APOCALIPSIS 5:8 - Icamanal Toteco

⁸ Huan quema quicuic nopa mimilijtoc amatapohuali, nopa nahui tamanti cati yoltoque huan nopa veinticuatro huehue tacame motancuaquetzque iixpa nopa Pilborregojtzi. Sesen ten inijuanti quipixtoyaj se arpa ica icuerda para tatzotzonase. Huan quipixtoyaj miyac ticomit ten oro temitoc ica copali cati quiijtosnequi nochi camanali cati masehualme cati iaxcahua Toteco quiijtojtoyaj quema motatajtiyayaj.

APOCALIPSIS 5:8 Iomraidhean Croise

SALMOS 141:2

Xijseli nonetatajtilis quej elisquía copali cati quitatíaj moixpa, huan quema nimomatanana para nimitzhueyimati, xiquita quej se tacajcahualisti cati nimitzmactilía ica tiotac.

SALMOS 150:3

Xijpaquilismacaca ica tapitzali, Xijpaquilismacaca ica guitarra huan ica arpa.

SALMOS 33:2

Xitatzotzonaca ica arpa para xijhueyichihuaca, TOTECO. Xihuicaca iixpa huan xijpaquilismacaca ica tatzotzonali cati nesi quej guitarra.

SALMOS 43:4

Quena, noTeco Dios, nicalaquis huan niajsiti hasta motaixpa campa masehualme mitzhueyichihuaj. Nepa nimitzpaquilismacas ica arpa, ta cati techmaca paquilisti, pampa ta tinoTeco Dios.

SALMOS 81:2

Ma tihuicaca huan ma tijtzijtzilinica pandero. Nojquiya ma tijtzotzonaca nopa arpa huan guitarra.

JUAN 1:29

Huan hualmosta Juan quiitac Jesús hualayaya campa itztoya huan quinilhui nopa masehualme: “Ne tacat, yaya cati Toteco techtitanilijtoc. Yaya itoca ipilborrego Toteco pampa elis nopa tacajcahualisti cati techquixtilis nochi totajtacolhua nochi timasehualme ipan ni taltipacti.

JUAN 5:23

Quichijqui ya ni para nochi ma nechtepanitaca san se quej quitepanitaj ya. Cati amo nechtepanitaj na niIcone, amo quitepanitaj noTata cati nechtitantoc.

HEBREOS 1:6

Huan ijcuilijtoc sejcoyoc nopa cati Toteco Dios quiijtos quema quiixnextis ipan taltipacti Icone cati quipiya hueyi tatepanitacayot, huan ya ni cati quiijtos Toteco Dios: “Ma quihueyichihuaca nochi noilhuicac ejcahua.”

APOCALIPSIS 13:8

Huan nochi cati itztoque ipan taltipacti quihueyimatque nopa fiero tapiyali quej yaya elisquía Dios. Quena, quihueyimatque nochi masehualme cati inintoca amo ijcuilijtoc hasta quema pejqui taltipacti ipan nopa amatapohuali cati iaxca nopa Pilborregojtzi, pampa nopa Amatapohuali Ten Nopa Pilborregojtzi Cati Quimictijque quipiya inintoca nochi masehualme cati quipiyase nemilisti para nochipa.

APOCALIPSIS 15:2

Huan niquitac cati elqui quej se hueyi at neltzalantic. Elqui quej tescat maneltic ica tit. Huan moquetztoyaj ipan nopa hueyi at ten tescat nochi nopa masehualme cati quitanque nopa fiero tapiyali huan itaixcopincayo, huan amo quiselijtoyaj nopa número cati quinescayoti itoca. Nopa masehualme quipixtoyaj arpas cati Toteco quinmacac.

APOCALIPSIS 15:7

Huan se ten nopa nahui tamanti cati yoltoque quinmajmacac nopa chicome ilhuicac ehuani chicome caxit ten oro temitoc ica ihueyi cualancayo Toteco Dios cati itztoc para nochipa huan amo quema tamis para itztos.

APOCALIPSIS 19:4

Huan teipa nopa veinticuatro tayacanani huan nopa nahui tamanti cati yoltoque motancuaquetzque huan quihueyimatque Toteco cati mosehuía ipan nopa hueyi siyaj huan quiijtojque: “¡Quej nopa ma eli! ¡Ma tijpaquilismacaca Toteco!”

