APOCALIPSIS 4:11 - Icamanal Toteco

¹¹ “Ta tiToteco Dios cati nelpano tihueyi. Nochi chicahualisti tijpiya. Quinamiqui ma timitznextilica nochi tatepanitacayot. Quinamiqui para san ta ma timitzhueyichihuaca. Ta tijchijchijqui nochi cati onca. Quena, nochi cati onca eltoc pampa elqui mopaquilis para ma onca, huan yeca tijchijchijqui.”

APOCALIPSIS 4:11 Iomraidhean Croise

GÉNESIS 1:1

Quema pejqui nochi cati onca, Toteco Dios quichijchijqui ilhuicacti huan taltipacti.

2 SAMUEL 22:4

Nijnotzas, TOTECO, cati quinamiqui tijhueyichihuase. Huan yaya techmaquixtis ten nocualancaitacahua.

NEHEMÍAS 9:5

Huan teipa nopa tayacanca levitame, Jesúa, Cadmiel, Bani, Hasabnías, Serebías, Hodías, Sebanías huan Petaías quinilhuijque nopa masehualme: “Ximoquetzaca huan xijhueyichihuaca TOTECO Dios cati ipa itztoya para nochipa huan para nochipa itztos.” Huan quiijtojque: “Nochi ma timitzhueyichihuaca huan ma timitzpaquilismacaca, TOTECO Dios, pampa ta tahuel tihueyi huan tahuel ticuajcualtzi.

JOB 36:3

Nijtequihuis nochi notalnamiquilis huan nimitzmacas se tamachtili cati mitznextilis para Toteco Dios cati techchijqui nelía quichihua cati xitahuac.

SALMOS 18:3

San monequi nijnotzas TOTECO cati quinamiqui para nijhueyichihuas, huan yaya nechmanahuis inimaco nochi nocualancaitacahua.

SALMOS 68:34

Xiquinpohuilica nochi masehualme quenicatza hueyi ichicahualis Toteco Dios. Huan itatanex ajsi ipan nochi israelitame. Quena, nelía tahuel hueyi ichicahualis nepa ilhuicac.

ÉXODO 20:11

Pampa ica chicuasen tonali TOTECO quichijqui ilhuicacti, taltipacti, hueyi at huan nochi cati quipiya. Huan mosiyajquetzqui ipan nopa chicompa tonali. Yeca TOTECO quitiochijqui nopa chicompa tonali huan quiiyocatali para ma timosiyajquetzaca.

PROVERBIOS 16:4

TOTECO quichijchijqui nochi tamanti para se tamanti. Quinchijchijtoc fiero masehualme para ma quiselica inintaijyohuilis ipan nopa tonali cati amo cuali.

ISAÍAS 40:26

¡Xiajcotachiyaca nepa ilhuicac! ¿Ajquiya quinchijchijqui nochi ne sitalime? Yaya quinyacana nopa sitalime quej elisquía iilhuicac ejcahua para tatehuise. Yaya quimati quesqui sitalime eltoque huan sesen quinotza ica itoca. TOTECO quipiya nochi yajatili huan chicahualisti huan yeca amo quema polijtoc yon se.

ISAÍAS 40:28

¿Amo anquimachilíaj? ¿Amo anquicactoque para TOTECO yaya nopa Dios cati itztoc para nochipa? Yaya cati quichijqui nochi cati onca hasta campa itejteno ni taltipacti. Yaya amo quema caxani ichicahualis, yon amo quema siyahui. Italnamiquilis eltoc nelhueyi hasta amo aqui hueli quitamimachilía.

JEREMÍAS 10:11

Anisraelitame, xiquinilhuica inijuanti cati quinhueyimatij teteyome: “Nopa teteyome amo nelía dioses huan amo quichijchijque ne ilhuicacti huan taltipacti. Inijuanti tamiixpolihuise.”

JEREMÍAS 32:17

‘NoTECO Dios, ta tijchijqui ilhuicacti huan taltipacti ica momax huan ica mohueyi chicahualis, pampa para ta amo onca yon se tamanti cati ohui.

HECHOS 14:15

huan tzajtzique: ―Tates, amo quinamiqui cati anquichihuaj. Tojuanti nojquiya timasehualme quej amojuanti. San tihualajque timechilhuise para monequi anquicajtehuase amotaixcopincayohua huan amoteteyohua cati amo teno amechpalehuíaj. Monequi xijneltocaca Toteco cati nelía itztoc, cati quichijqui ilhuicacti, taltipacti, nochi hueyi at, huan nochi tamanti cati ininpan itztoque.

