ÉXODO 15:5 - Icamanal Toteco

⁵ Huetzque hasta atatzinta quej teme. Huan nopa at cati huejcata quinatzonpolihuilti.

ÉXODO 15:5 Iomraidhean Croise

NEHEMÍAS 9:11

Tijxelo nopa hueyi at iniixpa huan nochi israelitame panoque tatajco hueyi at ipan tali huactoc. Huan nochi inincualancaitacahua tiquinmajcajqui campa más huejcata quej quiisahuíaj se tet huan yahui hasta atzinta huan nopona mocahua.

SALMOS 106:11

Huan nopa at quinatzonpolihuilti inincualancaitacahua hasta amo mocajqui yon se cati amo mijqui.

ÉXODO 14:28

Huan quema nopa at mocuetqui campa ipa eltoya, quinatzonpolihuilti nochi nopa soldados, carrojme huan cahuayojme cati calactoyaj ipan hueyi at para quintoquilise israelitame. Yon se ten isoldados Faraón amo mocajqui yoltoc.

ÉXODO 15:10

Pero ta, TOTECO, titailpitzqui, huan nopa hueyi at quintolo. Misahuijque quej teposti ipan at cati huejcata.

ÉXODO 15:16

Hueyi majmajti quinajsis. Quena, quinamiqui ma majmahuica. Tocualancaitacahua ayecmo techtehuise, san majmahuise ica mohueyi chicahualis, TOTECO, huan mocahuase quej teme. Tojuanti cati techcojtoc para timoaxcahua tijpanoque nopa at ica temachili. Inijuanti amo teno huelqui techchihuilise pampa ta techmanahui.

PROVERBIOS 8:24

Ya quipixqui talnamiquilisti quema ayemo oncayaya hueyi at ipan taltipacti, yon quema ayemo oncayaya amelme ica nochi inia.

EZEQUIEL 27:34

Pero ama hualajtoque inijuanti cati quitamisosolojtoque nopa altepet, huan huetztoc nopa altepet quej se hueyi barco cati atzonpolijtoc, hasta tatzinta ten nopa hueyi at. Nochi cati tanamacayayaj huan nopa tacame cati nopona tequitiyayaj ya polijtoque nojquiya.

JONÁS 2:2

huan quiijto: “Quema nitaijyohuiyaya, nimitztzajtzili, noTECO, huan ta technanquili huan techpalehui. Quema nechca eltoya para nimiquis, nimitznojnotzqui huan techtacaquili.

MIQUEAS 7:19

Sempa tijpiyas hueyi moyolo ica tojuanti huan tijtaltocas totaixpanolhua. Quena, TOTECO, ticatzonpolihuiltis nochi totajtacolhua campa más huejcata ipan hueyi at.

MATEO 18:6

“Huan Toteco tahuel quitatzacuiltis cati quichihuas se conet ma ayecmo nechneltoca. Más cuali elisquía sinta quema ayemo quichihua nopa hueyi tajtacoli, moilpilisquía se metat ipan iquechcuayo huan moisahuiltiti ipan hueyi at.

APOCALIPSIS 18:21

Huan teipa se ilhuicac ejquet cati quipixqui miyac chicahualisti quicuic se hueyi tet quej se hueyi metat huan quimajcajqui ipan hueyi at. Huan yaya tzajtzic huan quiijto: “Quej ayecmo nesi ni tet cati nijcuamajcajtoc ipan hueyi at, ayecmo nesis nopa hueyi altepet Babilonia pampa Toteco quisosolos huan ayecmo quema aqui quiitas.