APOCALIPSIS 4:10

nopa veinticuatro huehue tacame nojquiya motancuaquetzaj iixpa yaya cati itztoc para nochipa, huan inijuanti nojquiya quihueyimatij. Huan nopa huehue tacame nojquiya quitalíaj inincoronas imelac ihueyi siyaj huan quiijtohuaj:

APOCALIPSIS 4:4

Huan nopa veinticuatro siyas quej para tanahuatiani quiyahualojtoyaj ihueyi siyaj Toteco. Huan ipan nopa siyas niquinitac mosehuijtoyaj veinticuatro huehue tacame cati moquentijtoyaj iniyoyo cati nelchipahuac. Huan nochi nopa huehue tacame quipiyayayaj coronas ten oro ipan inintzonteco.

APOCALIPSIS 4:6

Huan iixmelac nopa hueyi siyaj oncayaya se tamanti cati nesqui quej hueyi at cati tzalantic quej tescat huan cahuaniyaya quej nopa tet cati itoca cristal. Huan iixmelac nopa hueyi siyaj huan yahualtic itztoyaj nahui tamanti cati yoltoque huan campa hueli ininpani quipixtoyaj iniixteyolhua. Quipixtoyaj iniixteyolhua iniixpa huan iniica.

APOCALIPSIS 4:8

Huan sesen ten nopa nahui tamanti cati yoltoque quipixtoyaj chicuase inieltapalhua huan campa hueli ininpani quipiyayayaj iniixteyolhua inieltapalijtic huan ininpani. Huan amo quema motilquetzayayaj tayohua huan tonaya, san quiijtohuayayaj: “Tatzejtzeloltic, quena, senquisa tatzejtzeloltic Toteco Dios Cati Quipiya Nochi Chicahualisti. Yaya ipa itztoya, huan ama itztoc, huan itztos para nochipa.”

APOCALIPSIS 5:11

Nijtachili huan nijcajqui inincamanal tahuel miyac millones huan millones ten ilhuicac ehuani cati huicayayaj huan quiyahualojtoyaj nopa hueyi siyaj campa itztoya Toteco. Huan quinyahualojtoyaj nopa nahui tamanti cati yoltoque huan nopa veinticuatro huehue tacame.

APOCALIPSIS 5:12

Huan nochi nopa ilhuicac ehuani huicayayaj chicahuac huan quiijtohuayayaj: “Senquisa cuali ni Pilborregojtzi cati masehualme quimictijque. Huan quinamiqui para nochi masehualme ma quinextilica nochi tatepanitacayot, huan ma quihueyichihuaca huan ma quipaquilismacaca. Yaya quipiya nochi chicahualisti huan nochi talnamiquilisti. Huan quinamiqui para nochi cati ipati elis san ya iaxca.”

APOCALIPSIS 5:14

Huan nopa nahui tamanti cati yoltoque quiijtohuayayaj: “¡Quej nopa ma eli!” Huan nopa huehue tacame motancuaquetzque huan quihueyimatque Toteco Dios huan nopa Pilborregojtzi.

APOCALIPSIS 5:6

Huajca nijtachili huan niquitac se Pilborregojtzi. Huan nopa Pilborregojtzi tanemijya quihualicayaya campa quicocojque quema masehualme quimictijque. Huan yaya moquetzayaya tatajco nopa hueyi siyaj campa itztoyaj nopa nahui tamanti cati yoltoque huan nopa veinticuatro huehue tacame. Huan nopa Pilborregojtzi quipixtoya chicome icuacua huan chicome iixteyol cati quinescayotiyaya nopa chicome Itonalhua Toteco cati quintitantoc campa hueli ipan taltipacti.

APOCALIPSIS 6:1

Huan quema nijtachiliyaya, nopa Pilborregojtzi quitapanqui nopa achtohui sello ten nopa chicome sellos ipan nopa mimilijtoc amatapohuali. Huan nijcajqui se ten nopa nahui tamanti cati yoltoque camanaltic huan icamanal caquistic quej quema tatomoni, huan yaya quiijto: “¡Xihuala, xiquitaqui!”