ÉXODO 15:2 - Icamanal Toteco

² TOTECO techchijtoc ma nihuica ica paquilisti. Yaya Notemaquixtijca cati techmaca tetili. Yaya Dios noTeco cati nijtepanita, huan nijpaquilismacas. Yaya nopa Dios cati notata quihueyichijqui, huan nijhueyitalis.

ÉXODO 15:2 Iomraidhean Croise

GÉNESIS 17:7

Huan na nijtamichihuas nochi cati nijcajtoc nocamanal para nijchihuas ica ta huan moteipan ixhuihua teipa para nochipa. Ni elis se camanal sencahuali cati amo quema tamis. Nochipa nielis nimoDios huan niininDios moteipan ixhuihua.

GÉNESIS 49:18

¡TOTECO! Nijchiya para techmanahuis.

2 SAMUEL 22:3

NoTeco Dios, ta techyahualohua para amo huelis techajsise nocualancaitacahua. San ipan ta nimotemachis. Ta cati techyahualohua para techmanahuis ten mosisinijca tacame. NoTeco Dios, ipan ta nijmati nitemachti. Tinotemaquixtijca. Techmanahuía ten cati techmictisquía.

2 SAMUEL 22:47

TOTECO itztoc. Ma tijpaquilismacaca yaya ipan cati nimotatía. Ma tijhueyichihuaca Toteco Dios, pampa yaya cati techmaquixtía.

2 SAMUEL 22:51

TOTECO, ta techmanahuijtoc huan techtalijtoc nimotanahuatijca. Techtasojtatoc na, niDavid, cati ta techtapejpenijtoc. Ta tiquintasojtas nochi noteipan ixhuihua para nochipa.”

2 SAMUEL 7:24

Pampa, TOTECO, ta tiquijtojtoc para techtapejpenijtoc tiisraelitame para ma tielica timomasehualhua para nochipa huan ta timochijtoc toDios tojuanti.

2 SAMUEL 7:5

“Xiya xiquilhuiti notequipanojca David para yaya amo quichihuas se cali campa niitztos.

1 REYES 8:13

Huan ama tihualitztoc ipan ni tiopamit cati nijchijtoc para ipan xiitzto para nochipa.”

1 REYES 8:27

“Pero Toteco Dios, tijmatij para nelía ta amo hueli mitzcuis ni taltipacti para tiitztos san nica. Yon nopa ilhuicacti cati tiquitaj, yon nopa ilhuicacti cati más huejcapa cati amo hueli tiquitaj, amo hueli mitzcuis pampa tahuel tihueyi. Huajca ¿quenicatza mitzcuis ni piltiopantzi cati na nimitzchihuilijtoc?

1 CRÓNICAS 16:14

Yaya TOTECO Dios. Yaya toTeco tojuanti. Yaya quipiya tanahuatili cati ajsi hasta campa hueli ipan ni taltipacti.

SALMOS 109:1

NoTeco Dios cati nimitzhueyitalía, technanquili quema nimotatajtía ica ta, amo san xitacacto.

SALMOS 118:14

TOTECO nechpixtoc imaco, huan yeca nihuica para ya pampa nechchijtoc ma nitatani.

SALMOS 118:21

Nijhueyimatis noTeco Dios, huan nijtascamatilis miyac, pampa nechtacaquili huan nechmaquixti ten nocualancaitacahua.

SALMOS 118:28

Pampa yaya noTeco Dios, yeca nijtascamati huan nijhueyimati.

SALMOS 132:5

hasta nijpantis se lugar campa huelis nijchihuas ichaj TOTECO para ipan ma itzto, yaya cati iTeco Jacob, Cati Quipiya Nochi Chicahualisti.”

SALMOS 140:7

Ta tiTOTECO Dios, tinotemaquixtijca, ta tijpiya nochi chicahualisti para techmaquixtis. Ta techmocuitahuía quema onca tatehuilisti.

SALMOS 145:1

Nochi nonemilis huan para nochipa nimitzhueyimatis tinoTeco huan tinotanahuatijca.

SALMOS 18:46

Itztoc TOTECO. Nijpaquilismacas yaya cati nechmocuitahuía. Ma tijhueyitalica Toteco Dios, notemaquixtijca.

SALMOS 22:10

Huan quema nitacatqui ya ipa nimotemachijtoc ipan ta. Nochi tonali tieltihualajtoc tinoTeco Dios.

SALMOS 22:3

Huan masque quej nopa eltoc, ta quejipa titatzejtzeloltic. Nochi tohuejcapan tatahua tiisraelitame mitzyahualojque huan mitzhueyichijque.

SALMOS 27:1

TOTECO nechtaahuilía huan nechmaquixtía. ¿Ajquiya niquimacasis? TOTECO yaya nochicahualis, huan na niitztoc imaco. Amo aqui niquimacasis.

