iilhuicac Ejcahua Ma Tatanitij itztoc ipan tali Egipto. Huan quema masehualme quintaijyohuiltise, Egipto ehuani quitzajtzilise TOTECO, huan yaya quintitanilis se temaquixtijquet; se cati itztoc hueyi para quinmanahuis.

ISAÍAS 5:7

Nopa xocomeca mili quinnextía israelitame, huan inijuanti iaxcahua TOTECO Cati Quinyacana Iilhuicac Ejcahua Ma Tatanitij. Tali Judá huan altepet Jerusalén eltoc nopa yejyectzitzi talme cati iaxca TOTECO. Huan nopa masehualme eltoc nopa xocomeca tzonti cati nelía cuajcualtzi. Quichiyayaya nopa masehualme ten nopa talme ma quichihuaca cati xitahuac huan cuali, pero quicajqui tzajtziyayaj chicahuac nopa masehualme cati quintaijyohuiltiyayaj. Huan quinitac para senquisa temictiyayaj.

NÚMEROS 20:16

Pero quema tijtzajtzilijque TOTECO ma techpalehui, techtacaquili huan techtitanili se iilhuicac ejca, huan techquixti ipan nopa tali Egipto. “Huan ama nica tiitztoque ipan Cades, se altepet campa monepantía ica motal.

HECHOS 7:30

“Huan quema Moisés quipixtoya cuarenta xihuit ipan tali Madián, se tonali nejnemiyaya ipan nopa huactoc tali nechca nopa tepet cati itoca Sinaí. Huan monexti se ilhuicac ejquet iixpa ipan itilelemecyo se tit ipan se xihuitzonti cati tatayaya.

DEUTERONOMIO 24:15

Xijtaxtahuica se teicneltzi mojmosta quema ayemo oncalaqui tonati pampa yaya teicneltzi huan quimonequilía nopa tomi para ica mopanoltis. Pampa sinta amo, huelis yaya quitzajtzilis TOTECO huan quiilhuis cati anquichijtoque huan TOTECO quiitas para antajtacolchijtoque.

SANTIAGO 5:4

Xijtacaquilica antominpiyani, amo ajsitoc anquintaxtahuijtoque cati amechpalehuijtoque para anpixcase ipan amomil. San anquincajcayajtoque. Huajca ama inijuanti amechtelhuíaj iixpa Toteco Cati Quipiya Nochi Chicahualisti.

JUECES 4:3

Huan Tanahuatijquet Jabín chicahuac quintaijyohuiltijtoya nopa israelitame para 20 xihuit huan quinpiyayaya 900 tepos carrojme para ica tatehuise. Huajca nopa israelitame quitzajtzilijque TOTECO para ma quinpalehui.

1 SAMUEL 12:8

Quema Jacob huan ichaj ehuani yajque tali Egipto huan nopa egiptome quintaijyohuiltiyayaj, tohuejcapan tatahua quitajtanijque TOTECO para ma quinpalehui. Huajca TOTECO quintitanili Moisés huan Aarón, huan quinquixtijque tohuejcapan tatahua ipan tali Egipto huan quinhualicaque nica ipan ni tali.

1 SAMUEL 9:16

“Mosta ipan ni hora nimitztitanilis se tacat cati ehua ipan tali Benjamín. Yaya cati ticajaltis para elis inintanahuatijca nomasehualhua nopa israelitame. Huan quinmanahuis israelitame inimaco nopa filisteos, pampa niquintachilijtoc quenicatza taijyohuíaj nomasehualhua huan niquincactoc quenicatza techtajtaníaj tapalehuili huan yeca niquintasojtatoc.”