HECHOS 17:24

“Yaya Toteco Dios cati quichijqui taltipacti huan nochi tamanti cati onca ipani. Quinahuatía nochi ilhuicacti huan taltipacti. Yaya amo mocahua ipan se tiopamit cati tamachijchihuali.

ROMANOS 11:36

Pero Toteco quichijqui nochi cati onca. Nochi cati onca mocahua campa eltoc ica ichicahualis. Huan nochi tamanti eltoc para ya ipaquilis huan para quinextis ihueyitilis. Ma tijhueyichihuaca Toteco para nochipa. Quej nopa ma eli.

EFESIOS 3:9

Quena, Toteco cati quichijchijtoc nochi tamanti nechmacatoc ni notequi para niquinilhuis nochi cati yaya quisencajqui ten huejcajquiya. Huan italnamiquilis cati amo aqui quimatiyaya elqui para yaya quinmaquixtis israelitame huan cati amo israelitame ipan Cristo.

DEUTERONOMIO 32:4

Yaya cati techmanahuía. Nochi itequi eltoc cuali. Xitahuac nochi cati quichihua. Yaya nopa Toteco Dios cati temachti. Amo quema quichihua cati amo ijqui. Yaya quichihua cati melahuac huan xitahuac.

HEBREOS 1:10

Nojquiya Toteco Dios quiilhui Icone: “NoTeco, ipan ipejya nochi cati onca, ta tijchijchijqui itatzinpehualtil taltipacti. Ta tijchijchijqui nochi ilhuicacti ica momax.

HEBREOS 1:2

Pero ama ipan ni itamiya tonali Toteco technojnotztoc ica Icone cati yaya techtitanili. Toteco Dios quitequimacac Icone ma quichijchihua nochi tamanti cati onca huan quiijtojtoc para nochi cati onca eltoc iaxca.

APOCALIPSIS 1:6

Jesús techchijtoc titanahuatiani huan titotajtzitzi iixpa iTata, Toteco Dios. Yaya cati ipa quipixtoc nochi hueyitilisti huan nochi tequiticayot huan quipixtos para nochipa. Quej nopa elis.

APOCALIPSIS 10:6

Huan quitestigojtali Toteco cati itztoc para nochipa huan cati quichijchijqui ilhuicacti, huan taltipacti, huan hueyi at huan nochi cati itztoque ininpani. Huan nopa ilhuicac ejquet quiijto: “Toteco ayecmo quichiyas más.

APOCALIPSIS 14:7

Huan nopa ilhuicac ejquet tzajtzic chicahuac huan quiijto: “Xiquimacasica Toteco. Xijhueyichihuaca pampa ya ajsic hora para yaya quintajtolsencahuas nochi masehualme. Xijhueyimatica yaya cati quichijqui ilhuicacti huan taltipacti, nopa hueyi at huan nochi amelme.”

APOCALIPSIS 19:1

Teipa niquincajqui tahuel miyac masehualme nepa ilhuicac cati quiijtohuayayaj: “¡Hueyi paquilisti! Toteco techmaquixtijtoc. San yaya cati quipiya nochi hueyitilisti huan nochi chicahualisti. Ma tijnextilica nochi tatepanitacayot para nochipa.

APOCALIPSIS 5:12

Huan nochi nopa ilhuicac ehuani huicayayaj chicahuac huan quiijtohuayayaj: “Senquisa cuali ni Pilborregojtzi cati masehualme quimictijque. Huan quinamiqui para nochi masehualme ma quinextilica nochi tatepanitacayot, huan ma quihueyichihuaca huan ma quipaquilismacaca. Yaya quipiya nochi chicahualisti huan nochi talnamiquilisti. Huan quinamiqui para nochi cati ipati elis san ya iaxca.”

APOCALIPSIS 5:2

Huan niquitac se ilhuicac ejquet cati nelía tetic cati tzajtziyaya chicahuac huan quiijtohuayaya: “¿Ajquiya senquisa cuali huan quinamiqui para quitapanas isellos ni amatapohuali huan quitapos?”

APOCALIPSIS 5:9

Huan inijuanti cati itztoyaj nepa iixpa nopa Pilborregojtzi huicaque se tiohuicat cati yancuic, quiijtojque: “Ta senquisa ticuali. Huan quinamiqui tijcuis nopa mimilijtoc amatapohuali huan tijtapanas isellos. Pampa mitzmictijque huan ica moeso tijcohui Toteco tojuanti cati tihualahui ten nochi xinachti masehualme, huan cati ticamanaltij nochi tamanti camanali. Tijcohui Toteco tojuanti cati tihualahuij ipan masehualme cati quipiyaj sesen tamanti inintalnamiquilis huan inincostumbres, huan cati tiehuani ipan nochi talme.