ÉXODO 15:3 - Icamanal Toteco

³ TOTECO ya nopa tatehuijquet cati más quipiya chicahualisti. Quena, TOTECO, ya nopa itoca.

ÉXODO 15:3 Iomraidhean Croise

SALMOS 24:8

¿Ta tijmati ajquiya nopa hueyi tanahuatijquet cati quinahuatía nochi ilhuicacti huan taltipacti? Yaya TOTECO cati quipiya fuerza huan hueyi ichicahualis. Yaya TOTECO cati tatantinemi ipan nochi tatehuilisti.

SALMOS 45:3

Ximocualtalili momacheta para titatehuis, ta cati nelía amo timajmahui. Nelía tinesi ticuajcualtzi pampa ta titanahuatijquet cati más hueyi.

SALMOS 83:18

Quena, xiquinchihuili ya nopa hasta quimachilise para san ta tiTOTECO, huan para ta tiDios Cati Más Hueyi huan para san ta tijnahuatía nochi taltipacti.

ÉXODO 14:14

Yon amo monequi antatehuise, TOTECO tatehuis por tojuanti.

ÉXODO 14:25

Huan quinquixtili nopa tepos yahuali cati ipan nemiyayaj inintatehuijca carrojhua para ma ayecmo huelica quihuicase inincarrojhua. Huajca nopa egiptome quiijtojque: ―Ma timochololtica ten ni israelitame, pampa DIOS, ininTECO techtehuía huan quinmanahuía.

ÉXODO 3:13

Pero Moisés quinanquili: ―Pero sinta niyas huan niquinilhuis nopa israelitame para yaya cati ininTeco inihuejcapan tatahua techtitantoc campa inijuanti, techtatzintoquilise quenicatza motoca, huajca, ¿taya niquinilhuis?

ÉXODO 3:14

Huan Toteco Dios quinanquili: ―NA NIITZTOC CATI NOCHIPA NIITZTOC. Huan tiquinilhuis nopa israelitame: Yaya cati itoca YAYA CATI NOCHIPA ITZTOC techtitantoc campa amojuanti.

ÉXODO 3:15

Huan nojquiya Toteco Dios quiilhui Moisés: ―Nojquiya xiquinilhui nopa israelitame para na cati niininTECO amohuejcapan tatahua, Abraham, Isaac huan Jacob, mitztitantoc campa inijuanti. Xiquinilhui ya ni elis notoca para nochipa. Ya ni nochipa eliyaya notoca huan nochipa elis notoca. Ica ni notoca techtocaxtise para nochipa nochi masehualme cati tacajtiyase.

ISAÍAS 42:13

TOTECO hualas quej se hueyi tatehuijquet cati tahuel quipiya chicahualisti. Hualas ica ihueyi cualancayo para quintzontamiltis icualancaitacahua. Tzajtzis chicahuac para teyolmelahuas ya pehuas tatehuilisti. Quinextis ichicahualis ipan icualancaitacahua.

ISAÍAS 42:8

“Na niDIOS, niamoTECO. Ya nopa notoca huan amo aqui seyoc nijcahuilis ma quipiya nohueyitilis. Yon amo nimechcahuilis antechhueyimatise na inihuaya teteyome cati quinmachijchijtoque masehualme.

JEREMÍAS 33:2

Quena, TOTECO cati quichijchijqui taltipacti huan quitali campa quinejqui ma elto, technojnotzqui huan techilhui: