ÉXODO 2:11 - Icamanal Toteco

¹¹ Se tonali quema Moisés ya motacachijtoya, quisqui para quinpaxaloti nopa hebreos pampa quimatqui para quipiyayaya san se esti ica inijuanti huan quiitac para nelohui inintequi. Huan quiitac se tacat Egipto ejquet quihuitequiyaya se tacat hebreo huan quitasojtac, pampa eliyaya san se inieso.

ÉXODO 2:11 Iomraidhean Croise

ÉXODO 1:11

Huan yeca nopa egiptome quintalijque tacame cati tetique para ma quinchihualtica israelitame ma tequitica tahuel chicahuac. Quinchihualtijque ma quichijchihuaca nopa altepet Pitón huan Ramesés para nopa hueyi tanahuatijquet Faraón. Huan quintequihuijque nopa altepeme para ipan quiajocuise tacualisti.

ÉXODO 3:7

huan TOTECO sempa quiijto: ―Niquitztoc quenicatza taijyohuíaj nomasehualhua cati itztoque ipan tali Egipto. Nijcactoc quenicatza chocaj pampa inintayacancahua fiero quinchihuilíaj. Niquintasojta pampa tahuel taijyohuíaj.

ÉXODO 5:4

Pero nopa tanahuatijquet ten tali Egipto quinilhui Moisés huan Aarón: ―¿Para ten anquintequipolohuaj ni tacame? Ma tacuepilica ipan inintequi.

ÉXODO 5:5

Huan nojquiya nopa Faraón quinilhui: ―Ama itztoque tahuel miyaqui israelitame ipan ni tali, huan san anquintequipolohuaj.

ÉXODO 5:9

Huajca xiquinchihualtica ma tequitica más chicahuac nopa tacame. Xiquintequihuica para ma amo quitacaquilica ni istacatili cati Moisés huan Aarón quinilhuíaj.

ÉXODO 6:6

Ama xiquinilhui nochi israelitame para na niamoTECO niquinmaquixtis ten inintequi cati tahuel ohui ipan ni tali Egipto. Quena, ica na nochicahualis huan ica huejhueyi tanextili, niquinmanahuis. Pampa nijchihuas huejhueyi tanextili para niquintatzacuiltis nopa egiptome pampa quej nopa xitahuac.

ÉXODO 6:7

Huan xiquinilhuiti na nimoaxcatis nopa israelitame huan elise nomasehualhua. Huan na nielis niininTeco. Quej nopa quimatise para na niininTeco Dios cati niquinmocuitahuía, huan na cati niquinquixtis ten nopa tequit cati tahuel etic ipan ni tali Egipto.

ISAÍAS 58:6

“¿Amo anquimatij taya nijnequi xijchihuaca quema anmosahuaj? Na nijnequi xiquintojtomaca cati ilpitoque huan amo teno quichijtoque. Ayecmo xiquintaijyohuiltica amotequipanojcahua. Xiquinchihuilica cati xitahuac huan xiquinmacaca inintaxtahuil.

MATEO 11:28

Xihualaca campa na nochi amojuanti cati ansiyahuij huan antamamajtiyahuij etic, huan na nimechquixtilis amotamamal para ximosiyajquetzaca.

LUCAS 4:18

“Itonal Toteco itztoc ipan na, pampa Toteco nechtequimacatoc para ma niquinilhui masehualme cati teicneltzitzi icamanal Toteco. Nechtitantoc ma niquinchicahua masehualme cati mocuesohuaj, huan para ma niquinyolmelahua masehualme cati Amocualtacat quinilpitoc para nihueli niquintojtomas. Nechtequimacac para niquinchicahuas popoyotzitzi para huelise tachiyase. Huan niquintojtomas nochi cati taijyohuíaj inimaco cati quintaijyohuiltíaj.