Biblia Todo Logo
Bìoball air-loidhne

- Sanasan -




APOCALIPSIS 19:2 - Icamanal Toteco

2 Yaya tetajtolsencahua temachti huan xitahuac. Quintatzacuiltijtoc cati ehuayayaj nopa altepet Babilonia cati itztoyaj quej se momecatijquet cati tahuel quinchijqui ma tajtacolchihuaca nochi masehualme ipan taltipacti. Quinnextiliyayaj ma quihuejcamajcahuaca Toteco. Toteco quicuepilijtoc nopa fiero sihuat pampa quinmicti itequipanojcahua.”

Faic an caibideil Dèan lethbhreac




APOCALIPSIS 19:2
16 Iomraidhean Croise  

Monequi tiquintamimictis nochi iteixmatcahua Acab cati hasta ama eliyaya moteco. Huan quej nopa tiquincuepilis pampa Jezabel quitoyajqui inieso nochi notajtolpanextijcahua huan notequipanojcahua.


Senquisa cuali para ma tijtepanitaca TOTECO huan ma tiquimacasica para tiquixpanose. Elis cuali para nochipa. Cati TOTECO quiijtojtoc para ma tijchihuaca, ya nopa melahuac. Quena, ya nopa temachti.


TOTECO, na nimitzpaquilismacas huan nimitzhueyitalis pampa ta tinoDios. Ta tijchihua huejhueyi tamanti. Cati huejcajquiya tijsencajqui para tijchihuas, ama melahuac tijchijtoc senquisa quej tiquijto.


“ ‘Pero teipa mosehuis Toteco Dios, nopa Juez, huan pehuas tetajtolsencahuas. Huan Toteco quiquixtilis itequiticayo nopa fiero tacat cati quiixnextía nopa cuacuajti cati pejqui pisiltzi. Huan Toteco quitamisosolos ichicahualis huan quitamiltis para nochipa.


Nochi nicajoctoc para nopa tonali quema nimomacuepas huan nimechmacas anisraelitame. Pampa amo huejcahuas para ajsis nopa talojtzi quema anhuetzise. Ya eltoc nechca nopa tonali quema nimechtzontamiltis. Ya amechnechcahuía amohora.’


Yaya cati techmanahuía. Nochi itequi eltoc cuali. Xitahuac nochi cati quichihua. Yaya nopa Toteco Dios cati temachti. Amo quema quichihua cati amo ijqui. Yaya quichihua cati melahuac huan xitahuac.


¡Ximoyolpaquiltica, nochi anmasehualme ipan taltipacti inihuaya imasehualhua TOTECO Dios! Yaya momacuepas ica cati quinmictijque itequipanojcahua. Quena, quincuepilis icualancaitacahua. Quipajpacas ital huan imasehualhua.”


Huan huicayayaj se tiohuicat quej cati Moisés, itequipanojca Toteco, huicatoya. Huan huicayayaj para nopa Pilborregojtzi, huan quiijtojque: “Tahuel hueyi huan cuajcualtzi nochi cati ta tijchihua, Toteco Dios. Ta Cati Tijpiya Nochi Chicahualisti. Xitahuac huan temachti nochi moojhui. Ta tiTanahuatijquet ten nochi talme.


Pero ma paquica nochi cati itztoque ipan ilhuicac pampa ya sosoli. Nojquiya xipaquica nochi amojuanti cati anitatzejtzeloltica masehualhua Toteco, huan anitayolmelajcahua huan anitajtolpanextijcahua. Xipaquica pampa Toteco quintajtolsencajqui nopa altepet ehuani por nochi cati amechchihuilijtoyaj.


Pampa masehualme ipan nochi talme quiselijtoque itamachtil para quichihuase cati fiero iixpa Toteco. Nochi tanahuatiani ipan taltipacti momecatijtoque ihuaya huan quicajtejtoque Dios para quinhueyimatise taixcopincayome quej yaya quinnextili. Miyac tanamacani ten campa hueli ipan taltipacti moricojchijtoque pampa nopa altepet Babilonia ehuani quinequiyayaj senquisa nochi tamanti cati onca.”


Huan chicahuac quiijtojque: “Tohueyiteco, ta cati titatzejtzeloltic. Ta cati titemachti. ¿Quesqui tonali más monequi tijchiyase para tiquintajtolsencahuas masehualme cati itztoque ipan taltipacti por cati fiero techchihuilijtoque? ¿Hasta quema tiquincuepilis cati techmictijque?”


Lean sinn:

Sanasan


Sanasan