2 SAMUEL 4:9 - Icamanal Toteco

⁹ Huan David quinnanquili Recab huan iicni Baana huan quinilhui: ―Iixpa TOTECO cati techmanahuijtoc ten nochi notequipachol, nimechilhuis cati melahuac.

2 SAMUEL 4:9 Iomraidhean Croise

GÉNESIS 48:16

Yaya nopa Ilhuicac ejquet cati nechmanahuijtinentoc ten nochi cati fiero. Yaya ma quintiochihua ni telpocame. Huan nochi masehualme ma quimatica inijuanti noaxcahua, huan iniaxcahua notatahua, Abraham huan Isaac. Ma quinpiyaca miyac ininconehua huan ma tahuel momiyaquilica ininteipan ixhuihua ipan taltipacti.”

2 SAMUEL 4:2

Huan itztoyaj ome tacame ipan itanahuatilis Is Boset cati quipiyayayaj inintequi para quinyacanase soldados huan yase ipan sequinoc talme para tachtequitij. Se itoca eliyaya Baana huan seyoc Recab, huan inijuanti iconehua Rimón ten altepet Beerot huan eliyaya se iixhui Benjamín ten huejcajquiya,

1 REYES 1:29

Huan Tanahuatijquet David quitestigojquetzqui TOTECO huan quiijto: ―Nijtestigojquetza TOTECO cati techmaquixtijtoc ten miyac tequipacholi.

SALMOS 103:4

Quimanahuía nonemilis miquilisti. Nechyahualohua ica itaicnelijcayo huan ica nochi nopa tamanti cati nechchihuilía, pampa nechtasojta.

SALMOS 106:10

Quej nopa quinmaquixti huan quinchololti inimaco inincualancaitacahua.

SALMOS 107:2

Nochi amojuanti cati TOTECO amechmanahuijtoc, xitepohuilica. Quena, xitepohuilica para yaya amechmaquixtijtoc inimaco amocualancaitacahua.

SALMOS 34:17

Quema masehualme cati itztoque xitahuaque iixpa TOTECO quitzajtzilíaj, yaya quintacaquilía. Huan quinmanahuía ten nochi inincuesolhua.

SALMOS 34:22

TOTECO quinmaquixtía itequipanojcahua. Quena, quintapojpolhuía imasehualhua cati motemachíaj ipan ya.

SALMOS 69:18

Xihuala, noTeco Dios huan techmanahuiqui. Techmaquixti inimaco nocualancaitacahua.

SALMOS 71:23

Ica paquilisti nitzajtzis huan nihuicas para niteilhuis quenicatza techmaquixtijtoc.

1 SAMUEL 26:24

Huan quej ama nijmanahuijtoc monemilis ama ma TOTECO techmanahui ica nochi cati fiero para amo nimiquis.