APOCALIPSIS 12:10 - Icamanal Toteco

¹⁰ Huan nijcajqui se cati tzajtziyaya chicahuac ten ilhuicac huan quiijtohuayaya: “Ya mochijtoc. Toteco ya quinmaquixtijtoc imasehualhua. Ya nestoc ichicahualis Toteco Dios huan nelía cuajcualtzi nochi campa yaya tanahuatía. Ya nesqui itequiticayo Cristo yaya cati quitapejpenijtoya Toteco, pampa ya quicuamajcajtoque tatzinta nopa Amocualtacat cati quintatelhuiyaya toicnihua. Yaya elqui cati quintatelhuiyaya toicnihua iixpa Toteco tayohua huan tonaya.

APOCALIPSIS 12:10 Iomraidhean Croise

1 CRÓNICAS 29:11

Ta tijpiya nochi hueyitilisti huan chicahualisti. Ta titatani huan quinamiqui tijselis tatepanitacayot. Pampa nochi tamanti cati onca ipan ilhuicacti huan ipan taltipacti, nochi moaxca ta. Ta tijpiya nochi tanahuatili. Timitzhueyichihuaj pampa tijnahuatía nochi tamanti cati onca.

JOB 1:11

Pero xijquixtili nochi cati yaya quipiya huan tiquitas sinta amo mitztelchihuas moixpa.

JOB 1:9

Pero nopa Amocualtacat quiilhui: ―¿Ta tiquita Job mitztepanita san pampa quinequi?

JOB 2:5

Pero sinta nijmacas se cocolisti cati chicahuac, yaya mitztelchihuas moixpa.

SALMOS 22:28

Pampa TOTECO, yaya nopa tanahuatijquet cati quinnahuatía nochi talme.

SALMOS 45:6

Toteco Dios, titanahuatis para nochipa huan amo quema tamis. Quena, motanahuatilis elis senquisa xitahuac.

Daniel 2:44

“Huan ipan nopa tonali quema tanahuatijtose nopa tanahuatiani cati quinixnextía ixocpilhua nopa teteyot, Toteco Dios cati itztoc ilhuicac quiquetzas se tanahuatilisti campa imasehualhua cati amo aqui huelis quisosolos, yon amo aqui huelis quitanis. Huan nopa tanahuatilisti amo aqui huelis quitanis pampa nopa tanahuatijcayot quintamiltis nochi sequinoc tanahuatiani huan inintanahuatijcayo, huan ayecmo teno mocahuas ten ne sequinoc. Nopa tanahuatilisti huan nopa tanahuatijquet cati Toteco quitalijtos huejcahuas para nochipa.

MATEO 26:64

Huan Jesús quiilhui: ―Quena, na niCristo. Huan nojquiya nimitzilhuía, teipa antechitase na cati niMocuetqui Masehuali quema nimosehuijtos inejmat Toteco Dios cati quipiya nochi chicahualisti. Huan antechitase quema sempa nihualas ipan mixti ten ilhuicac.

MATEO 28:18

Huan Jesús technechcahuico huan techilhui: ―Toteco nechmacatoc nochi tanahuatili ipan ilhuicacti huan ipan taltipacti.

MATEO 6:10

Xihuala, xitanahuatiqui nica. Ma quichihuaca mopaquilis ipan ni taltipacti quej mochijtoc nepa ilhuicac.

LUCAS 11:2

Huan Jesús quinilhui: ―Quema anmotatajtíaj ica Toteco Dios, xiquilhuica: Toteco Totata, ta cati tiitztoc nepa ilhuicac. Nochi masehualme ma mitzhueyichihuaca. Xihuala xitanahuatiqui nica. Nochi masehualme ma quichihuaca cati ta tijnequi nica ipan ni taltipacti, quej nochi quichihuaj mopaquilis nepa ilhuicac.

LUCAS 22:31

Huan nojquiya Toteco quiilhui Pedro: ―Simón, Simón, ximotachili. Amocualtacat ya tajtanqui caquihuili para mitztzejtzelos quej se quitzejtzelohua trigo,

1 CORINTIOS 5:4

Huajca ximosentilica ipan itoca Tohueyiteco Jesucristo huan na niitztos amohuaya ica notonal, huan nojquiya itztos amohuaya ichicahualis Tohueyiteco ipan nopa tasentilisti.

2 CORINTIOS 12:9

pero yaya nechilhui: “¡Amo nijchihuas! Hueyi noyolo ica ta huan san ya nopa monequi. Nochicahualis achi más mopanextía quema se masehuali amo quipiya tetili.” Huajca yeca nipaqui pampa amo nitetic, pampa quej nopa monextía ipan na ichicahualis Cristo.

TITO 2:3

San se xiquinilhui nopa tename. Xiquinilhui ma monejnemiltica quej quipactía Toteco. Ma amo teejelnamictinemica. Ma amo ihuintica. Huan ma quinmachtica sequinoc para nojquiya ma quichihuaca cati cuali.

1 PEDRO 5:8

Nochipa ximotalnamictica huan xitachixtoca, pampa Amocualtacat, yaya amocualancaitaca, nemi campa hueli quej se tecuani cati quitemojtinemi ajquiya huelis quitzontamiltis.

APOCALIPSIS 11:15

Huan nopa chicompa ilhuicac ejquet tapitzqui huan nijcajqui miyac cati itztoyaj ipan ilhuicac cati tzajtzique chicahuac, huan quiijtojque: “Ama nochi taltipacti mochijtoc iaxca Toteco Dios huan iaxca Cristo para ma quinahuati. Huan yaya tanahuatis para nochipa huan amo quema tamis.”

APOCALIPSIS 2:26

“Nochi masehualme cati quitanise cati amo cuali huan quichijtinemise cati nimechilhuijtoc hasta itamiya, nimechmacas tequiticayot anquinnahuatise masehualme ipan nochi talme.

APOCALIPSIS 7:10

huan tzajtziyayaj chicahuac huan quiijtohuayayaj: “¡Hueyi paquilisti! Ya techmaquixti ni Pilborregojtzi huan Toteco Dios cati mosehuía ipan ihueyi siyaj cati yejyectzi.”