ÉXODO 15:11 - Icamanal Toteco

¹¹ ¡Ay TOTECO! Amo aqui seyoc Dios cati ica huelis timitzhuicalotise. Amo aqui tatzejtzeloltic quej ta. Amo aqui quipiya mohueyi chicahualis. Cati ta tijchihua temajmatía. Huajca quinamiqui para timitzhueyichihuase.

ÉXODO 15:11 Iomraidhean Croise

2 SAMUEL 7:22

“TOTECO, ta cati tijpiya nochi tanahuatili, tahuel tihueyi. Amo quema tijcactoque ten seyoc quej ta. Amo aqui seyoc Dios; ta tiiyojtzi.

1 REYES 8:23

Huan motatajti huan quiijto: “TOTECO, titoDios tiisraelitame, amo aqui seyoc Dios quej ta, yon nepa ipan ilhuicac, yon ipan ni taltipacti. Ta nochipa tijchihua cati tiquijtohua para tijchihuas. Huan tiquinnextilía moteicnelijcayo nochi cati mitztequipanohuaj huan mitzneltocaj ica nochi iniyolo.

1 CRÓNICAS 16:25

Pampa TOTECO nelía hueyi huan quinamiqui tijhueyichihuase miyac. Monequi san ya tijhueyitepanitase ten nochi sequinoc teteyome.

2 CRÓNICAS 2:5

“Nopa tiopamit cati nijchihuas monequi elis hueyi pampa Toteco Dios cati ipan timotemachíaj itztoc más hueyi que nochi sequinoc cati quintocaxtíaj dioses.

2 CRÓNICAS 6:14

huan quiijto: “TOTECO Dios, ta cati titoTeco tiisraelitame. Amo aqui seyoc Dios quej ta nopona ilhuicac, yon nica ipan taltipacti. Ta tijtamichihua nochi cati tiquijtohua. Tiquinicnelía nochi masehualme cati mitzneltocaj ica nochi iniyolo.

SALMOS 113:5

¿Ajquiya seyoc más hueyi quej TOTECO toDios cati mosehuía nepa huejcapa para tanahuatis?

SALMOS 119:120

Nochi notacayo huihuipica pampa mitzimacasi huan mitztepanita, Toteco. Huan nojquiya niquimacasi motatzacuiltil, huan yeca amo nijnequi nimitzixpanos.

SALMOS 136:4

Xijtascamatica TOTECO pampa san ya hueli quichihua huejhueyi tamanti, pampa itaicnelijcayo amo quema tami.

SALMOS 145:17

TOTECO quichihua san cati xitahuac, huan quinextía para hueyi iyolo ipan nochi cati quichihua.

SALMOS 22:23

TOTECO, tojuanti cati timitztepanitaj huan tiquimacasij timitzixpanose timitzpaquilismacaj. Nochi tiiteipan ixhuihua Israel, timitzhueyichihuaj. Quena, timitzhueyimatij nochi tiisraelitame.

SALMOS 35:10

Ica nochi noyolo niquijtos: “Amo aqui seyoc quej ta, TOTECO. Tiquinmocuitahuía cati amo quipiyaj fuerza para masehualme cati tetique amo teno huelis quinchihuilise. Quena, tiquinmanahuía cati teicneltzitzi huan cati amo quipiyaj cati quinpolohua. Tiquinmanahuía inimaco cati quinequij quintacuijcuilise.”

SALMOS 60:2

Ni tali tijchijqui ma huihuipica ica majmajti. Tahuel tijtaijyohuiltijtoc. Huajca ama, noTeco Dios, sempa xijcualtali total cati tamitatapacatoc.

SALMOS 66:5

Xihualaca huan xiquitaquij nochi nopa huejhueyi tamanti cati Toteco Dios quichijtoc. ¡Quinchihuilijtoc masehualme huejhueyi tiochicahualnescayot!

SALMOS 77:11

Más cuali niquelnamiquis nochi nopa huejhueyi tiochicahualnescayot cati TOTECO nechchihuili huejcajquiya.”

SALMOS 77:14

¡Ta tiDios cati tijchihua huejhueyi tiochicahualnescayot huan miyac tamanti cati masehualme quitachilíaj! Huan hasta ama quejipa tijnextía mohueyi chicahualis.

SALMOS 77:19

Tijchijqui se ojti quema tiquixcotonqui nopa hueyi at, pero amo aqui quipanti campa tijquetztiyajqui moicxi.

SALMOS 86:10

pampa ta tahuel tihueyi huan tijchihua huejhueyi tamanti. ¡San ta nelía tiDios!

