ÉXODO 15:1 - Icamanal Toteco

¹ Huajca Moisés inihuaya nopa israelitame huicaque ni huicat para TOTECO: “Nihuicas para TOTECO pampa tatanqui ica ihueyi chicahualis. Quinisahuilti ipan hueyi at nopa cahuayojme inihuaya cati ininpa tejcotoyaj.

ÉXODO 15:1 Iomraidhean Croise

NEHEMÍAS 9:11

Tijxelo nopa hueyi at iniixpa huan nochi israelitame panoque tatajco hueyi at ipan tali huactoc. Huan nochi inincualancaitacahua tiquinmajcajqui campa más huejcata quej quiisahuíaj se tet huan yahui hasta atzinta huan nopona mocahua.

JOB 36:24

Más cuali xijhueyichihua por nochi huejhueyi tamanti cati yaya quichijtoc ica ichicahualis. Xijhueyichihua ica huicat.

SALMOS 105:43

Huajca ica miyac paquilisti Toteco Dios quinquixti imasehualhua cati quintapejpenijtoc ipan tali Egipto.

SALMOS 106:12

Huan huajca tohuejcapan tatahua quineltocaque icamanal cati Toteco quinilhuijtoya. Huan teipa huicaque huan quipaquilismacaque.

SALMOS 107:15

Xijhueyimatica TOTECO pampa yaya tahuel tetasojta huan quichihua huejhueyi tamanti cati ica masehualme san quitachilíaj.

SALMOS 107:8

Xijhueyimatica TOTECO pampa yaya tahuel tetasojta, huan quichihua huejhueyi tamanti cati nochi san quitachilíaj.

SALMOS 32:7

TOTECO, ipan ta nimotemachía quema onca tequipacholi, huan ta techmocuitahuía. Tijchijtoc para sequinoc ma nechyahualoca, huan inijuanti huicaj chicahuac para mitzhueyichihuase pampa techmanahuijtoc.

SALMOS 76:6

Quema ta tiToteco, cati tiiDios Jacob, tiquinajhuac nopa cahuayojme huan cati tejcotoyaj ininpani, nochi huetzque hasta talchi.

SALMOS 76:7

¡Yeca nochi quiitaj para tahuel titemajmati! Huan amo aqui huelis quiijyohuis ijcatos moixpa quema tahuel ticualantoc.

ÉXODO 14:26

Huan teipa quema nopa israelitame ajsitoj seyoc nali, TOTECO quiilhui Moisés: ―Xijxitahua momax ipan nopa hueyi at para nopa at ma mosentili huan ma quinatzonpolihuilti nopa egiptome ipan inintatehuijca carrojhua inihuaya cati tejcotoque ipan cahuayojme.

ÉXODO 14:27

Huan Moisés quixitajqui imax ipan nopa hueyi at, huan quema tanestihualayaya, nopa at mocuetqui campa ipa eltoya. Huan quema nopa egiptome quinejque cholose, nopa hueyi at quinhuicac, huan quej nopa TOTECO quinisahuilti.

ÉXODO 15:21

Huan María huicayaya huan quinnanquiliyaya ica ni camanali: “Xihuicaca para TOTECO, pampa tatanqui ica ihueyi chicahualis. Quinisahuilti ipan hueyi at nopa cahuayojme, huan inijuanti cati ipan tejcotoyaj.”

ÉXODO 18:11

Ama niquitztoc para TOTECO itztoc más hueyi ten nochi sequinoc cati quintocaxtalíaj dioses, pampa amechmanahuijtoc inimaco masehualme cati mohueyimatiyayaj huan cati fiero amechchihuiliyayaj.

PROVERBIOS 29:6

Se tacat cati amo cuali moijilpía ipan itajtacolhua, pero cati nemi xitahuac, amo. Yaya huicatinemi huan nelía paqui.

ISAÍAS 42:10

Xihuicaca para TOTECO se huicat yancuic. Nochi amojuanti cati anitztoque ipan nopa talme cati más huejca ipan ni taltipacti, xihuicaca para TOTECO por nochi tamanti cati quichijtoc. ¡Xihuicaca nochi amojuanti cati anitztoque ipan hueyi at! ¡Xihuicaca nochi cati anitztoque ipan nopa talme cati mopantíaj iteno hueyi at!

JEREMÍAS 51:21

Na nijtequihuis Babilonia para quintzontamiltis soldados, cahuayojme huan tacame cati tejcotoque cahuajtipa. Quinsosolos carrojme huan cati tejcotoque carrojtipa.

OSEAS 2:17

“Huan nijchihuas para anisraelitame anquielcahuase inintoca nopa teteyome ten miyac tamanti Baales huan ayecmo quema anquintzajtzilise para ma amechpalehuica.

HABACUC 3:18

Masque amo teno oncas, na nimopaquilismacas ipan TOTECO. Quena, niyolpaquis ipan Toteco cati techmaquixtis.

NÚMEROS 21:17

Huajca elqui ipan nopa tonal quema nopa israelitame huicaque ica paquilisti, quiijtojque: “¡Ma tihuicaca ten ni ameli: ‘Ma meya at nica!’

COLOSENSES 2:15

Huan Cristo quiquixtili ichicahualis Amocualtacat huan iajacahua cati quipiyaj tanahuatili huan cati quipiyaj chicahualisti huan quinpinahualti miyacapa quema quintanqui ipan icuamapel.

APOCALIPSIS 15:3

Huan huicayayaj se tiohuicat quej cati Moisés, itequipanojca Toteco, huicatoya. Huan huicayayaj para nopa Pilborregojtzi, huan quiijtojque: “Tahuel hueyi huan cuajcualtzi nochi cati ta tijchihua, Toteco Dios. Ta Cati Tijpiya Nochi Chicahualisti. Xitahuac huan temachti nochi moojhui. Ta tiTanahuatijquet ten nochi talme.