SALMOS 28:8

TOTECO, ta tiquinpixtoc momaco nochi momasehualhua. Yeca san ipan ta motemachía motanahuatijca cati tijtapejpenijtoc.

SALMOS 30:1

TOTECO, nimitzhueyitalía pampa techtananqui ten más tatzinta. Amo tiquincahuilijtoc nocualancaitacahua ma noca paquica.

SALMOS 34:3

Ma tijhueyichihuaca huan ma tijhueyitalica TOTECO san sejco.

SALMOS 48:14

Pampa ni Toteco Dios, yaya elis toDios para nochipa, huan amo quema tamis ichicahualis. Yaya techyacanas mojmosta hasta más nepa quema ya timictose.

SALMOS 59:17

Toteco Dios, momaco ta niitztoc temachti, yeca nimitzhueyimatis huan nihuicas para ta, pampa san ta techmocuitahuía huan techicnelía.

SALMOS 68:20

Toteco Dios, yaya cati techchololtía inimaco tocualancaitacahua. Huan yaya Toteco cati techmanahuía para amo timiquise.

SALMOS 99:5

¡Ma tijhueyitalica TOTECO, yaya toDios, yaya cati tatzejtzeloltic! Ma timotancuaquetzaca huan ma timoixtapachoca hasta talchi iicxita, pampa san yaya tatzejtzeloltic.

SALMOS 99:9

Ma tijhueyitalica TOTECO huan ma tijhueyichihuaca. Ma timoixtapachoca iixpa ipan nopa tepet tatzejtzeloltic cati itoca Sion.

ÉXODO 14:13

Pero Moisés quinnanquili: ―Amo ximajmahuica. San ximoquetzaca huan amo ximolinica huan xiquitaca quenicatza TOTECO amechmaquixtis, pampa nopa egiptome cati ama anquinitaj ayecmo quema anquinitase sempa.

ÉXODO 3:6

Huan TOTECO nojquiya quiilhui: ―Na niininTeco mohuejcapan tatahua Abraham, Isaac huan Jacob. Huajca Moisés moixtzajqui pampa majmajqui para quitachilis Toteco Dios,

ÉXODO 4:22

Huajca tiquilhuis Faraón para na niamoTECO niquijtohua para nopa israelita masehualme niquinicnelía quej se quiicnelía icone achtohui ejquet.

ÉXODO 40:34

Huan se mixti quisentzajqui nopa yoyon tiopamit. Huan itatanex TOTECO cati nelía yejyectzi quitemiti nopa tiopamit.

ÉXODO 6:7

Huan xiquinilhuiti na nimoaxcatis nopa israelitame huan elise nomasehualhua. Huan na nielis niininTeco. Quej nopa quimatise para na niininTeco Dios cati niquinmocuitahuía, huan na cati niquinquixtis ten nopa tequit cati tahuel etic ipan ni tali Egipto.

ISAÍAS 12:2

Xiquitaca anmasehualme, Toteco Dios yaya notemaquixtijca. Huajca nimotemachis ipan ya huan ayecmo nimajmahuis. TOTECO itztoc cati techmaca nochicahualis huan yeca san para ya nihuicas. San yaya notemaquixtijca.

ISAÍAS 25:1

TOTECO, na nimitzpaquilismacas huan nimitzhueyitalis pampa ta tinoDios. Ta tijchihua huejhueyi tamanti. Cati huejcajquiya tijsencajqui para tijchihuas, ama melahuac tijchijtoc senquisa quej tiquijto.

ISAÍAS 45:17

Pero TOTECO quinmaquixtis israelitame, huan quinmaquixtis para nochipa. Ayecmo aqui quinpinahualtis, yon ayecmo aqui quinechcapantalis para nochipa.

ISAÍAS 49:6

Yaya techilhui: “Amo san techtequipanos para tiquincuepas campa na nopa quentzi cati mocahuaj ten noisraelita masehualhua huan tiquinhueyichihuas, nojquiya nijchihuas xieli quej se taahuili para tiquintaahuilis nochi masehualme ipan taltipacti cati amo israelitame para inijuanti nojquiya hualase campa na para momaquixtise.”

ISAÍAS 66:1

Quej ni quiijtohua TOTECO: “Ilhuicacti eltoc quej nosiya campa nimosehuía para nitanahuatis, huan ni taltipacti eltoc campa niquinsiyajquetza noicxihua. Huajca ¿quenicatza huelis antechchihuilise se tiopamit para ipan niitztos huan nimosiyajquetza cati cuali quej nopa?

JEREMÍAS 3:23

Ya ticuesijque tiquinhueyichihuaj teteyome ipan tepeme huan ten hueli tijchihuaj iniixpa. Nochi ya nopa san tapic. Pampa san TOTECO toDios hueli techpalehuis huan techmaquixtis nochi tojuanti tiisraelitame.