SALMOS 86:8

Ipan nochi sequinoc cati quintocaxtíaj “dioses”, amo onca seyoc quej ta, Toteco. Huan amo aqui hueli quichihua huejhueyi tamanti quej ta tijchihua.

SALMOS 89:18

Quena, Toteco Dios, ta cati titatzejtzeloltic techmocuitahuía tojuanti ipan tali Israel. Ta titotanahuatijca.

SALMOS 90:11

¿Ajquiya quimachilía nochi cati tihueli tijchihuas quema ticualani? ¿Ajquiya ten tojuanti mitzimacasi quej quinamiqui?

ÉXODO 18:11

Ama niquitztoc para TOTECO itztoc más hueyi ten nochi sequinoc cati quintocaxtalíaj dioses, pampa amechmanahuijtoc inimaco masehualme cati mohueyimatiyayaj huan cati fiero amechchihuiliyayaj.

ÉXODO 20:3

Amo xijtepanitaca seyoc quej amoTeco, san na.

ÉXODO 3:20

Yeca na nimomaxitahuas huan niquincocos nopa egiptome ica miyac huejhueyi tiochicahualnescayot cati nijchihuas ipan inintal para niquinnextilis nohueyi chicahualis. Huan teipa, quena, nopa Faraón amechcahuas para anquisase.

ÉXODO 8:10

Huajca nopa Faraón quiijto: ―Xijchihua mosta. Huan Moisés tananquili: ―Quej nopa elis, huan yeca tijmatis para amo aqui itztoc quej TOTECO Dios,

ÉXODO 8:6

Huajca quej nopa Aarón tamanexti ica icuatopil ipan nopa at cati eltoya ipan tali Egipto, huan nopona quisque temasolime cati quitemitijque nochi nopa tali.

ÉXODO 9:14

Pampa ni huelta nijtitanis se tatzacuiltili cati ajsis ipan iyolo Faraón, huan ipan iniyolo nochi cati quipalehuíaj huan nochi imasehualhua. Huan ica ya ni yaya quimatis para amo aqui seyoc Dios ipan nochi taltipacti, san na.

ISAÍAS 30:11

Xijcahuaca nopa ojti cati xitahuac. Ayecmo techcuatotonica ica tequipacholi cati techilhuía para ajsise. Techyolajsitoc miyac camanali ten TOTECO cati Tatzejtzeloltic cati itztoc tohuaya tiisraelitame.”

ISAÍAS 40:18

¿Ica ajquiya huelis anquihuicalotise Toteco Dios? ¿Quenicatza huelis titeyolmelahuas quenicatza itztoc? Amo itztoc quej se taixcopincayot.

ISAÍAS 40:25

“Huajca ¿ica ajquiya antechhuicalotise? ¿Ajquiya itztoc san se quej na?” Quej nopa tatzintoca Toteco Dios cati Tatzejtzeloltic.

ISAÍAS 46:9

Xiquelnamiquica nochi nopa tamanti cati nijchijqui huejcajquiya. Xijmatica para san na niDios. Huan amo onca seyoc quej na.

ISAÍAS 57:15

Pampa niamoTeco Cati Más niHueyi, Na Cati Niitztoc Huejcapa, na cati niitztoc para nochipa huan cati notoca Tatzejtzeloltic niquijtohua ya ni: “Na niitztoc nepa huejcapa campa tatzejtzeloltic huan campa itztoque nochi cati moyolcuectoque huan cati moechcapanohuaj. Na niquinyoltalía cati moechcapanohuaj huan niquinmaca yancuic chicahualisti nochi nopa masehualme cati moyolcuectoque huan quicajtejtoque tajtacoli.

ISAÍAS 6:3

Huan nochi inijuanti san sejco huicayayaj ni huicat: “Tatzejtzeloltic, Tatzejtzeloltic, Tatzejtzeloltic, TOTECO Cati Quinyacana Iilhuicac Ejcahua Ma Tatanitij. Nochi taltipacti temitoc ica ihueyitilis.”

JEREMÍAS 10:16

Pero Dios cati iTeco Jacob amo quej se teteyot. Yaya nopa Tachijchijquet cati quichijqui nochi cati onca. Huan yaya quintapejpeni israelitame para iaxcahua. Yaya itoca TOTECO Cati Quinyacana Iilhuicac Ejcahua Ma Tatanitij.

