ÉXODO 15:8 - Icamanal Toteco

⁸ Chicahuac tiquilpitzqui nopa hueyi at, huan nopa at motajcoitac. Nopa hueyi at motananqui huan moquetzqui oncac, quej moquetzaj ome huejcapantique tepame. Nopa hueyi at cati huejcata motetictali.

ÉXODO 15:8 Iomraidhean Croise

2 SAMUEL 22:16

Quema yaya tailpitzqui ica cualanti, quixejxelo nopa hueyi at cati tahuel huejcata, huan nopa ojme cati eltoc atatzinta monexti. Huan nesqui tanemijya nochi itzinpehualtil ni taltipacti, pampa TOTECO teajhuac chicahuac.

JOB 4:9

Pampa quema Toteco Dios cualani, yaya quintzontamiltía ica iijyoyo.

SALMOS 33:7

Yaya quisejcotili nochi at cati eltoc ipan hueyi at. Quiajojqui nopa at campa más tahuejcata.

SALMOS 78:13

Quitajcoxelo nopa hueyi at huan quichijqui ma panoca. Ipan ome lados nopa at moquetzqui quej tepamit.

ÉXODO 14:29

Pero nopa israelitame ya quiixcotontoyaj nopa hueyi at ipan se ojti huactoc tatajco campa nopa at moquetztoya quej ome tepamit ten at, se ipan ininejmat huan se ipan iniarraves.

ISAÍAS 11:4

Yaya quintajtolsencahuas xitahuac cati teicneltzitzi huan quinmanahuis cati sempajantzitzi ipan nopa tali. Quema tanahuatis ica icuatopil imaco, quintatzacuiltis amo cuajcualme huan quinmictis ica iijyoyo.

ISAÍAS 37:7

Xiquitaca, na nijchihuas para tacame ma hualaca ten tali Asiria huan quiyolmelahuaquij nopa tanahuatijquet para nimantzi ma mocuepa ipan ital pampa tahuel monequi nepa. Pero quema ajsiti ipan ital, nepa quimictise ica macheta.’ ”

HABACUC 3:10

Nopa tepeme huihuipicaj quema mitzitaj, huan huetzi ten ilhuicac tahuel miyac at. Tejco nopa at cati eltoc tatzinta tali ipan nopa huejhueyi at. Nelía caquisti quej se cati tzajtzi chicahuac huan eltoc quej nopa at momatanana moixpa.

HABACUC 3:15

Tinejnenqui ipan hueyi at ica mocahuayojhua. Huan nopa at tijmontono ipan sesen lado.

2 TESALONICENSES 2:8

huan huajca quena, mopanextis nopa tajtacol tacat cati amo quitepanita yon se tanahuatili. Huan teipa, quema ajsis Tohueyiteco cati tahuel quipiya chicahualisti, nimantzi quimictis nopa tajtacol tacat san ica iijyoyo. Quena, Tohueyiteco quitzontamiltis ica itatanex cati monextis quema hualas.

JOSUÉ 3:13

Huan quema calaquis atita iniicxi nopa totajtzitzi cati quihuicaj icaxa TOTECO huan inijuanti moquetzase ipan nopa hueyat, ipan nopa talojtzi nopa at moxelos. Huan nopa at cati huala ica huejcapa ayecmo motalos. San mosejcotilis huan mochihuas se tamontomit pampa nopa caxa iaxca TOTECO, yaya cati quinahuatía nochi taltipacti.”

JOSUÉ 3:16

nopa at cati hualayaya ica huejcapa ayecmo motalo. San sejco momanqui nopa at hasta nesiyaya huejcapantic quej se hueyi tepamit. Momanqui nopa at huejca ten nopa israelitame. Momanqui nopona nechca altepet Adam huan ajsic hasta altepet Saretán. Huan nopa at cati quinpanoc huan temoyaya para hueyi at cati itoca Mictoc temotiyajqui hasta ayecmo nesqui. Quej nopa moxelo nopa at ipan hueyat Jordán, huan nopa israelitame quiixcotonque iixmelac altepet Jericó.