JEREMÍAS 31:33

Ya ni elis nopa camanal sencahuali cati nijchihuas inihuaya israelita masehualme: Na niquijcuilos notanahuatil ipan iniyolo para ma techhueyimatica. Huan huajca inijuanti nelía elise nomasehualhua huan na nielis niiniDios.

JEREMÍAS 32:38

Huan inijuanti elise nomasehualhua huan na nielis ni ininTeco Dios.

HABACUC 3:13

Tihuala para tiquinmaquixtis momasehualhua cati tiquintapejpenijtoc huan nopa Tanahuatijquet cati ta ticaltijtoc. Tiquintzonxamanis nopa tajtacolchihuani huan tiquintamixolehuilis ten iniicxi hasta inintzonteco.

ZACARÍAS 13:9

Huan nopa pilquentzi israelitame cati noja mocahuase ipan ni tali, niquinpanoltis ipan se hueyi tit para niquinyejyecos huan niquintapajpacchihuas hasta itztose quej plata huan oro cati senquisa cuali. Huan inijuanti techtzajtzilise, huan na niquintacaquilis, huan niquijtos: ‘Ya ni nomasehuahua.’ Huan inijuanti quiijtose: ‘TOTECO yaya toDios tojuanti.’ ”

LUCAS 1:77

Tiquinyolmelahuas iisraelita masehualhua para yaya cati hualas quinmaquixtis, pampa quintapojpolhuis inintajtacolhua.

LUCAS 2:30

Niquitztoc ica noixteyol yaya cati techtitanilijtoc para techmaquixtis ten totajtacolhua.

JUAN 4:22

AnSamaria ehuani amo anquiixmatij ajquiya anquihueyimatij. Pero tiisraelitame, quena, tiquixmatij Toteco Dios cati tijhueyimatij. Huan Toteco temaquixtis ica se cati israelita.

JUAN 5:23

Quichijqui ya ni para nochi ma nechtepanitaca san se quej quitepanitaj ya. Cati amo nechtepanitaj na niIcone, amo quitepanitaj noTata cati nechtitantoc.

HECHOS 4:12

Amo aqui seyoc cati huelis techmaquixtis ten totajtacolhua, pampa Toteco Dios amo quitalijtoc seyoc cati quipiya tequiticayot ipan ni taltipacti para techmaquixtis, san Jesucristo.

2 CORINTIOS 5:19

Quinequi ma tiquinilhuica masehualme para yaya Toteco Dios itztoya ipan Cristo huan tequitiyaya para ma moyoltalica nochi masehualme ipan taltipacti ica ya. Yaya amo quipohuayaya sese inintajtacolhua masehualme. Huan ama techtequimacatoc ma tiquinilhuica masehualme ni cuali camanali para quenicatza Cristo huelis quinyoltalis ica Toteco Dios.

EFESIOS 2:22

Huan ama amojuanti nojquiya cati amo anisraelitame anitztoque quej teme ipan itepanyo nopa tiopamit, huan Toteco mocahua ipan amojuanti pampa Itonal itztoc ipan amoyolo.

DEUTERONOMIO 10:21

Pampa san ya quinamiqui para anquihueyichihuase, pampa san ya Dios huan san ya amoTeco Dios. Yaya iseltitzi quichijtoc nopa huejhueyi tiochicahualnescayot cati anquiitztoque, huan nopa huejhueyi tamanti cati temajmati.

FILIPENSES 2:11

Huan nochi masehualme cati camanaltij nochi tamanti camanali quiijtose miyacapa para Jesucristo, yaya Dios Tohueyiteco, huan ica ya ni quinextise ihueyitilis Toteco Totata.

FILIPENSES 4:13

Nochi nihueli nijchihua pampa Cristo nechmaca chicahualisti.

COLOSENSES 2:9

Cristo itztoc senquisa Dios huan senquisa se tacat cati quipiya itacayo.

APOCALIPSIS 15:3

Huan huicayayaj se tiohuicat quej cati Moisés, itequipanojca Toteco, huicatoya. Huan huicayayaj para nopa Pilborregojtzi, huan quiijtojque: “Tahuel hueyi huan cuajcualtzi nochi cati ta tijchihua, Toteco Dios. Ta Cati Tijpiya Nochi Chicahualisti. Xitahuac huan temachti nochi moojhui. Ta tiTanahuatijquet ten nochi talme.

APOCALIPSIS 19:1

Teipa niquincajqui tahuel miyac masehualme nepa ilhuicac cati quiijtohuayayaj: “¡Hueyi paquilisti! Toteco techmaquixtijtoc. San yaya cati quipiya nochi hueyitilisti huan nochi chicahualisti. Ma tijnextilica nochi tatepanitacayot para nochipa.

JUECES 5:21

Elqui quej nopa atajti Cisón tejcoc miyac huan nochi quinhuicac. Quena, quinhuahuatatzqui nochi inimijcahua. (Ma quipiya fuerza noyolo para nijtamiltis ni nohuica.)