ÉXODO 15:9 - Icamanal Toteco

⁹ Tocualancaitacahua mohueyimatque huan quiijtojque: ‘Tiquintoquilise hasta tiquinajsitij, huan tiquinquixtilise nochi cati quipiyaj, huan timochihuase titominpiyani ica cati iniaxca. Teipa tijquixtise tomacheta huan tiquintzontamiltise ica tomax.’ Quej nopa moilhuijque.

ÉXODO 15:9 Iomraidhean Croise

GÉNESIS 49:27

Ta tiBenjamín, moteipan ixhuihua tatanise quej se tepechichi. Ica ijnaloc quicuase cati quimictijtoque, huan hasta tiotac quipiyase cati mocajtoc para temajmacase.”

2 SAMUEL 22:38

Niquintoquili nocualancaitacahua, huan niquintzontamilti. Amo nitacuepili hasta nochi niquinmicti.

1 REYES 19:2

Huajca Jezabel quinahuati se tayolmelajquet ma quiilhuiti Elías: “Ma techmictica nopa dioses sinta para mosta ipan ni hora amo nimitzmictijtoc, ta tiElías, quej tiquinmicti itajtolpanextijcahua Baal.”

1 REYES 20:10

Huan Ben Adad tanahuati ma quiilhuiti Acab: “Na nitatestigojquetza para ma techmictica nopa dioses sinta amo nijtamisosolos altepet Samaria hasta amo mocahuas yon se tamojtzoli ten taltepocti para niquinmacas notequipanojcahua para quielnamiquise nopa altepet.”

ÉXODO 14:5

Huajca quema nopa tanahuatijquet ten tali Egipto quicajqui para nopa israelitame cholojtoyaj, yaya inihuaya cati quipalehuiyayaj moyolcuetque, huan moilhuijque: “¿Para ten tiquincahuilijque ma yaca nopa israelitame huan ayecmo ma techtequipanoca?”

PROVERBIOS 16:19

Más cuali timoechcapantalis huan tiitztos inihuaya teicneltzitzi, huan amo timochihuas titominpiya ica tamanti tachtecti inihuaya cati mohueyimatij.

ISAÍAS 36:20

Huajca ten nochi dioses cati onca ipan ni talme ¿catijqui quimanahuijtoc ital ten na nomaco? ¡Yon se! Huajca ¿anmoilhuíaj amoTECO huelis quimanahuis altepet Jerusalén nomaco?”

ISAÍAS 53:12

Yeca na nijmacas tatepanitacayot quej quinamiqui se cati quipiya hueyi tequiticayot huan cati quipiya miyac chicahualisti. Yaya motemacac hasta mijqui pero nochi quiitayayaj quej elisquía se tajtacolchijquet. Pero yaya quihuicac ipani inintajtacolhua miyac tajtacolchijca masehualme huan motatajti ica TOTECO para ma quintapojpolhui.

JEREMÍAS 46:17

“Xijpataca itoca nopa Faraón cati itoca Hofra huan xijtocaxtica: ‘Nopa tacat cati camanalti hueyi, pero amo quipiya chicahualisti.’

HABACUC 3:14

Ica inijuanti inintepos, tiquinmictía nopa tatehuiani cati hualayayaj quej se hueyi ajcomalacat para techsemanase tiisraelitame. Moilhuiyayaj amo ohui techtzontamiltise.

LUCAS 11:22

hasta quema hualas se quej na cati más tetic que ya huan quitanis. Huajca quena, huelis quicuilis nochi itepos ipan cati motemachía, huan huelis quihuicas nochi cati iaxca para quixelos ica sequinoc.

JUECES 5:30

‘Huelis miyac tamanti mocuilijque quema tatanque, huan ama nochi moxejxelhuilíaj. Huelis sesen soldado quiselis se o ome ichpocame huan elis iaxca Sísara nopa yoyomit cati más yejyectzi ica miyac colores. Huelis techhualiquilis miyac tamanti cati yejyectzi tajtzonti. Huan cati más yejyectzi taijilpili mocahuas para iquechta ya.’

1 SAMUEL 30:8

Huan David quitatzintoquili TOTECO: ―¿Tijnequi ma niquintoquili ni tachtequini? Huan sinta niquintoquilis, ¿huelis niquinajsiti? Huan TOTECO quiilhui: ―Quena, xiquintoquili pampa quena, tiquinajsiti huan tiquinmanahuis nochi cati quinhuicatoque.