APOCALIPSIS 22:3 - Icamanal Toteco

³ Huan amo oncas yon se tamanti tatelchihualisti quej cati oncayaya ipan nopa achtohuiya taltipacti cati Toteco quitelchijtoya. Huan ihueyi siyaj Toteco huan nopa Pilborregojtzi eltos ipan nopa altepet huan itequipanojcahua quitequipanose.

APOCALIPSIS 22:3 Iomraidhean Croise

SALMOS 16:11

Technextilis catijqui ojti quipiya nemilisti. Nijpiyas hueyi paquilisti nepa campa ta tiitztoc. Quena, oncas hueyi paquilisti para nochipa nepa campa monejmat.

SALMOS 17:15

Pero na niitztoc xitahuac moixpa, huan se tonali nimitzitas, TOTECO, huan yeca nipaqui. Se tonali quema niisas nijpiyas nochi cati nijtemojtinentoc, pampa niitztos monechca huan ica paquilisti timoixtachilise.

ISAÍAS 12:6

Huan ma huicaca huan ma tzajtzica ica paquilisti, nochi cati itztoque ipan altepet Jerusalén. Pampa tatajco ten tojuanti itztoc TOTECO cati nelía hueyi, Quena, yaya nopa Dios cati Tatzejtzeloltic huan itztoc tohuaya tiisraelitame.”

ISAÍAS 51:11

Ajsis tonali quema nochi nopa masehualme cati ta, tiTOTECO tiquincojtoc para moaxcahua sempa tacuepilise ipan inintal. Huan huicatihualase quema calaquise ipan altepet Jerusalén. Quena, huetzcatihualase huan pactihualase ica se paquilisti cati amo tamis. Huan ayecmo oncas taohuijcayot, yon tequipacholi.

EZEQUIEL 37:27

Huan nopona nimochantis huan niitztos tatajco inijuanti, huan na nielis niiniDios huan inijuanti elise nomasehualhua.

EZEQUIEL 48:35

“Para nochi ihuehueyaca nopa tepamit cati quiyahualos nopa altepet ipan nochi lados quipiyas 9 kilómetros. Huan nopa altepet quitocaxtise: TOTECO ITZTOC NICA.”

ZACARÍAS 14:11

Huan altepet Jerusalén temis ica masehualme huan ayecmo quema mososolos. Nochi nopa altepet huan imasehualhua itztose temachme.

MATEO 25:21

Huan iteco quiilhui: ‘Nelía cuali. Ta tinotequipanojca cati temachti. Cuali techtequipano ica nopa quentzi cati nimitzmacac. Huajca ama más miyac nimitzcahuilis momaco. Xicalaqui nochaj nohuaya huan nochipa tipaquise san sejco.’

MATEO 25:41

“Huan teipa niquinilhuis inijuanti cati itztoque ipan noarraves: ‘Techtalcahuica anamo cuajcualme. Xiyaca ipan nopa tit cati amo quema sehuis cati Toteco quisencajtoc para Amocualtacat huan iajacahua.

JUAN 12:26

Sinta ni griegos o cati hueli masehuali quinequij elise notequipanojcahua, ma nechtoquilica. Huan campa na niitztos, nojquiya itztose notequipanojcahua. Huan sinta se nechtequipanos, noTata quitepanitas.

JUAN 13:32

Quema nitenextilis ihueyitilis noTata, amo huejcahuas nopa tonal teipa quema noTata nechhueyitalis na.

JUAN 14:3

Huan quema ya nimechsencahuilijtos amochaj, huajca sempa nihualas huan nimechhuicas para anitztose nohuaya nepa campa niitztos.

JUAN 17:24

“Notata, nojquiya nijnequi inijuanti cati techmacatoc ma itztose nohuaya campa niitztos. Nijnequi ma quiitase nohueyitilis cati techmacac pampa techicnelijtoc hasta quema ayemo oncayaya taltipacti.

DEUTERONOMIO 27:26

Tatelchihuali ma eli cati amo quintepanitas ni tanahuatilme huan amo quinneltocas. Huan nochi anisraelitame anquiijtose: ‘Quej nopa ma eli.’

APOCALIPSIS 7:10

huan tzajtziyayaj chicahuac huan quiijtohuayayaj: “¡Hueyi paquilisti! Ya techmaquixti ni Pilborregojtzi huan Toteco Dios cati mosehuía ipan ihueyi siyaj cati yejyectzi.”

APOCALIPSIS 7:9

Teipa nijtachili huan niquinitac nelpano miyaqui masehualme hasta amo aqui hueli quinpohua. Hualajtoyaj ten campa hueli talme, huan ten nochi xinachti masehualme, huan ten masehualme ica sesen tamanti inintalnamiquilis huan inincostumbres, huan masehualme cati camanaltij nochi tamanti camanali cati onca ipan taltipacti. Huan nochi inijuanti moquetztoyaj imelac nopa hueyi siyaj huan iixpa nopa Pilborregojtzi. Moquentijtoyaj iniyoyo cati chipahuac huan cati huehueyac huan inimaco quipixtoyaj imacuayo apachijti,