ÉXODO 18:4 - Icamanal Toteco

⁴ Huan nopa seyoc icone itoca eliyaya Eliezer. (Eliezer quinequi quiijtos Toteco Dios Yaya Notapalehuijca.) Quej nopa quitocaxti pampa quiijtojtoya: “Toteco Dios cati notata quitoquili hualajqui techpalehuico huan techmaquixti ten imacheta Faraón.”

ÉXODO 18:4 Iomraidhean Croise

GÉNESIS 49:25

Quena, ma amechpalehui ininTeco mohuejcapan tatahua. Ma amechtiochihua ta huan amoteipan ixhuihua yaya Toteco Dios cati quipiya nochi chicahualisti. Ma quintiochihuas moteipan ixhuihua ica miyac tatiochihualisti quej at cati huala ten huejcapa ipan ilhuicac, huan cati huala huejcata ipan hueyi at huan quichihuas ma moscaltis amomilhua. Ma mitztiochihuas ta huan moteipan ixhuihua huan mosihuajhua. Ma amechmacas miyac amoconehua cati moscaltise cuali. Ma tahuel momiyaquilica amotapiyalhua.

1 CRÓNICAS 23:15

Huan iconehua Moisés inintoca eliyaya Gersón huan Eliezer.

1 CRÓNICAS 23:17

Huan Eliezer quipixqui setzi icone cati itoca Rehabías. Huan Rehabías eliyaya tayacanquet ipan ifamilia cati teipa tacatqui pampa quinpiyayaya miyac iconehua.

SALMOS 18:1

Nimitzicnelía, TOTECO. Na niitztoc momaco.

SALMOS 18:48

Yaya nechmanahuía ten nocualancaitacahua huan nechhueyitalía iniixpa cati nechcualancaitaj. TOTECO, ta techmaquixtijtoc inimaco nopa tatehuijca masehualme,

SALMOS 34:4

Nijtzajtzili TOTECO ma nechpalehuiqui, huan yaya nechtacaquili huan nechmanahui ten nochi cati nechmajmatiyaya.

SALMOS 46:1

Toteco Dios ya totamanahuijca huan tochicahualis. Nimantzi techpalehuía quema onca taohuijcayot.

ÉXODO 10:28

Nojquiya Faraón quiilhui Moisés: ―Techtalcahui huan ximomocuitahui para ayecmo techixtachiliqui sempa. Ipan nopa tonali quema timonextiqui noixpa, timiquis.

ÉXODO 2:15

Huan quema Faraón quimatqui para Moisés quimictijtoya se tacat Egipto ejquet, tatitanqui ma quitemotij para quimictis, pero Moisés cholojtejqui huan yajqui itztoti ipan tali Madián. Huan quema ajsito nepa mosehuito nechca se ameli.

ÉXODO 2:22

Huan teipa Séfora quipixqui icone huan Moisés quitocaxti Gersón. (Gersón quinequi quiijtos Seyoc Tali Ejquet.) Pampa quiijto: “Ama na niseyoc tali ejquet ipan ni tali cati amo niquixmati.”

ÉXODO 4:20

Huajca Moisés quicuitejqui isihua huan icone huan quinsehuilti ipan se burro huan mocuetqui ipan tali Egipto. Huan ipan imax quihuicayaya nopa cuatopili cati Toteco Dios quimacac.

Daniel 6:22

Quena, noDios quititanqui iilhuicac ejca huan quincamatzajqui ni tecuanime para ma amo techcococa pampa quimati para amo nijpiya tajtacoli ica ya huan amo teno amo cuali nijchijtoc ica ta.

HECHOS 12:11

Huajca Pedro quimachili cati panotoya, huan moilhui: “Nelía, Tohueyiteco quititanqui iilhuicac ejca para ma nechmanahui para amo teno nechchihuilis Tanahuatijquet Herodes huan nopa israelitame cati quichiyayayaj nechmictise.”

HECHOS 7:29

Huan quema Moisés quicajqui cati nopa tacat quiijto, cholojtejqui tahuel huejca hasta tali Madián. Mocajqui ipan nopa tali quej se sejcoyoc ejquet, huan mosihuajti huan nopona tacatque ome iconehua.

2 TIMOTEO 4:17

Pero Toteco, quena, yaya itztoya nohuaya huan nechmacac chicahualisti para cuali ma nitepohuili icamanal huan quicajque miyac masehualme cati amo israelitame. Huan Toteco nechmanahui quema tacame quinequiyayaj nechmictise.

HEBREOS 11:34

Huan quema quinmictisnequiyayaj ipan tit xahuantoc, nopa tit sehuiyaya. Quema nechca itztoyaj para miquise sequij ica macheta, Toteco quinmanahui. Quema ayecmo quipiyayayaj fuerza, Toteco quinmacac tetili. Quipixque chicahualisti ipan tatehuilisti huan tatanque, huan quinquixtijque miyac soldados cati huejca ehuani.

HEBREOS 13:6

Huajca ica miyac paquilisti sesen ten tojuanti hueli quiijtos: “Toteco nechpalehuía. Amo niquimacasis cati masehualme hueli nechchihuilise.”