APOCALIPSIS 19:1 - Icamanal Toteco

¹ Teipa niquincajqui tahuel miyac masehualme nepa ilhuicac cati quiijtohuayayaj: “¡Hueyi paquilisti! Toteco techmaquixtijtoc. San yaya cati quipiya nochi hueyitilisti huan nochi chicahualisti. Ma tijnextilica nochi tatepanitacayot para nochipa.

APOCALIPSIS 19:1 Iomraidhean Croise

1 CRÓNICAS 29:11

Ta tijpiya nochi hueyitilisti huan chicahualisti. Ta titatani huan quinamiqui tijselis tatepanitacayot. Pampa nochi tamanti cati onca ipan ilhuicacti huan ipan taltipacti, nochi moaxca ta. Ta tijpiya nochi tanahuatili. Timitzhueyichihuaj pampa tijnahuatía nochi tamanti cati onca.

SALMOS 104:35

Ma miquica nochi cati quinpactía tajtacolchihuaj ipan ni taltipacti. Quena, ma ayecmo itztoca cati amo quinequij quitepanitase TOTECO. Pero na nijpaquilismacas ica nochi noyolo. ¡Paquilisti!

SALMOS 106:1

¡Paquilisti! ¡Ma tijtascamatica TOTECO pampa yaya nelía cuali iyolo huan itaicnelijcayo amo quema tamis ica tojuanti!

SALMOS 111:1

¡Paquilisti! Ica nochi noyolo nijnequi nijtascamatis TOTECO, campa mosentilíaj masehualme cati itztoque xitahuaque.

SALMOS 115:18

Pero tojuanti, quena, tojuanti tijhueyimatise TOTECO ama huan para nochipa. ¡Xijhueyimatica TOTECO! ¡Paquilisti!

SALMOS 146:1

Na nijhueyimatis TOTECO ica nochi noyolo.

SALMOS 148:1

¡Ma quipaquilismacaca TOTECO nochi cati itztoque ipan ilhuicacti! Quena, ten ajacatipa xijpaquilismacaca TOTECO.

SALMOS 149:1

Xijpaquilismacaca TOTECO. Xihuicaca para TOTECO se huicat yancuic. Nochi amojuanti animasehualhua, xijhuicatica Toteco por nochi cati quichijtoc.

SALMOS 150:1

¡Xijpaquilismacaca TOTECO! Xijpaquilismacaca TOTECO ipan itiopa. Xijpaquilismacaca nepa ipan ilhuicac cati yaya quichijchijqui ica ihueyi chicahualis.

SALMOS 3:8

San ta, TOTECO, hueli titemaquixtía. Hueyi paquilisti quipiyaj nochi momasehualhua.

SALMOS 62:11

Nijmati ya ni, pampa miyac huelta Toteco Dios nechilhuijtoc: san yaya quipiya nochi chicahualisti.

JEREMÍAS 51:48

Nochi cati itztoque ipan ilhuicacti huan taltipacti paquise quema nopa soldados ten nopa tali cati mopantía ica norte hualase quitehuiquij tali Babilonia. Quej nopa niamoTECO niquijtohua.

JONÁS 2:9

Pero na nimitztascamati por cati techchihuilijtoc. Amo quema nijhueyichihuas seyoc, san ta, TOTECO. Huan nijtamichihuas cati nijtencajtoc para nijchihuasquía. San ta, TOTECO, hueli titemanahuía.”

MATEO 6:13

Amo aqui xijcahua ma techyoltilana para titajtacolchihuase. Techmanahui ten yaya cati amo cuali. Pampa ta moselti tijpiya tequiticayot para nochi tijnahuatis. Ta tijpiya nopa chicahualisti cati más hueyi. Huan san ta tijpiya motatanex. Huan quej nopa elis para nochipa. San ya nopa.’

APOCALIPSIS 11:15

Huan nopa chicompa ilhuicac ejquet tapitzqui huan nijcajqui miyac cati itztoyaj ipan ilhuicac cati tzajtzique chicahuac, huan quiijtojque: “Ama nochi taltipacti mochijtoc iaxca Toteco Dios huan iaxca Cristo para ma quinahuati. Huan yaya tanahuatis para nochipa huan amo quema tamis.”

APOCALIPSIS 12:10

Huan nijcajqui se cati tzajtziyaya chicahuac ten ilhuicac huan quiijtohuayaya: “Ya mochijtoc. Toteco ya quinmaquixtijtoc imasehualhua. Ya nestoc ichicahualis Toteco Dios huan nelía cuajcualtzi nochi campa yaya tanahuatía. Ya nesqui itequiticayo Cristo yaya cati quitapejpenijtoya Toteco, pampa ya quicuamajcajtoque tatzinta nopa Amocualtacat cati quintatelhuiyaya toicnihua. Yaya elqui cati quintatelhuiyaya toicnihua iixpa Toteco tayohua huan tonaya.

APOCALIPSIS 19:6

Huan nijcajqui cati caquistic quej itztoyaj miyaqui masehualme cati camanaltiyayaj, huan cati caquistic quej miyac at cati ajcahuaca, o caquistic quej tatomoni chicahuac. Huan nochi san sejco quiijtohuayayaj: “¡Hueyi paquilisti! Tohueyiteco Dios tanahuatía, Quena, tanahuatía Toteco Cati Quipiya Nochi Chicahualisti.