JEREMÍAS 49:19

Na niyas campa tali Edom ipan se talojtzi quej quisa se león ipan cuatitamit nechca hueyat Jordán hasta nopa tamayamit cati yejyectzi para quiitzquis se pilborregojtzi, quej nopa na ipan se talojtzi nicalaquis ipan tali Edom huan nijchihuas ma cholojtehuaca ten inintal. Teipa se tanahuatijquet cati na nijtapejpenis tanahuatis nopona. Pampa amo aqui seyoc quej na huan amo aqui huelis technotzas iixpa se juez para techtajtanilis cuentas. Amo aqui quipiya chicahualisti para moquetzas noixpa para quitzacuilis cati nijnequi nijchihuas.

LEVÍTICO 19:2

“Xiquinilhui nochi israelitame ni tanahuatilme. “Xiitztoca antatzejtzeloltique pampa na, niamoTECO Dios, nitatzejtzeloltic.

MIQUEAS 7:18

Amo aqui seyoc Dios quej ta. Ta titetapojpolhuía taixpanoli huan masque fiero quichijtoque momasehualhua cati mocahuaj yoltoque, tiquelcahua inintajtacolhua. Amo tijtalía moyoltipa cualanti pampa ta mitzpactía titeicnelía.

LUCAS 12:5

Pero nimechilhuis ajquiya monequi xiquimacasica. Xiquimacasica Toteco, pampa yaya huelis amechmictis huan nojquiya quipiya tanahuatili para quititanis amoalma nepa micta. Quena, nimechilhuía, yaya cati monequi anquiimacasise.

DEUTERONOMIO 1:30

TOTECO Dios techyacantiyas huan yaya tatehuis por tojuanti huan quichihuas huejhueyi tamanti quej tiquitaque techchihuili ipan tali Egipto,

DEUTERONOMIO 3:24

‘TOTECO Dios Cati Más Tijpiya Tanahuatili, ya tijpehualtijtoc technextilía mohueyitilis huan mochicahualis. Amo aqui seyoc DIOS ipan ilhuicacti, yon ipan taltipacti cati huelis quichihuas ni yejyectzitzi tamanti huan tiochicahualnescayot cati ta hueli tijchihua.

DEUTERONOMIO 33:26

“Amo aqui seyoc quej Toteco toDios tiisraelitame. Yaya nopa tanahuatijquet cati más hueyi cati nejnentinemi ipan ilhuicac ica nochi iyejyejca. Yaya nimantzi huala ten ilhuicac para techpalehuiqui.

DEUTERONOMIO 4:34

Amo oncatoc seyoc Dios cati quiitztoc se tamanti masehualme cati quintequipanohuayayaj seyoc tali ehuani san tapic huan quinquixtilijtoc ica huejhueyi tanextili huan tiochicahualnescayot; huan moaxcati nopa masehualme quej amoTECO Dios amechchihuilijtoc. Pampa yaya quintitanili nopa egiptome miyac tayejyecoli huan tamanti cati temajmati. Quintehui ica ihueyi chicahualis. Quena, TOTECO quinmanexti huan quintajtolsencajqui. Nochi ni tamanti cati anquiitztoque ica amoixteyol para TOTECO amechchihuilijtoc, amo quema panotoc sejcoyoc.

APOCALIPSIS 13:4

Huan masehualme quihueyimatque nopa hueyi dragón cati quimacac itequiticayo nopa fiero tapiyali. Huan nojquiya quihueyimatque nopa fiero tapiyali huan quiijtojque: “Amo aqui seyoc quipiya chicahualisti quej ni fiero tapiyali. Amo aqui hueli moquetza iixpa para quitehuis.”

APOCALIPSIS 15:4

¿Ajquiya amo quiimacasis mitzixpanos, Tohueyiteco? Nochi mitzhueyichihuase pampa san ta titatzejtzeloltic. Quena, nochi masehualme ten nochi talme hualase moixpa huan mitzhueyimatise, pampa quiitztoque para san cati xitahuac tijchijtoc.”

APOCALIPSIS 4:8

Huan sesen ten nopa nahui tamanti cati yoltoque quipixtoyaj chicuase inieltapalhua huan campa hueli ininpani quipiyayayaj iniixteyolhua inieltapalijtic huan ininpani. Huan amo quema motilquetzayayaj tayohua huan tonaya, san quiijtohuayayaj: “Tatzejtzeloltic, quena, senquisa tatzejtzeloltic Toteco Dios Cati Quipiya Nochi Chicahualisti. Yaya ipa itztoya, huan ama itztoc, huan itztos para nochipa.”

1 SAMUEL 2:2

Amo aqui seyoc cati tatzejtzeloltic quej ta, TOTECO. Amo aqui seyoc Dios. Amo aqui seyoc cati hueli temanahuía quej ta, san Toteco Dios tiiyojtzi.