ÉXODO 10:13 - Icamanal Toteco

¹³ Huan yeca Moisés quixitajqui imax ipan tali Egipto, huan TOTECO quichijqui ma huala se ajacat campa quisa tonati huan quiilpitzqui nopa tali se tonal huan se yohuali. Huan tonili nopa ajacat ya quinhualicatoya chapolime.

ÉXODO 10:13 Iomraidhean Croise

GÉNESIS 41:6

Huan iniica chamanqui seyoc chicome imacuayo trigo cati huactoc huan pitzantzitzi cati quitatijtoya nopa huac ajacat cati huala campa quisa tonati.

SALMOS 105:34

Teipa Toteco camanaltic huan ajsicoj tahuel miyac chapolime, hasta amo aqui hueliyaya quinpohua.

SALMOS 148:8

Ma quipaquilismacaca nopa tit, tesihuit, tasesecayot, apocti, huan nopa ajacat cati quichihua ipaquilis.

SALMOS 78:26

Ica ihueyi chicahualis quihualicac nopa ajacat cati huala campa quisa tonati huan cati huala ica tani para ma taajaca campa ilhuicacti.

SALMOS 78:46

Toteco quintitanqui ocuilime huan chapolime para ma quicuaca inintatochui huan ininpixquilis.

ÉXODO 14:21

Huan Moisés quixitajqui imax ipan nopa hueyi at, huan TOTECO quititanqui se ajacat chicahuac cati hualajqui campa quisa tonati huan taajacac nochi tayohua huan quitajcoitac nopa hueyi at. Huajca quej nopa TOTECO quicuetqui nopa hueyi at ica huactoc tali.

PROVERBIOS 30:27

Talnamiquij pilchapoltzitzi pampa masque amo quipiyaj inintayacanca, nejnemij nochi ica se pamit campa yahuij.

JONÁS 1:4

Pero TOTECO quichijqui ma huala se hueyi ajacat ipan nopa hueyi at huan taajacayaya hasta nopa cuaacali sosolihuisnequiyaya.

JONÁS 4:8

Huan quema quisqui tonati, Toteco Dios quichijqui ma huala ten campa hualquisa tonati se huac ajacat cati tahuel totonic. Huan tonati quitatiyaya Jonás ipan itzonteco huan quimatqui para tapolosquía. Huan quinequiyaya cualancamiquis pampa huajqui nopa pilacuacualachtzi. Huan quiijto: ―Más cuali ma nimiqui huan ayecmo nitaijyohuis ipan ni nemilisti.

MATEO 8:27

Huan tiimomachtijcahua san tijtetzaitaque huan timoilhuijque se ica seyoc: ―Ni Jesús, ¿ajquiya nelía ya? Yaya quipiya tequiticayot hasta ica ajacat huan hueyi at.